Takarata Saïkè a Jean ko̱ dé 1 - Féké Testament 1947

¹ Tangchido mi dé takarata hi Gaïus ko̱ mè ji nè ta, ko̱ mè sé hang‐è ka babaï.

² Mo on ko̱ mè sé hang‐o̱ nyèta, mè ji mo gui bèlta jing fènli bon, da mè ji mone mi kaou bèlta mahana ko̱ laou‐o̱ mi na bèlta.

³ Baï mè jangndaï nyèta ko̱ yine na hanali mi gui tou, da sa bongbaï toul babaï ko̱ mi na jing mo, mahana ko̱ mo sé ka mboro babaï.

⁴ Ko̱ mème la goune nili sé mboro babaï, baï aféké tane ga hi jangnandaï hi mi ko̱ ta aïn ya.

⁵ Mo on ko̱ mè sé hang‐o̱ nyèta, mo nding bakara lodok jing fènli bon on ko̱ mo nding hi kli, ko̱ ba yine nali da on ba goni yine nali kéng,

⁶ ko̱ to̱ko̱ bong sénahang amo an nona église ko̱ mo nding bèlta, ko̱ mo ba kli bi domboro kli, ka mboro on ko̱ mapélékè an nona Ouone,

⁷ baï ko̱ kli sé tou baï a ling a Jésus‐Christ, da kli tane ga ya fèn mbéo an ndo̱ko̱ gentili ya.

⁸ Dadaon an name pame njoukouli mahana ka on, an na mi gui ndo̱ko̱ba njou‐bakara klili, baï a babaï.

⁹ Mè dé takarata hi église jinguèl; da Diotrèphe ko̱ ji tana kli bon, kè pame na ya.

¹⁰ Baï on tokoré mème guè yé mè ma to̱ko̱ saon pina ko̱ kème nding an nona ro̱kè, baï ko̱ kè sa baïnjaka bèlya kon toula da vo jing on ho̱kè ya, da kè ndé pame yindi ya kéng, da kli ko̱ ji bo̱ko̱kè baï ndingnakè, kè pong ka ni kli kala an église.

¹¹ Mo on ko̱ mè sé hang‐o̱ nyèta; mo sé fal fèn ko̱ bèlya ya, da mo sé fal fèn ko̱ bèlta. Kè ko̱ nding bèlta ba a Ouone, kè ko̱ nding bèlya tane ga ko̱ Ouone ya.

¹² Njoukouli bon da babaï fènè sa bèla bongbaï toula Démétrius; da na kéng na sa bongbaï toulè, da mo tou ko̱ bongbaï ama ba babaï.

¹³ Mè jing fènli nyèta baï déna hi mo, da mè ji déna baï on ka l’encre da plume ya.

¹⁴ Da mè oli baï ko̱na mo koukoulion, da na ma sa baï an none hana. An go̱ro̱ iki mi kaou jing mo.

¹⁵ Bako̱lali name mo, name bako̱lali ka ling akli.