Yobu 25 - Kinyarwanda Bibiliya Ntagatifu

Bilidadi avuga ubwa gatatu

¹ Bilidadi w’i Shuwa afata ijambo, aravuga ati

² «Imana ni yo nyir’ububasha n’igitinyiro, ni yo ituma amahoro aganza mu ijuru.

³ Ni nde wabasha kubarura imitwe y’ingabo zayo ? Ni nde umucyo w'Imana utamurikira ?

⁴ Mbese umuntu yabasha gutunganira Imana ? Ese umuntu buntu yabasha ate kuba umwere ?

⁵ Mbese niba Imana ibona ukwezi kudacyeye, ese niba Imana ibona inyenyeri zitera de,

⁶ kuri mwene muntu hacura iki, mwene muntu umeze nk’urunyo n’umunyorogoto ?