KA BUKE ʻAHĀ A MOSE, I KAPA ʻIA NĀ HELU 26 - Ka Baibala Hemolele

1 Ka helu hou ʻana i nā kānaka; ʻo ka huina o kēlā ʻohana o kēia ʻohana, a me ka huina o nā ʻohana a pau. 52 Ka helu ʻana i nā Levi. 63 Koe nō ʻo Kaleba lāua ʻo Iosua wale nō o kēlā hanauna i helu ʻia ma mua.

MOKUNA XXVI.

¹ ¶ Ma hope mai o ke ahulau, ʻōlelo maila ʻo Iēhova iā Mose a me ʻEleazara ke keiki a ʻAʻarona ke kahuna, ʻī maila,

² “E helu ʻolua i ke anaina kanaka a pau o nā mamo a ʻIseraʻela, i nā mea o nā makahiki he iwakālua a keu aku, ma ka ʻohana o ko lākou kūpuna, i nā mea a pau o kā ʻIseraʻela e hiki ke hele i ke kaua.”

³ ʻŌlelo akula ʻo Mose lāua ʻo ʻEleazara ke kahuna iā lākou ma nā pāpū ʻo Moaba, ma Ioredane e kū pono ana i Ieriko, ʻī akula,

⁴ “E helu ʻoukou i nā kānaka, o nā makahiki he iwakālua a keu aku, e like me kā Iēhova i kauoha mai ai iā Mose a i nā mamo a ʻIseraʻela i hele mai mai loko mai o ka ʻāina ʻo ʻAigupita.”

⁵ ʻO Reubena ka makahiapo a ʻIseraʻela; ʻo nā keiki a Reubena: ʻo Hanoka, nāna ka ʻohana o ka Hanoka: na Palu ka ʻohana o kā Palu;

⁶ na Heserona ka ʻohana o kā Heserona; na Karemi ka ʻohana o kā Karemi.

⁷ ʻO ia nā ʻohana o kā Reubena: a ʻo ka poʻe o lākou i helu ʻia, he kanahākumamākolu nā tausani, ʻehiku haneri a me kanakolu.

⁸ ʻO nā keiki a Palu, ʻo ʻEliaba.

⁹ A ʻo nā keiki a ʻEliaba, ʻo Nemuʻela, ʻo Datana a me ʻAbirama; ʻo ia ua Datana a me ʻAbirama lā, nā mea i kaulana i loko o ke anaina kanaka, i nā mea i kūʻē iā Mose a me ʻAʻarona i waena o ko Kora poʻe, i ka wā a lākou i kūʻē aku ai iā Iēhova;

¹⁰ a hāmama aʻela ka honua i kona waha, a ale ihola iā lākou a me Kora, i ka manawa i make ai ua poʻe lā, a i ka wā i ʻai mai ai ke ahi i ʻelua haneri kānaka a me kanalima; a lilo lākou i hōʻailona.

¹¹ ʻAʻole naʻe i make nā keiki a Kora.

¹² ¶ ʻO nā keiki a Simeona ma ko lākou mau ʻohana: no Nemuʻela ka ʻohana o kā Nemuʻela; na Iamina ka ʻohana o kā Iamina; na Iakina ka ʻohana o kā Iakina;

¹³ na Zera ka ʻohana o kā Zera; na Saula ka ʻohana o kā Saula.

¹⁴ ʻO ia nā ʻohana o kā Simeona: he iwakāluakumamālua tausani, me nā haneri keu ʻelua.

¹⁵ ¶ ʻO nā keiki a Gada ma ko lākou mau ʻohana: na Zepora ka ʻohana o kā Zepora; na Hagi ka ʻohana o kā Hagi; na Suni ka ʻohana o kā Suni;

¹⁶ na ʻOzeni ka ʻohana o kā ʻOzeni; na ʻEri ka ʻohana o kā ʻEri;

¹⁷ na ʻAroda ka ʻohana o kā ʻAroda; na ʻAreli ka ʻohana o kā ʻAreli.

¹⁸ ʻO ia nā ʻohana o nā mamo a Gada, ma ka poʻe o lākou i helu ʻia: he kanahā tausani a me nā haneri ʻelima.

¹⁹ ¶ ʻO nā keiki a Iuda, ʻo ʻEra a me ʻOnana; a make ihola ʻo ʻEra lāua ʻo ʻOnana ma ka ʻāina ʻo Kanaʻana.

²⁰ A ʻo nā keiki a Iuda ma ko lākou mau ʻohana: na Sela ka ʻohana o kā Sela; na Pereza ka ʻohana o kā Pereza; na Zera ka ʻohana o kā Zera;

²¹ a ʻo nā keiki a Pereza: na Hezerona ka ʻohana a kā Hezerona; na Hamula ka ʻohana o kā Hamula.

