Yosuwa 15 - Kinyarwanda Bibiliya Ntagatifu

Umunani wa bene Yuda

¹ Dore umugabane w’umuryango wa bene Yuda, bakurikije amazu yabo: wageraga ahagana ku rubibi rwa Edomu mu butayu bwa Sini muri Negevu, mu majyepfo.

² Urubibi rwabo mu majyepfo rwavaga ku mpera y’Inyanja y’Umunyu, kuva ku kigobe kiri ahateganye na Negevu,

³ rugakomeza rugana mu majyepfo y’umuzamuko w’ Akarabimu rukanyura i Sini, maze rukazamukira mu majyepfo ya Kadeshi‐Barineya. Hanyuma urwo rubibi runyura i Hesironi, rukazamukana i Adari maze rugahindukira rugana i Karika,

⁴ rukanyura i Asimoni rugakomeza ku kagezi ka Misiri, maze rugaca ku nyanja. Urwo ni rwo rubibi rwabo mu majyepfo.

⁵ Mu burasirazuba, urubibi rwari Inyanja y’Umunyu kugeza ku mpera ya Yorudani. Mu majyaruguru, urubibi rwabo rwavaga ku kigobe cy’Inyanja y’Umunyu, aho Yorudani iyiroheramo,

⁶ rukazamuka rugana i Betihogila, rugaca mu majyaruguru ya Betaraba, rugakomeza ku ibuye rya Bohani mwene Rubeni.

⁷ Hanyuma rwakomezaga kuzamuka rugana i Debiri, rugaca mu kibaya cya Akori, maze mu majyaruguru rukerekeza ku Ruziga rw’Amabuye, ahateganye n’inzira izamuka ijya i Adumimu, mu majyepfo y’akagezi. Rwacaga hafi y’amazi ya Enishemeshi, rukagarukira Eni‐Rogeli.

⁸ Urubibi rwazamukaga ku mukokwe wa Beni‐Hinomu mu ibanga ryo mu majyepfo y’Abayebuzi — ni ukuvuga Yeruzalemu —, hanyuma rukazamuka kugera mu mpinga y’umusozi uteganye n’umukokwe wa Hinomu mu burengerazuba, ku mpera y’ikibaya cy’Abarefayimu mu majyaruguru.

⁹ Urubibi rugahindukirira mu mpinga y’umusozi kugera mu majyaruguru, ku isoko y’amazi y’i Nefitowa, rugakomeza no ku migi yo ku musozi wa Efuroni, rugahindukira rwerekera i Bahala, ari yo Kiriyati‐Yeyarimu.

¹⁰ Kuva Bahala, urubibi rwerekeraga mu burengerazuba rugana ku musozi wa Seyiri, rugaca mu ibanga ry’umusozi w’Amashyamba mu majyaruguru — uwo musozi ni Kasaloni —, rukamanuka i Betishemeshi maze rukanyura i Timuna.

¹¹ Urubibi rugakomeza mu ibanga rya Ekironi mu majyaruguru, rugahindukirira i Shikaroni, rukarenga umusozi wa Bahala, rugakomeza i Yabuneyeli maze rukagarukira ku nyanja.

¹² Urubibi rwo mu burengerazuba, rwari Inyanja Nini n’ahayikikije. Ngiyo, mu mpande zose, intara ya bene Yuda, bakurikije amazu yabo.

Kalebu yigarurira Heburoni

¹³ Kalebu, mwene Yefune, yahawe umunani muri bene Yuda, nk’uko Uhoraho yari yabitegetse Yozuwe. Uwo munani ni Kiriyati‐Aruba, — ari yo Heburoni — ; Aruba uwo yari se wa Anaki.

¹⁴ Kalebu ahanyaga bene Aruba uko ari batatu: Sheshayi, Ahimani na Talamayi, bakomokaga kuri Anaki.

¹⁵ Yavuye aho, ajya gutera abaturage b’i Debiri; kera Debiri yitwaga Kiriyati‐Seferi.

¹⁶ Kalebu ni ko kuvuga ati «Uzatsinda Kiriyati‐Seferi, nzamuha umukobwa wanjye Akisha, amugire umugore.»

¹⁷ Nuko Otiniyeli mwene Kenazi, umuvandimwe wa Kalebu, yigarurira umugi, maze Kalebu amushyingira umukobwa we Akisha.

¹⁸ Akigera mu rugo, Akisha yoshya umugabo we gusaba sebukwe umurima. Hanyuma ava ku ndogobe ye, ahindukirira se; Kalebu aramubaza ati «Ni iki wifuza?»

