Romainli 4 - Féké Testament 1947

¹ Mono on, yé na sa Abraham tangko na ka mboro naïn‐mone mi jing ba fèn lé?

² Da tokoré Abraham mi gui guédék ka ba mboro pina, kè ti jone monè fènè tou, da tane ti ka nona Ouone ya.

³ Da Takarata a Ouone mi sa ba fèn lé? Da ko̱ Abraham mi la Ouone bilaou‐è, da Ouone mi kèn tounassaon amè kon toulè mahana ko̱ kè ba guédék.

⁴ Da kè on ko̱ nding pina fèn ko̱ kème jing, mi kèn on kon toulè tane ti mahana ka ndingna mbo̱l ya, da mahana ka ba cho̱ko̱kè,

⁵ da kè on ko̱ mi tane nding pina ya, da kè la bilaou a kè on ko mi nding njou‐pongna Ouone gui guédék, mi kèn tounassaon amè kon toulè, mahana ko̱ kè ba guédék.

⁶ Mahana ko̱ David mi ndé kon jangnandaï toula njoukou on kéng ko̱ Ouone mi kèn kon toulè mahana ko̱ kè ba guédék, da tane ti ka ba mbora pina ya.

⁷ Jangnandaï mi ba baï akli on ko̱ kème yèng bi mboro séla guingna kli tou, Da békéfèn aklili mi moungnourou tou!

⁸ Jangnandaï mi ba baï a njoukou on ko̱ Nanjou mi tane ga kèn békéfèn nè kon toulè ya!

⁹ Mono, jangnandaï aïn mi gui kon toula njou‐ina gassa ka ho̱kè, maléba mi ndé gui kon toula njou‐ina gassa ya lé? Baï ko̱ name sa: Ouone mi kèn tounassaon a Abraham kon toulè mahana ko̱ kè ba guédék.

¹⁰ Mono on, kassé hane mi ko̱ kè kèn on kon toulè lé? Afal ko̱ kème i gassa tou, maléba ambèl on ko̱ kème tane ga i gassa ya lé? Tane ti ba on ko̱ kème i gassa tou ya, da ba on ko̱ kème tane ga i gassa ya.

¹¹ Da kè ya fèn to̱ko̱na a ina gassa, mahana ka fèn mbo̱la a guédék, ka tounassaon on ko̱ mi na jing nè, ko̱ kème pane ga i gassa ya, mono on, an kème tèn ba baba akli on bon ko̱ mi la bilaou, ko̱ klime tane ga i gassa ya, baï ko̱ mi ndé kèn kon toul kli ko̱ kli ba guédék kéng,

¹² da tèn ba baba a njou‐ina gassali, akli on ko̱ mi tane ga i gassa ho̱ko̱ kli ya, da kli ndé sé guèl bo̱ko̱ tounassaon on kèng ko̱ mi na jing baba na Abraham jinguèl, ko̱ kème tane ga i gassa ya.

¹³ Baï ko̱ Ouone mi bi gonjaka hi Abraham da goune nèli ba yé kè ma ya pélé an koukoula aïn, ka ba mboro guingna ya, da ka ba mboro guédék ka tounassaon.

¹⁴ Baï tokoré kli on ko̱ kaou an bo̱ko̱ guingna, mi tèn ba njou‐yana péléli, mono on, tounassaon mi na bo̱on, da bina gonjaka on mi ndé na bo̱on.

¹⁵ Baï ko̱ guingna mi hi ba hèrè, da guèl on ko̱ guingna mi tane tiya, séla guingna mi tane tiya kéng.

¹⁶ Mono, baï on njou‐yana pélé mi gui ka mboro tounassaon, baï an mi ma ka ba mboro ndingna mbo̱l, mono an bina gonjaka mi tèn ka ba babaï jing mèran njoukouli bon, da tane ti ba akli on ko̱ kaou an bo̱ko̱ guingna ka ho̱ko̱ kli ya, da ba akli on ko̱ mi ndé jing tounassaon a Abraham kéng, kè on ko̱ ba baba na bon.

¹⁷ Mahana ko̱ mi dé: Mè bi mo ba baba a pime pouli nyèta a nona Ouone on ko̱ kème toussaon‐è, Ouone, on ko̱ mi hi yana hi houli, da kème di fènli on ko̱ mi tane tiya, mahana yé ba fèn on mana.

¹⁸ Baï ko̱ Abraham mi oli ko̱ fèn oliya hana mi tane tiya, an kème tèn baba a pime pouli nyèta, mabong baï on ko̱ mi sa hi nè; yé mèrèn no ma gui mahana ka on.

¹⁹ Da tounassaon amè mi tane ga hou mbi ya, ko̱ kème kèrè kli‐monè fènè mi po̱ko̱ro̱ tou ma houl, ko̱ kème hèdi saka ma té tou, da kème kèrè ko̱ voul goune a Sara mi bo tou.

²⁰ Da baï ko̱ laou‐è mi pane toul bina gonjaka a Ouone, kè tane ga kaou ka ndouri ya, da kème kaou wang ka tounassaon, ka hi jonafèn hi Ouone.

²¹ Da kème bi hang‐è toul fèn on ko̱ Ouone mi bi gonjakè jing rou hi nè, ko̱ kème ma baï ndé ndingnakè kéng.

²² Mono ndé baï on kéng, Ouone mi kèn on kon toulè mahana ko̱ kè ba guédék.

²³ Da Ouone mi dé on bi takarata, tane ti ba baï toulè ka ho̱kè ya ko̱ kème kèn on kon toulè,

²⁴ da ndé baï toula kéng, ko̱ yé Ouone ma kèn on kon toula, ko̱ la bilaou a kè on ko̱ tome Jésus, Nanjou na, an wora houli,

²⁵ kè on ko̱ Ouone mi hi nè baï toul séla guingna na, da mi tome nè baï ndingna na gui guédék.