Saint Matthieu 1 - Féké Testament 1947

¹ Takarata a sarang a tangko a Jésus-Christ, Goune a David, goune a Abraham.

² Abraham mboung Isaac; Isaac mboung Jacob; Jacob mboung Juda da yine nèli;

³ Juda mboung Pharès da Zara jing Thamar; Pharès mboung Esrom; Esrom mboung Aram;

⁴ Aram mboung Aminadab; Aminadab mboung Naasson; Naasson mboung Salmon;

⁵ Salmon mboung Boaz jing Rahab; Boaz mboung Obed jing Ruth; Obed mboung Isaï;

⁶ Isaï mboung David. Nanjoukaou David mboung Salomon jing waïn a Urie;

⁷ Salomon mboung Roboam; Roboam mboung Abia; Abia mboung Asa;

⁸ Asa mboung Josaphat; Josaphat mboung Joram; Joram mboung Ozias;

⁹ Ozias mboung Joatham; Joatham mboung Achaz; Achaz mboung Ézéchias;

¹⁰ Ézéchias mboung Manassé; Manassé mboung Amon; Amon mboung Josias;

¹¹ Josias mboung Jéchonias da yine nèli, ka name o̱kèo̱ ko̱ kli fan kli sé pou Babylone.

¹² Afal ko̱ klime fan kli sé pou Babylone tou, Jéchonias mboung Salathiel; Salathiel mboung Zorobabel;

¹³ Zorobabel mboung Abiud; Abiud mboung Éliakim; Éliakim mboung Azor;

¹⁴ Azor mboung Sadok; Sadok mboung Achim; Achim mboung Éliud;

¹⁵ Éliud mboung Éléazar; Éléazar mboung Matthan; Matthan mboung Jacob;

¹⁶ Jacob mboung Joseph, ko̱ ba wa a Marie, ko̱ mboung Jésus, ko̱ ling‐è ba Christ.

¹⁷ Mèrèn kli mane botoulè‐nèng, tinassaonkè ka Abraham bo̱l tèn David, da mèrèn kli mane botoulè‐nèng ka David bo̱l tèn name fana kli sé pou Babylone, da mèrèn kli mane botoulè‐nèng ka name fana kli sé pou Babylone bo̱l tèn Christ.

¹⁸ Name baï mboungna Jésus‐Christ mono. Da ko̱ Joseph mi baka Marie, ma a Jésus bi, ambèl ko̱ kème ya nè, kè ko̱ kè mbabil ka Saint‐Esprit.

¹⁹ Da Joseph, ko̱ ba wa nè, ba njoukou guédék, da kè tane ga ji ba chonron mi sé nè an nona rokè ya, ka kèrè baï yèngna Marie ka foli.

²⁰ Da ko̱ kème pane kèra fal baï on, mono, ange a Nanjou mi tèn gui monè, yé ba lo̱la on, ka sa: Joseph goune a David, waou mi i mo baï yana Marie ka waïn no ya, baï ko̱ bil on ko̱ kème mba ba a Saint‐Esprit;

²¹ da yé kè ma mboung ba goune wonron, da mo ma bi ling‐è ba Jésus; baï ko̱ kè mini ko̱ ma kou njoukou nèli baï békéfèn aklili.

²² Fèn aïnli bon mi tèn an tènrèn none baï ko̱ Nanjou mi sa ka njaka prophète mi tèn kala ka babaï, ka sa:

²³ Oui ko̱, tikila ko̱ mi mbabil tou, kè ma mboung ba goune wonron, Da yé kli bi ling‐è ba Emmanuel, on mi sa ba Ouone jing na.

²⁴ Da Joseph tome name tou, ka nding mahana ka aïn ko̱ ange a Nanjou sa bi njakè, da ya waïn nè tou.

²⁵ Da kè tane ga hèdi nè ya bo̱l tèn name mboungna goune wonron on, da kè bi ling‐è ba Jésus.