²² ʻO ia nā ʻohana o kā Iuda ma ka poʻe o lākou i helu ʻia: he kanahikukumamāono tausani, a me nā haneri keu ʻelima.

²³ ¶ ʻO nā keiki a ʻIsakara ma ko lākou mau ʻohana: na Tola ka ʻohana o kā Tola; na Pua ka ʻohana o kā Puni;

²⁴ na Iasuba ka ʻohana o kā Iasuba; na Simerona ka ʻohana o kā Simerona.

²⁵ ʻO ia nā ʻohana o kā ʻIsakara, ma ka poʻe o lākou i helu ʻia: he kanaonokumamāhā tausani a me nā haneri ʻekolu.

²⁶ ¶ ʻO nā keiki a Zebuluna ma ko lākou mau ʻohana: na Sereda ka ʻohana o kā Sereda; na ʻElona ka ʻohana o kā ʻElona; na Iaheleʻela ka ʻohana o kā Iaheleʻela.

²⁷ ʻO ia nā ʻohana o kā Zebuluna, ma ka poʻe o lākou i helu ʻia: he kanaono tausani a me nā haneri ʻelima.

²⁸ ¶ ʻO nā keiki a Iosepa ma ko lākou ʻohana, ʻo Manase a me ʻEperaima.

²⁹ No nā keiki a Manase: na Makira ka ʻohana o kā Makira; na Makira ʻo Gileada: na Gileada ka ʻohana o kā Gileada.

³⁰ Eia nā keiki a Gileada: na Iezera ka ʻohana o kā Iezera; na Heleka ka ʻohana o kā Heleka;

³¹ a na ʻAseriʻela ka ʻohana o kā ʻAseriʻela; a na Sekema ka ʻohana o kā Sekema;

³² A na Semida ka ʻohana o kā Semida; a na Hepera ka ʻohana o kā Hepera.

³³ ʻAʻohe keiki kāne a Zelopehada ke keiki a Hepera, he mau kaikamāhine naʻe; eia nā inoa o nā kaikamāhine a Zelopehada: ʻo Mala, ʻo Noa, ʻo Hogela, ʻo Mileka a me Tireza.

³⁴ ʻO ia nā ʻohana o kā Manase: a ʻo ka poʻe o lākou i helu ʻia, he kanalimakumamālua tausani a me nā haneri ʻehiku.

³⁵ ¶ Eia nā keiki a ʻEperaima ma ko lākou mau ʻohana: na Sutela ka ʻohana o kā Sutela; na Bekera ka ʻohana o kā Bekera; na Tahana ka ʻohana o kā Tahana.

³⁶ Eia hoʻi nā keiki a Sutela: na ʻErana ka ʻohana a kā ʻErana.

³⁷ ʻO ia nā ʻohana a nā keiki a ʻEperaima ma ka poʻe o lākou i helu ʻia: he kanakolukumamālua tausani, a me nā haneri ʻelima. ʻO ia nā keiki a Iosepa ma ko lākou mau ʻohana.

³⁸ ¶ ʻO nā keiki a Beniamina ma ko lākou mau ʻohana: na Bela ka ʻohana o kā Bela; na ʻAsebela ka ʻohana o kā ʻAsebela; na ʻAhirama ka ʻohana o kā ʻAhirama.

³⁹ Na Supama ka ʻohana o kā Supama; na Hupama ka ʻohana o kā Hupama.

⁴⁰ Eia nā keiki a Bela, ʻo ʻAreda lāua ʻo Naʻamana: na ʻAreda ka ʻohana o kā ʻAreda; na Naʻamana ka ʻohana o kā Naʻamana.

⁴¹ ʻO ia nā keiki a Beniamina ma ko lākou mau ʻohana; a ʻo ka poʻe o lākou i helu ʻia, he kanahākumamālima tausani me nā haneri keu ʻeono.

⁴² ¶ Eia nā keiki a Dana ma ko lākou mau ʻohana: na Suhama ka ʻohana o kā Suhama; ʻo ia nā ʻohana a Dana ma ko lākou mau ʻohana.

⁴³ ʻO nā ʻohana a pau o ka Suhama, ma ka poʻe o lākou i helu ʻia, he kanaonokumamāhā tausani me nā haneri keu ʻehā.

⁴⁴ ¶ ʻO nā keiki a ʻAsera, ma ko lākou mau ʻohana: na Iimena ka ʻohana o kā Iimena; na Iesui ka ʻohana o kā Iesui; na Beria ka ʻohana o kā Beria.

⁴⁵ ʻO nā keiki a Beria: na Hebera ka ʻohana o kā Hebera; na Malekiʻela ka ʻohana o kā Malekiʻela.

