Éphésienli 3 - Féké Testament 1947

¹ Baï toul baï on, mè Paul ko̱ ba njou‐jo̱bo̱ a Jésus‐Christ baï toul baï, oui mèran gentili,

² ko̱ ouime lala ka babaï baï toul pina onatoul ndingna mbo̱l a Ouone ko̱ kème hi mi baï toul baï.

³ Da kème wéré none didissi baï hi mi, mahana ko̱ mème dé goune baïnjaka on an takarata hi oui jinguèl.

⁴ Da ko̱ ouime kèn, oui ma tou cho̱kna ni jing didissi baï a Christ.

⁵ Ko̱ nonkè mi tane ga wéré bi kala hi goundi a mèran njoukouli jinguèl ya, mahana on ko̱ mi wéré bi kala kassénaï hi njou‐mboro‐pinali tang fofoto tèn prophèteli ka bila Esprit.

⁶ On ko̱ mèran gentili ba njou‐ndo̱ko̱ba yana fèn péléli, da njou‐ndo̱ko̱ba fèn mondi a kli‐mone tèn njou‐ndo̱ko̱ba bina gonjakali jing na ka bila Christ‐Jésus ka mboro bèlabaï,

⁷ ko̱ mème tèn ba njou‐bakara on ka mboro toul ndo̱ko̱ ndingna mbo̱l a Ouone, ko̱ kème hi mi ka mboro ndingna njèran pina nè.

⁸ Kème hi ndingna mbo̱l on hi mi, mè ko̱ ba lélé njoukou ta garakèli bon an wora njou‐lana‐bilaouli, an mème sa mboura hi mèran gentili nguèra a Christ, ko̱ njoukouli mi nza saon touna sèkèrèkè pélé,

⁹ da baï wéra nonkè bi kala an njoukouli bon mi ko̱ fèn on ko̱ ba onatoul pina a didissi fèn on ko̱ mi mou jinguèl mane sakali maïya an bila Ouone, kè on ko̱ mi mosso fènli bon,

¹⁰ mono on an gangna pouli, da njèranli an guèli an nonkalali mi tou kassénaï ka mbora église, cho̱kna a Ouone toutoul, toutoul,

¹¹ ka mboro badinafèn on kambèlè, ko̱ kème badi jinguèl ka tang ambèl baï ndingnakè ka bila Christ‐Jésus Nanjou na.

¹² Da ka bilè na jing guèl baï kana mona Ouone ndo̱t tane waou, ka vona go̱ro̱ da ka mboro tounassaon‐è.

¹³ Baï toul baï on, mè sa jo̱jo̱ baï an ouime tane yèng noungna sél on ya, baï toul to̱ko̱nassé on ko̱ tèn mi baï toul baï; to̱ko̱nassé on ko̱ ba jonafèn abaï.

¹⁴ Baï toul baï aïn, mè houkou ka njaka toukou ni an mbèla Baba,

¹⁵ ko̱ mèran babali bon an nonkala tèn an koukoula mi jing ling kli mbo̱l kè,

¹⁶ an kème hi njèran on hi oui ko̱ mi pou mone baï ma bong nguèra jonafèn nè, ka mboro Esprit nè jing njoukou?-?an‐bilkè.

¹⁷ Mono on an Christ mi bi an bil go̱ro̱ baï ka mboro tounassaon; an saon baï mi ri dita ka pou bi an bil sénahang.

¹⁸ Mono on an ouime ma baï touna nguite mabahana jing njou‐lana‐bilaouli bon fèn on ko̱ ba anakè, pénakè, da gangnakè, tèn dinakè,

¹⁹ da baï touna sénahang a Christ on ko̱ mi ta toul tounafèn bon, an ouime ma baï guina mba ka mbanafèn a Ouone bon.

²⁰ Da kè ma baï ndingnakè nyèta guèbambèl ta toul fènli on bon ko̱ name oui on maléba ko̱ name bi hang na rou, ka mboro njèran on ko̱ mi nding an bila,

²¹ mi hi jonafèn hi nè ka bila église tèn ka bila Christ‐Jésus an wora mèran njoukouli bon kambèlè go̱ kambèlè! Amen!