1 Ngoma 5 - Kinyarwanda Bibiliya Ntagatifu

Abakomoka kuri Rubeni

¹ Rubeni yari imfura ya Israheli, ariko amaze kuryamana na muka se, uburenganzira bwe bw’umwana w’imfura buhabwa bene Yozefu, mwene Israheli, nuko Rubeni abura atyo uburenganzira bw’umwana w’imfura.

² Naho Yuda we, yaruse abavandimwe be kandi kuri we havutse igikomangoma, nyamara uburenganzira bw’umwana w’imfura bwakomeje kuba ubwa Yozefu.

³ Bene Rubeni, imfura ya Israheli, ni Hanoki, Palu, Hesironi na Karumi.

⁴ Abakomoka kuri Yoweli uko bakurikiranye, ni Shemaya, Gogi, Shimeyi,

⁵ Mika, Reyaya, Behali,

⁶ Beyera wanyazwe na Tegalati‐Falazari, umwami w’Ashuru. Yoweli uwo yari igikomangoma muri bene Rubeni.

⁷ Abavandimwe be, hakurikijwe imiryango yabo uko yanditswe mu irondora ry’ibisekuruza, ni Yeweli wari umutware, Zekariyahu,

⁸ na Bela mwene Azazi, mwene Shema, mwene Yoweli. Bene Rubeni bari batuye kuva i Aroweri kugera kuri Nebo na Behali‐Mewoni.

⁹ Iburasirazuba, bari batuye kuva ku ruzi rwa Efurati kugera ku butayu, kuko amatungo yabo yari menshi mu gihugu cya Gilihadi.

¹⁰ Mu gihe cya Sawuli barwana n’Abahaguri barabica, maze batura mu mahema yabo ku butaka bwose bw’iburasirazuba bwa Gilihadi.

Abakomoka kuri Gadi

¹¹ Bene Gadi batura babitegeye mu gihugu cya Bashani kugeza i Salika:

¹² umukuru yari Yoweli, uwa kabiri ari Shafamu, hakurikiraho Yenayi na Shafati i Bashani.

¹³ Abavandimwe babo, hakurikijwe imiryango yabo, bari Mikayeli, Meshulamu, Sheba, Yorayi, Yakani, Ziya na Eberi: bari barindwi.

¹⁴ Ngaba bene Abihayili, umuhungu wa Huri, mwene Yarowa, mwene Gilihadi, mwene Mikayeli, mwene Yeshishayi, mwene Yahudo, mwene Buzi.

¹⁵ Ahi mwene Abudiyeli, mwene Guni, yari umutware w’imiryango yabo.

¹⁶ Bari batuye muri Gilihadi, muri Bashani no mu nsisiro zaho, mu bwatsi bwose bw’i Sharoni kugera ku mipaka yayo.

¹⁷ Bose babaruwe mu gihe cya Yotamu, umwami wa Yuda, no mu gihe cya Yerobowamu, umwami wa Israheli.

¹⁸ Bene Rubeni, Abagadi n’igice cya kabiri cy’umuryango wa Manase, bari barimo abagabo b’intwari bitwaza ingabo n’inkota, barashisha imiheto kandi bazi iby’intambara — abashoboraga kujya ku rugamba bari abagabo ibihumbi mirongo ine na bine na magana arindwi na mirongo itandatu.

¹⁹ Barwanyije Abahaguri i Yaturi, i Nafishi, i Nodabu.

²⁰ Baratabawe, maze Abahaguri batabwa mu maboko yabo hamwe n’abo bari kumwe bose, kuko mu gihe barwanaga batakambiye Imana irabumva kubera ko bari bayifitiye icyizere.

²¹ Bafata amatungo yabo: yari ingamiya ibihumbi mirongo itanu, amatungo magufi ibihumbi magana abiri na mirongo itanu, indogobe ibihumbi bibiri, ndetse n’abantu ibihumbi ijana.

²² Abantu benshi baratsindwa, baricwa, kuko Uhoraho yari yiyoboreye urwo rugamba. Babazungura mu byabo kugeza ubwo bajyanywe bunyago.

Abakomoka kuri Manase hakurya ya Yorudani

²³ Abantu b’igice cya kabiri cy’umuryango wa Manase bari batuye mu gihugu kiva kuri Bashani kikagera kuri Behali‐Herimoni, Seniri n’umusozi wa Herimoni: bari benshi rwose.

²⁴ Ngaba abatware b’amazu yabo: ni Eferi, Yisheyi, Eliyeli, Azuriyeli, Yirimeya, Hodaviya na Yahudiyeli. Bari abagabo b’intwari, bakaba n’ibirangirire, kandi ni bo batwaraga amazu yabo.

²⁵ Nyamara bahemukiye Imana y’abasekuruza babo, bararikira imana z’abanyamahanga Uhoraho yari yararimbuye imbere yabo.

²⁶ Nuko Imana y’Abayisraheli ibaterereza Pulu, umwami w’Abanyashuru, na Tegalati‐Falazari, umwami w’Abanyashuru, banyaga Abarubeni, n’Abagadi, n’igice cya kabiri cy’umuryango wa Manase, babajyana i Hala, i Habori, no ku ruzi rwa Gozani, na n’ubu baracyariyo.

Abakomoka kuri Levi : Abaherezabitambo bakuru

²⁷ Bene Levi ni Gerishomu, Kehati na Merari.

²⁸ Bene Kehati ni Amuramu, Yishari, Heburoni na Uziyeli.

²⁹ Bene Amuramu ni Aroni, Musa na Miriyamu. Bene Aroni ni Nadabu, Abihu, Eleyazari na Itamari.

³⁰ Eleyazari abyara Pinehasi; Pinehasi abyara Abishuwa;

³¹ Abishuwa abyara Buki; Buki abyara Uzi;

³² Uzi abyara Zerahiya; Zerahiya abyara Merayoti;

³³ Merayoti abyara Amariya; Amariya abyara Ahitubi;

³⁴ Ahitubi abyara Sadoki; Sadoki abyara Ahimasi;

³⁵ Ahimasi abyara Azariya; Azariya abyara Yohanani;

³⁶ Yohanani abyara Azariya. Ni we wabaye umuherezabitambo mu Ngoro Salomoni yubatse i Yeruzalemu.

³⁷ Azariya abyara Amariya; Amariya abyara Ahitubi;

³⁸ Ahitubi abyara Sadoki; Sadoki abyara Shalumi;

³⁹ Shalumi abyara Hilikiya; Hilikiya abyara Azariya;

⁴⁰ Azariya abyara Seraya; Seraya abyara Yehosadaki;

⁴¹ Yehosadaki yagiye igihe Uhoraho abateje Nebukadinetsari, akanajyana bunyago Yuda na Yeruzalemu.