⁴⁶ A ʻo Sara ka inoa o ke kaikamahine a ʻAsera.

⁴⁷ ʻO ia nā ʻohana o nā keiki a ʻAsera, ma ka poʻe o lākou i helu ʻia: he kanalimakumamākolu tausani me nā haneri keu ʻehā.

⁴⁸ ¶ ʻO nā keiki a Napetali ma ko lākou mau ʻohana: na Iahezela ka ʻohana o kā Iahezela; na Guni ka ʻohana o kā Guni;

⁴⁹ na Iezera ka ʻohana o kā Iezera; na Silema ka ʻohana o kā Silema.

⁵⁰ ʻO ia nā ʻohana a Napetali ma ko lākou mau ʻohana; a ʻo ka poʻe o lākou i helu ʻia: he kanahākumamālima tausani, a me nā haneri ʻehā.

⁵¹ ¶ Eia ka poʻe i helu ʻia o nā mamo a ʻIseraʻela: ʻeono haneri me kumamākahi tausani, ʻehiku haneri me kanakolu.

⁵² ¶ ʻŌlelo maila ʻo Iēhova iā Mose, ʻī maila,

⁵³ “No lākou e puʻunaue ʻia ka ʻāina i hoʻoilina, e like me ka helu ʻana i nā inoa.

⁵⁴ “No ka poʻe nui, e hoʻonui aʻe ʻoe i kona ʻāina, a no ka poʻe ʻuʻuku iho, e hōʻuʻuku iho ʻoe i kona ʻāina; no kēlā mea kēia mea e hāʻawi ʻia kona ʻāina e like me ka nui o kona poʻe i helu ʻia.

⁵⁵ “Akā, e puʻunaue ʻia ka ʻāina ma ka hailona ʻana; ma nā inoa o nā ʻohana kupuna lākou e komo ai i ka ʻāina.

⁵⁶ “Ma ka hailona ʻana e puʻunaue ʻia ai kona ʻāina i waena o ka poʻe nui a me ka poʻe ʻuʻuku.”

⁵⁷ ¶ Eia ka poʻe i helu ʻia o kā Levi ma ko lākou mau ʻohana: na Geresona ka ʻohana o kā Geresona; na Kohata ka ʻohana o kā Kohata; na Merari ka ʻohana o kā Merari.

⁵⁸ Eia nā ʻohana o kā Levi: ka ʻohana o kā Libeni, ka ʻohana o kā Heberona, ka ʻohana o kā Maheli, ka ʻohana o kā Musi, ka ʻohana o kā Korata; na Kohata ʻo ʻAmerama.

⁵⁹ A ʻo ka inoa o ka wahine a ʻAmerama, ʻo ia ʻo Iokebeda, ke kaikamahine a Levi, ka mea i hānau na Levi ma ʻAigupita; nāna nō i hānau na ʻAmerama ʻo ʻAʻarona lāua ʻo Mose, a me Miriama ko lāua kaikuahine.

⁶⁰ A hānau na ʻAʻarona: ʻo Nadaba, ʻo ʻAbihu, ʻo ʻEleazara a me ʻItamara.

⁶¹ A make ihola ʻo Nadaba lāua ʻo ʻAbihu, iā lāua i mōhai aku ai i ke ahi ʻē i mua o Iēhova.

⁶² ʻO ka poʻe o lākou i helu ʻia, he iwakāluakumamākolu tausani, he poʻe kāne wale nō o ka malama hoʻokahi a keu aku; ʻaʻole nō lākou i helu ʻia i waena o nā mamo a ʻIseraʻela; no ka mea, ʻaʻole i hāʻawi ʻia he ʻāina no lākou i waena o nā mamo a ʻIseraʻela.

⁶³ ¶ ʻO ia ka poʻe i helu ʻia e Mose lāua ʻo ʻEleazara ke kahuna; na lāua nō i helu i nā mamo a ʻIseraʻela ma nā pāpū ʻo Moaba, ma Ioredane o Ieriko.

⁶⁴ Akā, i waena o kēia poʻe, ʻaʻole kekahi kanaka o ka poʻe a Mose lāua ʻo ʻAʻarona ke kahuna i helu ai, i ko lākou helu ʻana i nā mamo a ʻIseraʻela ma ka wao nahele ʻo Sinai.

⁶⁵ No ka mea, i ʻōlelo mai ʻo Iēhova no lākou, “He ʻoiaʻiʻo e make nō lākou ma ka wao nahele.” ʻAʻole kekahi o lākou i koe, ʻo Kaleba wale nō, ʻo ke keiki a Iepune, lāua ʻo Iosua ke keiki a Nuna.