KA BUKE A NEHEMIA 7 - Ka Baibala Hemolele

1 ʻO ka papa inoa o ka poʻe hoʻi maila mai Babulona mai.

MOKUNA VII.

¹ ¶ A uhau ʻia ka pā, a kūkulu nō hoʻi au i nā pani, a hoʻonoho ʻia nā kiaʻi puka, a me ka poʻe mele, a me nā Levi;

² A laila, kauoha akula au iā Hanani i koʻu hoahānau a me Hanania ka luna o ka pā kaua, no Ierusalema; no ka mea, he kanaka pololei nō ia, a ua ʻoi aku kona makaʻu i ke Akua ma mua o ko nā mea ʻē aʻe he nui loa.

³ A ʻī akula au iā lāua, “ʻAʻole e wehe ʻia nā puka o Ierusalema a mahana mai ka lā; a ʻo ka poʻe e kū ana e pani lākou i nā puka a e hoʻopaʻa hoʻi; a e hoʻonoho i kekahi poʻe o ko Ierusalema i poʻe kiaʻi, kēlā kanaka kēia kanaka ma kona wahi e kiaʻi aku ai, a ʻo kēlā kanaka kēia kanaka hoʻi ma kahi e kū pono ana i kona hale iho.”

⁴ A ua pālahalaha ke kūlanakauhale ma kēlā ʻaoʻao a me kēia ʻaoʻao, a ua nui hoʻi ia; akā, he kākaʻikahi nā kānaka i loko ona, ʻaʻole nō hoʻi i kūkulu ʻia nā hale.

⁵ ¶ A ua waiho maila koʻu Akua i loko o koʻu naʻau e hoʻoʻuluʻulu aʻe i nā kaukaualiʻi, a me nā luna, a me ka poʻe kānaka i kākau ʻia ko lākou kūʻauhau. A ua loaʻa iaʻu ka palapala kūʻauhau no ka poʻe i piʻi mua mai, a loaʻa hoʻi iaʻu ma ia mea kēia kākau ʻana:

⁶ Eia ka poʻe o ka mokuna i piʻi aʻe mai ka lawe pio ʻana mai, ka poʻe i lawe pio ʻia aku, ka poʻe a Nebukaneza ke aliʻi o Babulona i lawe pio ai, a hoʻi hou maila i Ierusalema a i Iuda, ʻo kēlā kanaka kēia kanaka i kona kūlanakauhale iho.

⁷ Ka poʻe i hiki maila me Zerubabela; Iesua, Nehemia, ʻAzaria, Raʻamia, Nahamani, Moredekai, Bilesana, Misepereta, Bigevai, Nehuma, Baʻana. ʻO ka helu ʻana kēia o nā kānaka o kā ʻIseraʻela:

⁸ ʻo nā mamo a Parosa, ʻelua tausani hoʻokahi haneri a me kanahikukumamālua;

⁹ ʻo nā mamo a Sepatia, ʻekolu haneri a me kanahikukumamālua;

¹⁰ ʻo nā mamo a ʻAra, ʻeono haneri a me kanalimakumamālua;

¹¹ ʻo nā mamo a Pahata-Moaba, na nā mamo a Iesua a me Ioaba, ʻelua tausani ʻewalu haneri a me ka ʻumikumamāwalu;

¹² ʻo nā mamo a ʻElama, hoʻokahi tausani ʻelua haneri a me kanalimakumamāhā;

¹³ ʻo nā mamo a Zatu, ʻewalu haneri a me kanahākumamālima;

¹⁴ ʻo nā mamo a Zakai, ʻehiku haneri a me kanaono;

¹⁵ ʻo nā mamo a Binui, ʻeono haneri a me kanahākumamāwalu;

¹⁶ ʻo nā mamo a Bebai, ʻeono haneri a me ka iwakāluakumamāwalu;

¹⁷ ʻo nā mamo a ʻAzegada, ʻelua tausani ʻekolu haneri a me ka iwakāluakumamālua;

¹⁸ ʻo nā mamo a ʻAdonikama, ʻeono haneri a me kanaonokumamāhiku;

¹⁹ ʻo nā mamo a Bigevai, ʻelua tausani a me kanaonokumamāhiku;

²⁰ ʻo nā mamo a ʻAdina, ʻeono haneri a me kanalimakumamālima;

²¹ ʻo nā mamo a ʻAtera na Hezekia, he kanaiwakumamāwalu;

²² ʻo nā mamo a Hasuma, ʻekolu haneri a me ka iwakāluakumamāwalu;

²³ ʻo nā mamo a Bezai, ʻekolu haneri a me ka iwakāluakumamāhā;

²⁴ ʻo nā mamo a Haripa, hoʻokahi haneri a me ka ʻumikumamālua;

²⁵ ʻo nā mamo a Gibeona, he kanaiwakumamālima;

²⁶ ʻo nā kānaka o Betelehema a me Netopa, hoʻokahi haneri a me kanawalukumamāwalu;

²⁷ ʻo nā kānaka o ʻAnatota, hoʻokahi haneri a me ka iwakāluakumamāwalu;

²⁸ ʻo nā kānaka o Beta ʻAzemaveta, he kanahākumamālua;

²⁹ ʻo nā kānaka o Kiriata Iearima, Kepira, a me Beʻerota, ʻehiku haneri a me kanahākumamākolu;

³⁰ ʻo nā kānaka o Rama a me Geba, ʻeono haneri a me ka iwakāluakumamākahi;

³¹ ʻo nā kānaka o Mikemasa hoʻokahi haneri a me ka iwakāluakumamālua;

³² ʻo nā kānaka o Betela a me ʻAi, hoʻokahi haneri a me ka iwakāluakumamākolu;

³³ ʻo nā kānaka o kēlā Nebo, he kanalimakumamālua;

³⁴ ʻo ko kekahi ʻElama, hoʻokahi tausani ʻelua haneri a me kanalimakumumāhā;

³⁵ ʻo ko Harima, ʻekolu haneri a me ka iwakālua;

³⁶ ʻo ko Ieriko, ʻekolu haneri a me kanahākumamālima;

³⁷ ʻo ko Loda, Hadida a me ʻOno, ʻehiku haneri a me ka iwakāluakumamākahi;

³⁸ ʻo ko Senaʻa, ʻekolu tausani ʻeiwa haneri a me kanakolu.

