TAKARATA A JACQUES KO̱ DÉ 1 - Féké Testament 1947

¹ Jacques, koï a Ouone da a Nanjou Jésus‐Christ, mi pi takarata aïn hi mèrèn kadouk botoulè‐séré on ko̱ mi yaïli manguèl, woromon hi oui.

² Yine nili, ko̱ ouime lé an guèl yaknafènli toutoul, toutoul, oui ko̱ fènli on bon mahana ka ba fèn jangnandaï,

³ baï oui toutou ko̱ fèn on mi lé tounassaon baï ka hi ba laïnabi.

⁴ Da dadaon an laïnabi mi nding guédék pina nè, mono on, an ouime gui guédék jing fènli bon, an ouime tane nak jing fèna mbéo ya.

⁵ Da tokoré njoukouna an woro baï mi nak jing cho̱kna, dadaon an kème oui Ouone, kè on ko̱ mi hi njoukouli bon bo̱on, da tane ga ba baï hi kli ya, da yé kè ma hi nè.

⁶ Dadaon an kème oui ka tounassaon da tane kaouna ka ndouri ya; baï kè on ko̱ mi kaou ka ndouri mi mabahana ka wouna mbi a loukou mbi tome, ko̱ koukouna mi kou ka wou nè kan kini kan soko.

⁷ Baï ko̱ an njoukou on mi tane kèrè ya ba yé kè ma ya fèna an ndo̱ka Nanjou,

⁸ on ba njou‐laou séré, kème sé maï maï jing mboro nèli bon.

⁹ Da dadaon an yine on ko̱ kaou guèl bouna monè guè koukoula mi jangndaï baï toul loukou guèlè.

¹⁰ Da njou‐nguèra mi jangndaï baï toul bouna monè koukoula: baï ko̱ yé kè ma ta mahana ka bouïpa.

¹¹ Séssé mi tèn ka jang maïya, ka ho̱ko̱ pa, da bouïpa mi ta lé, da bèla a monè mi o̱ tou; mono on yé njou‐nguèra ma fan jing mboro nè.

¹² Jangnandaï ba baï a njoukou on ko̱ mi kaou pou jing pana mone an bil yaknafèn; baï afal ko̱ mi lé nè ka ko̱ nè mabongkè, yé kè ma jing mbélé couronne yana ko̱ Nanjou mi bi gonjaka hi kli on ko̱ mi sé hang‐è.

¹³ An njoukouna mbéo mi tane sa ya ko̱ yaknafèn mi yak nè: Ouone mi ko̱ yak mi. Baï ko̱ békéfèn mi tane ma baï yakna Ouone ya, da kè fènè mi tane ga yak njoukouna mbéo ya.

¹⁴ Da ba nzala naïn‐monè fènè mi ko̱ yak njoukou mane mbéo mbéo bon, ko̱ ba nè bi ka lang nè.

¹⁵ Da afal ko̱ nzala naïn‐mone on mi mbabil tou, mi mboung ba békéfèn, da ko̱ békéfèn mi hon tou, mi mboung ba houl.

¹⁶ Oui tane mong mone baï fèn baï ya, yine nili on ko̱ mème sé hang baï ta.

¹⁷ Bèla toul ndo̱ko̱ bon tèn toul ndo̱ko̱ guédék bon mi diri gui ka ba nonkala, ka gui ka mona Baba a takanafènli, kè on ko̱ tane ma baï komona ya, da tane ti mahana ka tétéme ko̱ ki ya.

¹⁸ Baï ko̱ kème badi ka mboung na ka mboro baïnjaka babaï, mono on, an name tèn ba titili léna a fènli on ko̱ kème mosso.

¹⁹ Oui toutou on, yine nili, ko̱ mème sé hang baï ta. Dadaon an njoukouli mane mbéo mbéo bon mi la baï gata, ka tane sa baï gata ya, tane joungna hèrè gata ya;

²⁰ baï ko̱ hèrè a njoukou mi tane ga nding fèn guédék a Ouone ya.

²¹ Mono baï on, oui yèng go̱ro̱ dakame bon, tèn mbana sènafèn bon, oui ya baïnjaka jing bouna mone baï guè koukoula ko̱ go̱ro̱ an bil go̱ro̱ baï, on ko̱ ma baï kouna laou baï.

²² Da oui nding fèn on ko̱ baïnjaka mi to̱ko̱ hi oui, da tane ti ba baï lanakè bo̱on ya, baï mongna ba mone baï fèn baï.

²³ Baï tokoré njoukouna mi la baïnjaka bo̱on, da tane ga nding ya, kè mabahana ka njoukou on ko̱ mi ko̱ dodok nonè an bil tatara.

²⁴ Da afal ko̱ kème ko̱ nonè o̱ tou ka ourou, koukoulion kème yangnaran mboro nonè kong ba na ane dé.

²⁵ Da njoukou on ko̱ mi ènrèn guè bil guingna guédék, guingna séna ka laou, da laïbi ka mborokè, kè tane ti ba njoukou ko̱ la baï bo̱on ka yangnaran ya, da ba njoukou on ko̱ nding fèn, yé njoukou on ma jing jangnandaï ka mboro ndingna fèn nè.

²⁶ Tokoré njoukouna mi kèrè ka laou‐è ko̱ kè ba njou‐lana baï a Ouone, da tane ga miri léme sélè ya, kème mong ba go̱rè, da tènrèn baï a Ouone a njoukou aïn mi na bo̱on.

²⁷ Tènrèn baï a Ouone ko̱ mi na tang fofoto, da tane békéfèn mbéo ya an nona Ouone da Baba na ko̱ manaï, baï séna ana goune sèlali tèn waïn soréli on ko̱ mi kaou jing to̱ko̱nassé klili, da baï pèngna monè fènè baï toul békéfènli bon an bilkaou koukoula aïn.