Itangiriro 10 - Kinyarwanda Bibiliya Ntagatifu

Amoko yose y’abantu bo ku isi

¹ Dore urubyaro rwa bene Nowa, ari bo Semu, Kamu na Yafeti. Umwuzure ushize babyaye abahungu:

² Bene Yafeti ni Gomeri, Magogi, Madayi, Yavani, Tubali, Mesheki na Tirasi.

³ Bene Gomeri ni Ashikenazi, Rifati na Togarima.

⁴ Bene Yavani ni Elisha, Tarishishi, Kitimu na Rodanimu.

⁵ Guhera kuri bo amahanga yatangiye kwigabanya ibirwa. Buri wese agahabwa igihugu cye, ukurikije ururimi rwe, n’ihanga rye, n’ubwoko bwe.

⁶ Bene Kamu ni Kushi, Misiri, Puti na Kanahani.

⁷ Bene Kushi ni Seba, Havila, Sabuta, Rahema, Sabuteka. Bene Rahema ni Sheba na Dedani.

⁸ Kushi yabyaye Nemurodi, ari we ntwari ya mbere ku isi.

⁹ Aba umuhigi ukomeye imbere y’Uhoraho. Ni cyo gituma baca uyu mugani ngo: kuba umuhigi w’intwari imbere y’Uhoraho aka Nemurodi.

¹⁰ Imirwa mikuru ku ngoma ye, ni Babeli, Ereki na Akadi, mu gihugu cya Shineyari.

¹¹ Yavuye muri icyo gihugu ajya mu cya Ashuru, yubaka Ninivi, Rehoboti na Kalahi.

¹² Hanyuma yubaka Reseni, wa murwa munini uri hagati ya Ninivi na Kalahi.

¹³ Misiri yabyaye Abaludi, Abanamu, Abalehavu, Abanafutuwa,

¹⁴ Abapaturusi, Abakasiluwa ari bo Abafilisiti bakomokaho, n’Abakafutori.

¹⁵ Kanahani yabyaye Sidoni imfura ye, abyara na Heti.

¹⁶ Abyara Umuyebuzi, Umuhemori, Umugirigashi,

¹⁷ Umuhivi, Umwaruki, Umusini,

¹⁸ Umwaruvadi, Umusemari n’Umuhamati. Hanyuma imiryango ya bene Kanahani iratatana.

¹⁹ Imbibi za Kanahani zatangiriraga kuri Sidoni werekeza i Gaza no mu cyerekezo cya Sodoma na Gomora, Adama na Seboyimu, kugeza i Lesha.

²⁰ Ngurwo urubyaro rwa Kamu, ukurikije imiryango n’indimi byabo, uko bariho mu bihugu byabo no mu mahanga yabo.

²¹ Semu mukuru wa Yafeti, na we yarabyaye, aba sekuruza wa bene Eberi bose.

²² Bene Semu ni Elamu, Ashuru, Arupagishadi, Ludi na Aramu.

²³ Bene Aramu ni Husi, Huli, Geteri na Mashi.

²⁴ Arupagishadi yabyaye Shelaki, Shelaki abyara Eberi.

²⁵ Eberi yabyaye abahungu babiri: uwa mbere bamwise Pelegi (ari byo kuvuga igabanya) kuko mu gihe cye isi yagabanyijwemo imigabane; yari afite murumuna we akitwa Yokitani.

²⁶ Yokitani yabyaye Alimodadi, Shelefi, Hasarimaweti, Yeraki,

²⁷ Hadoramu, Huza, Dikila,

²⁸ Obali, Abimayeli, Saba,

²⁹ Ofiri, Havila na Yobabu. Abo bose ni bene Yokitani;

³⁰ aho bari batuye ni mu misozi y’iburasirazuba uturutse i Mesha werekeza i Sefari.

³¹ Abo rero ni bo bene Semu, uko bari bameze mu miryango yabo, no mu ndimi zabo bavugaga, no mu bihugu bari batuyemo, ukurikije amahanga yabo.

³² Ngiyo imiryango ya bene Nowa, ukurikije imbyaro zabo n’amahanga yabo. Amahanga yose ari ku isi, nyuma y’umwuzure, ni bo yakomotseho.