Zaburi 110 - Kinyarwanda Bibiliya Ntagatifu

Umukiza ni umwami n’umuherezabitambo

1 Ni zaburi iri mu zo bitirira Dawudi.

¹ Ni zaburi iri mu zo bitirira Dawudi. Uhoraho yabwiye Umutegetsi wanjye, ati «Icara iburyo bwanjye, kugeza igihe abanzi bawe mbagira umusego w’ibirenge byawe!»

² Inkoni yawe y’ubutegetsi, yuje ububasha, Uhoraho azayirambura igere kure, uhereye i Siyoni: «Ganza, ugenge abanzi bagukikije!

³ Wahawe ubutware kuva ukivuka, wimikirwa ku misozi mitagatifu; mbese nk’urume rutonda mu museke, uko ni ko nakwibyariye!»

⁴ Uhoraho yarabirahiriye, kandi ntazisubiraho na gato, ati «Uri umuherezabitambo iteka ryose, ku buryo bwa Malekisedeki.»

⁵ Nyagasani ahora iburyo bwawe, agatikiza abami ku munsi w’uburakari bwe.

⁶ Acira amahanga imanza, akagerekeranya imirambo, ku isi hose agatsemba abatware.

⁷ Mu rugendo anywa amazi ku mugezi uhurura, bigatuma yongera kubyutsa umutwe.