Hébreuli 3 - Féké Testament 1947

¹ Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

² Kè on ko̱ ba lodok jing nè on ko̱ same nè baï pina on, mahana ka Moïse ko̱ ba lodok jinguèl an bil voula Ouone kéng.

³ Baï ko̱ on mi ko̱ nè ma baï jingna jonafèn ta Moïse, mahana ka kè on ko̱ za voulou jing jonafèn ta vouloukè.

⁴ Baï voulou bon mi za ka ndo̱ko̱ njoukouna; da kè on ko̱ za fènli bon da Ouone.

⁵ Da Moïse ba lodok ka babaï an bil voula Ouone bon, mahana ka njou‐bakara, baï bongbaï a fènli on ko̱ ma to̱ko̱ bi kala afal da.

⁶ Da Christ mahana ka goune onatoul voula Ouone, da na on ba voulè, tokoré name ba pouta jing fènli on ko̱ laou na mi na rou, da oliya on ko̱ name jangndaï jing rou, bo̱l go̱ sèkèrèkè.

⁷ Mono baï on, mahana ko̱ Saint‐Esprit mi sa: Kassénaï tokoré ouime la njakè.

⁸ Go̱ro̱ baï na bang ya, mahana ko̱ fèn mi zara oui jinguèl. Mahana ka name ko̱ fèn mi lé oui an woropa soko.

⁹ An guèl on ko̱ tangko abaïli mi to̱ko̱ssé hi mi ka lé mi, Da kli ko̱ pina mi saka bongkè‐nèng.

¹⁰ Mono baï on, mi go̱ro̱ ni mi sé mi jing mèlan njoukou aïnli, da mè sa: Kli nding fèn maï maï ka go̱ro̱ kli guèbassoko, Da kli tane ga tou mboro nili ya.

¹¹ Mono on, mè lou fèn ka ba njaka hèrè; Yé kli ma ri kan guèl yana tana ni ya!

¹² Oui pèng mone baï yindi, baï béké go̱ro̱ ndingna ka ndouri mi na jing njoukouna mbéo an woro baï ya, ko̱ ourou an mona Ouone ko̱ yan.

¹³ Da oui hanran siya ka wara hana guèbassoko, mahana ko̱ klime pane sanakè: Kassénaï! an go̱ro̱ hana mbéo an zéng baï mi na bang, ka mboro vaïnafèn a békéfèn ya.

¹⁴ Baï ko̱ name tèn ba ndo̱ko̱ba kira Christ, tokoré name ba titili tounassaon na pou, bo̱l go̱ sèkèrèkè;

¹⁵ ko̱ kè pane sanakè: Kassénaï tokoré ouime la njakè, Go̱ro̱ baï mi na bang ya, mahana ko̱ fèn mi zara oui jinguèl.

¹⁶ Da guème zara Ouone ko̱ kème la nè lé? On ba kli bon ko̱ tèn kala Égypte ka ndo̱ka Moïse ya lé?

¹⁷ Da go̱rè mi sé nè jing ba guè ka saka bongkè‐nèng lé? On ba kli ko̱ nding békéfèn, da houla kli mi lé an woropa ya lé?

¹⁸ Da Ouone mi lou fèn jing ba guèli ko̱ klime ma baï rina kan guèl yana tana nè ya lé? On ba kli ko̱ pong baï aïn ya lé?

¹⁹ Da na ko̱ ko̱ kli tane ma baï rina bilkè ya, baï ko̱ klime kaou ka ndouri.