1 Titili Takarata a Pierre ko̱ dé 5 - Féké Testament 1947

¹ Mono, mè wara tangchidoli on ko̱ kaou an woro baï, mè ko̱ ba ndo̱ko̱ba tangchido jing kli, da njou‐ko̱na to̱ko̱nassé a Christ, da ko̱ ndé mi ya jonafèn kéng, ko̱ nding baï guina.

² Oui ko̱ro̱ badouali a Ouone ko̱ mi na an woro baï, oui obong kli bèlta, ti ka to̱ko̱nassé ya, da ka laou baï ka mboro kaouna mara fal toula Ouone, ti baï jingna fèn ko̱ poume ya, da ka jina bo̱kokè gata,

³ ti baï name gangna toul kli ya, ko̱ kaou ndo̱ko̱ baï, da oui gui ba mèrènkè an badouakè.

⁴ Da ko̱ zaworo njou‐kora badoua mi gui, yé oui jing mbélé couronne jonafèn ko̱ mi tane yéli ya.

⁵ Mono, oui ko̱ ba bala goundi, oui kaou bo̱ko̱ ndo̱ko̱ tangchidoli. Ka babaï, oui bon, oui mba laou baï bi rou ka bou mone baï guè koukoula baï ndingna bakara hi hana; baï Ouone pong njou‐gnaïnali, Da kè hi ndingna mbo̱l hi njoukouli on ko̱ bou mone kli guè koukoula.

⁶ Mono on, oui bou mone baï guè koukoula, an bo̱ko̱ njèran ndo̱ka Ouone, mono on, kè ma baï ndingna an ling baï mi ti ko̱ namkè mi mafalkè tou.

⁷ Jing fènli bon ko̱ oui bi hang baï rou, oui yèng hi nè, baï ko̱ kè fènè mi pèng oui bèlta.

⁸ Oui mang mone baï, da zèng, baï bakèo̱ jing oui zabolo mi sèrè manguèl mahana ka mamou on ko̱ mi vou, baï nzana njoukou on ko̱ kè ma baï sonakè.

⁹ Da oui pong nè ka laïbi jing tounassaon on ko̱ mi yèng ya, baï ko̱ ouime toutou to̱ko̱nassé on ndé lé toula yine baïli ko̱ mi kaou koukoula aïn.

¹⁰ Da Ouone a ndingna mbo̱l bon, kè on ko̱ mi di oui baï yana jonafèn kambèlè amè ka bila Christ, afal on ko̱ oui to̱ko̱ssé gounfènakè, yé kè fènè ma nding an ouime gui guédék, ka njèrèn oui, ka pou mone baï.

¹¹ Mi hi njaka bara hi nè kambèlè go̱ kambèlè! Amen!

¹² Mè pi goune takarata aïn ndo̱ka Silvain, kè on an noni ba yine na lodok. Mè wara oui, ka sa bongbaï ko̱ on ba gba ndingna mbo̱l a Ouone; oui laïbi ona jing rou.

¹³ Église on ko̱ mi na an pou Babylone ko̱ Ouone mi sane mahana jing oui, mi name oui, da Marc goune ni mi name oui mahana ka on.

¹⁴ Oui name hana ka oula soukou hana jing sénahang hana. Go̱ro̱ iki mi gui mone baï bon on ko̱ na ka bila Christ!