¹⁹ Umukobwa we aramusubiza ati «Nkundira wumve icyo ngusaba. Ubwo untuje mu butayu bwa Negevu, mpa n’ibizenga.» Nuko Kalebu amuha ibizenga bya ruguru n’iby’epfo.

²⁰ Ng’uwo umunani wa Bene Yuda, bakurikije amazu yabo.

Urutonde rw’imigi ya bene Yuda

²¹ Imigi yo ku mpera z’urubibi rw’umuryango wa bene Yuda, ahagana ku rubibi rwa Edomu muri Negevu yari: Kabuseyeli, Ederi, Yaguri,

²² Kina, Dimona, Adeyada,

²³ Kedeshi, Hasori, Yitinani,

²⁴ Zifu, Telemu, Beyaloti,

²⁵ Hasori‐Hadata, Keriyoti‐Hesironi ari yo Hasori,

²⁶ Amamu, Shema, Molada,

²⁷ Hasari‐Gada, Heshimoni, Betipeleti,

²⁸ Hasari‐Shuwali, Berisheba, Biziyoteya,

²⁹ Bahala, Iyimu, Esemu,

³⁰ Elitolada, Kesili, Horima,

³¹ Sikilagi, Madimana, Sansana,

³² Lebayoti, Shilehimu, Ayini, Rimoni: yose hamwe ni imigi makumyabiri n’icyenda, utabariyemo imidugudu iyikikije.

³³ Dore imigi yabo yo mu ntara y’Imirambi: Eshitayola, Soreya, Ashina,

³⁴ Zanuwa, Eniganimu, Tapuwa, Enami,

³⁵ Yarimuti, Adulamu, Soko, Azeka,

³⁶ Sharayimu, Aditayimu, Gedera na Gederotayimu: imigi cumi n’ine n’imidugudu yayo.

³⁷ Senani, Hadasha, Migidali‐Gadi,

³⁸ Dileyani, Misipe, Yokiteli,

³⁹ Lakishi, Bosikati, Egiloni,

⁴⁰ Kaboni, Lahimasi, Kitilishi,

⁴¹ Gederoti, Betidagoni, Nahama, Makeda: imigi cumi n’itandatu n’imidugudu yayo.

⁴² Libuna, Etera, Ashani,

⁴³ Yifitahi, Ashina, Nesibu,

⁴⁴ Keyila, Akizibu, Maresha: imigi icyenda n’imidugudu yayo.

⁴⁵ Ekironi, n’imigi yagengwaga na yo n’imidugudu yayo.

⁴⁶ Kuva Ekironi ugana mu burengerazuba, imigi yo hafi ya Ashidodi yose n’imidugudu yayo.

⁴⁷ Ashidodi, n’imigi yagengwaga na yo n’imidugudu yayo yose. Gaza, n’imigi igengwa na yo n’imidugudu yayo kugera ku kagezi ka Misiri, Inyanja Nini ikabibera urubibi.

⁴⁸ Mu misozi: Shamiri, Yatiri, Soko,

⁴⁹ Dana, Kiriyati‐Seferi ari yo Debiri,

⁵⁰ Anabu, Eshitemo, Animu,

⁵¹ Gosheni, Holoni, Gilo; imigi cumi n’umwe n’imidugudu yayo.

⁵² Arabu, Duma, Esheyani,

⁵³ Yanumu, Betitapuwa, Afeka,

⁵⁴ Humeta, Kiriyati‐Aruba ari yo Heburoni, Siyori: imigi cyenda n’imidugudu yayo.

⁵⁵ Mawoni, Karumeli, Zifu, Yuta,

⁵⁶ Yizireyeli, Yokideyamu, Zanowa,

⁵⁷ Kayini, Gibeya, Timuna: imigi cumi n’imidugudu yayo.

⁵⁸ Halihuli, Betisuri, Gedori,

⁵⁹ Marati, Betanoti, Elitekoni: imigi itandatu n’imidugudu yayo.

⁶⁰ Kiriyati‐Behali, ari yo Kiriyati‐Yeyarimu, Raba: imigi ibiri n’imidugudu yayo.

⁶¹ Mu butayu: Betaraba, Midini, Sekaka,

⁶² Nibushani, Irimelahi, Enigadi: imigi itandatu n’imidugudu yayo.

⁶³ Naho Abayebuzi bari batuye i Yeruzalemu, bene Yuda ntibashoboye kubambura ibyabo; Abayebuzi rero baturanye na bene Yuda i Yeruzalemu kugeza na n’ubu.