Tite 1 - Féké Testament 1947

¹ Paul, koï a Ouone, da njou‐mboro‐pina a Jésus‐Christ ka mboro tounassaon akli on ko̱ Ouone mi sane kli, baï an klime tou babaï on nguite ko̱ mi na ka mboro pèngna bong njaka Ouone,

² baï hina oliya yana kambèlè, ko̱ Ouone, kè on ko̱ mi tane ma baï bana wo̱ko̱ ya, mi bi gonjakè ka titilikè ambèl hi name mossona koukoula,

³ da ka name nè fènè, kème bi none baïnjakè kala ka mboro sana mboura on, ko̱ mi hi bi ndo̱ko̱ ni baï pèngnakè, ka mboro bina baïnjaka guingna a Ouone Njou‐yana‐baï‐toul ama on.

⁴ Mè pi takarata aïn hi Tite, dodok goune ni, ko̱ name ndé jing tounassaon jing hana. An Ouone Baba da Christ‐Jésus Njou‐yana‐baï‐toul ama, mi hi ndingna mbo̱l da go̱ro̱ iki hi mo.

⁵ Baï on mi ko̱ mè yèng mo bi guèl Crète, an mome rèk fènli on ko̱ mi na pamzala, da mo sane tangchidoli mane bil pouli bon, mahana on ko̱ mème ti sa bi njako̱ jinguèl tou.

⁶ Tokoré njoukouna mi kaou ka rongo, da ba wa a waïn mbéo bo̱l, da goune nèli mi la bilaou, da mi tane ga sa kita kon toul kli baï toul békéfèn, maléba lanabaï ya.

⁷ Dadaon njou‐ona toul pina a église mi kaou ka rongo, baï ko̱ kè ba njou‐onatoul fèn a Ouone; nding fèn ka laou‐è fènè ya, hèrè mi ba nè gata ya, kè tane hou houl vin ya, ti ba njou‐wanafèn ya, kè tane ti jing nzala nguèra vaïnafèn ya;

⁸ da kème ji ndingna ko̱ko̱ ta, kème ji baï ko̱ ba bèlakè, kème kaou ka sèna none, mbo̱natoul, tang fofoto, njou‐mangna naïn‐monè,

⁹ kème ching baïnjaka ko̱ na lodok, mahana ka to̱ko̱nafèn, mono on an kème ma baï wara ka mboro kakaïya to̱ko̱nafèn, da samba njou‐fana baïli.

¹⁰ Baï ko̱ njou‐lana mbourali ya mi kaou nyèta, da njou‐sanabaïli bo̱on, da njou‐mongnafènli, makaou nyèta an wora njou‐ina gassali;

¹¹ dadaon ma an njaka kli mi tou bi rou, baï ko̱ klime féré njou‐voulouli bon kon nyèta, da klime to̱ko̱ fènli on ko̱ tane ma an klime to̱ko̱ ya, baï jingna nguèra vaïnafènli.

¹² Njoukou mbéo an woro kli, ko̱ ba prophète akli fèn kli mi sa: Crétoili ba njou‐bana wo̱ko̱li guèbassoko, béké?-?naïnli, njou‐sona lakali ta bo̱on.

¹³ Bongbaï aïn ba babaï. Baï toul baï aïn mo ba baï hi kli njèrèn ta, mono on, an klime ma baï guina njèrèn jing tounassaon.

¹⁴ Da kli ma la bong tangbaï a Juifli ya, da la bina baïnjaka njoukouli ya, kli on ko̱ mi yèng babaï.

¹⁵ Fènli bon mi tangta jing kli on ko̱ tangta; da akli on ko̱ mi tèn ba fèn dakame, da kaou ka ndouri, fènli bon mi na ba dakame da laou kèrafèn akli tèn laou‐tounafèn akli mi na ba dakame.

¹⁶ Kli sa bi kala klime toutou Ouone da klime njomo nè ka mboro pina akli, kli sène fèn maïya, kli fa baï ta, da jing bèla pina bon laou kli tane mabong lénakè ya.