Hébreuli 6 - Féké Testament 1947

¹ Mono baï on, dadaon an name yèng titili fèn a none baïnjaka a Christ, an name dong guébèl pouta baï guina guédék, ti ba an name féré baï mossona bètèkè ba aféké ya, baï hèkèna mboro pinali ko̱ hou, da tounassaon a Ouone,

² da baï to̱ko̱na ndingna baptême, da baï goukouna ndo̱ko̱ toula njoukou, da baï tomnahoulkèli a houl da baï barabaï kambèlè.

³ Yé na nding fèn aïnli, tokoré Ouone mi jiji.

⁴ Da toul akli on ko̱ la mborokè tang tou, da sanran toul ndo̱ko̱ an nonkala, da kli jing fèn akli ka Saint‐Esprit,

⁵ da kli sanran bèla baïnjaka Ouone, da loukou njèranli a saka on ko̱ mi nding baï guina.

⁶ Da afal da kli lé ka mborokè, on lata baï an klime féré tèn fékékè ka mboro hèkèna békéfèn, baï ko̱ klime féré bara Goune a Ouone ba aféké bi di‐croix baï akli fèn kli, da bi chonron nonè an nona ro̱kè.

⁷ Baï koukoula ko̱ njo mbi mbame on ko̱ to̱ mborokè nyèta an nonè, da mi bou gouè haï on ko̱ bèlta baï akli, da baï toul kli on, ko̱ mi pa paï an ndourou, koukoula on ko̱ klime jing samnafèn an ndo̱ko̱ Ouone.

⁸ Da tokoré koukoula mi lé ba ngassadili da kariguènè, kli pong nè, da on diya jing fèn poukouna, da sèkèrèkè a fèn on ba soungnakè,

⁹ Da tongna ko̱ name sa mahana ka aïn, oui on ko̱ name sé hang baï nyèta da laou na mi pane jing oui baï vora bèla fèn on honta, da fèn on ko̱ sé jing yana‐baï‐toul.

¹⁰ Baï ko̱ Ouone tane nding maï maï ya, da yangnaran pina abaï, da ko̱ oui to̱ko̱ jinguèl ko̱ oui sé hang ling‐è, mono baï ko̱ ouime nding bakara hi njou‐lana‐bilaouli, da oui pane baï ndingna bakara on.

¹¹ Da na ji njoukou mbéo mbéo bon an woro baï mi to̱ko̱ mbé séna none mahana ko̱ mba bil go̱rè jing oliya bo̱l tèn sèkèrèkè.

¹² Mahana on, an ouime kaou pouta ka yèng ya, da nding mahana ka kli on ko̱ ka mbora tounassaon, da ka mboro laïnabi yana pélé bina gonjakali.

¹³ Baï ko̱ Ouone mi bi gonjaka hi Abraham jinguèl ko̱ kè tane ma baï louna fèn honta nè ya, kè lou ka ling‐è fènè.

¹⁴ Kè sa: Babaï ka mboro samnafèn, yé mè ma same mo, ka mboro taïnakon nyèta, yé mè ma taïn mèrèn noli kon.

¹⁵ Da mono on, ko̱ kème bou toulè rou ka laïnabi mi ko̱ kè jing fèn bina gonjaka on.

¹⁶ Baï ko̱ njoukouli lou fèn ka ling a kè on ko̱ mi honta, da ka mboro sana babaï mi nding baïkè pou bi, da njaka na bon mi o̱ an woro kli.

¹⁷ Mono baï on Ouone ji to̱ko̱na guèbambèl ko̱ none badina amè mi na pouta hi njou‐yana péléli a bina gonjakè, kè lou fèn an woro kli.

¹⁸ Da baï ka mboro fènli on séré ko̱ mi na pouta jing fènli on ko̱ Ouone ma baï bana wo̱ko̱ jing rou ya, na bi hang na guè tiya ko̱ mi hi njèran hi na ko̱ na ngou guèl lénambèl mona ka mboro chingna oliya on, ko̱ mi na ambèl mona.

¹⁹ Oliya on, mahana ka fèn ko̱ bati laou na bi, ko̱ lang ya, ka pouta; oliya on ko̱ ta fal la voile ka kan bilkè.

²⁰ Da guèl ko̱ Jésus ri baï na mahana ka njou?-?dana mbèlkè da tèn zaworo sacrificateur kambèlè, an mi ma ka mbora Melchisédek.