³⁹ ¶ ʻO nā kāhuna: ʻo nā mamo a Iedaia no ka hale o Iesua, ʻeiwa haneri a me kanahikukumamākolu;

⁴⁰ ʻo nā mamo a ʻImera, hoʻokahi tausani a me kanalimakumamālua;

⁴¹ ʻo nā mamo a Pasehura, hoʻokahi tausani ʻelua haneri a me kanahākumamāhiku;

⁴² ʻo nā mamo a Harima, hoʻokahi tausani a me ka ʻumikumamāhiku.

⁴³ ¶ ʻO kā Levi: ʻo nā mamo a Iesua na Kademiʻela, a no nā mamo a Hodeva, he kanahikukumamāhā.

⁴⁴ ʻO ka poʻe mele: ʻo nā mamo a ʻAsapa, hoʻokahi haneri a me ke kanahākumamāwalu.

⁴⁵ ʻO ka poʻe kiaʻi puka: ʻo nā mamo a Saluma, ʻo nā mamo a ʻAtera, ʻo nā mamo a Talemona, ʻo nā mamo a ʻAkuba, ʻo nā mamo a Hatita, ʻo nā mamo a Sobai, hoʻokahi haneri a me kanakolukumamāwalu.

⁴⁶ ¶ ʻO ka poʻe Netini: ʻo nā mamo a Ziha, ʻo nā mamo a Hasuba, ʻo nā mamo a Tabaota,

⁴⁷ ʻo nā mamo a Kerosa, ʻo nā mamo a Sia, ʻo nā mamo a Padona,

⁴⁸ ʻo nā mamo a Lebana, ʻo nā mamo a Hagaba, ʻo nā mamo a Salemai,

⁴⁹ ʻo nā mamo a Hanana, ʻo nā mamo a Gidela, ʻo nā mamo a Gahara,

⁵⁰ ʻo nā mamo a Reaia, ʻo nā mamo a Rezina, ʻo nā mamo a Nekoda,

⁵¹ ʻo nā mamo a Gazama, ʻo nā mamo a ʻUza, ʻo nā mamo a Pasea,

⁵² ʻo nā mamo a Besai, ʻo nā mamo a Meunima, a nā mamo a Nepisesima,

⁵³ ʻo nā mamo a Bakebuka, ʻo nā mamo a Hakupa, ʻo nā mamo a Harehura,

⁵⁴ ʻo nā mamo a Bazelita, ʻo nā mamo a Mehida, ʻo nā mamo a Haresa,

⁵⁵ ʻo nā mamo a Barekosa, ʻo nā mamo a Sisera, ʻo nā mamo a Tama,

⁵⁶ ʻo nā mamo a Nezia, ʻo nā mamo a Hatipa.

⁵⁷ ¶ ʻO nā mamo a nā kauā a Solomona: ʻo nā mamo a Sotai, ʻo nā mamo a Sopereta, ʻo nā mamo a Perida,

⁵⁸ ʻo nā mamo a Iaʻala, ʻo nā mamo a Darekona, ʻo nā mamo a Gidela,

⁵⁹ ʻo nā mamo a Sepatia, ʻo nā mamo a Hatila, ʻo nā mamo a Pokereta na Zebaima, ʻo nā mamo a ʻAmona.

⁶⁰ ʻO nā Netini a pau a me nā mamo a nā kauā a Solomona, ʻekolu haneri a me kanaiwakumamālua.

⁶¹ ¶ A eia ka poʻe i piʻi aʻe mai loko aku o Tele Mela, Tele Haresa, Keruba, ʻAdona, a me ʻImera; ʻaʻole hoʻi e hiki iā lākou ke hōʻike mai i ka ʻohana mākua kāne, ʻaʻole hoʻi i ko lākou hanauna, i ʻikea no kā ʻIseraʻela lākou:

⁶² ʻo nā mamo a Delaia, ʻo nā mamo a Tobia, ʻo nā mamo a Nekoda, ʻeono haneri a me kanahākumamālua;

⁶³ ʻo kekahi poʻe mamo a nā kāhuna: ʻo kā Habaia, ʻo kā Koza, ʻo kā Barezilai, ka mea nāna i lawe i wahine o nā kaikamāhine a Barezilai, no Gileada, a ua kapa ʻia ʻo ia ma muli o ko lākou inoa.

⁶⁴ ʻImi akula kēia poʻe i kā lākou kūʻauhau i waena o ka poʻe i kākau ʻia, ʻaʻole i loaʻa ia, a ua hoʻokaʻawale ʻia lākou mai ka ʻoihana kahuna aku me he haumia lā.

⁶⁵ A ʻōlelo akula ke kiaʻāina iā lākou, ʻaʻole lākou e ʻai i nā mea i hoʻolaʻa loa ʻia, a kū mai kekahi kahuna me ka ʻUrima a me ke Tumima.

⁶⁶ ¶ A ʻo ka ʻaha kanaka a pau, ke hui pū ʻia, he kanahākumamālua tausani ʻekolu haneri a me kanaono,

⁶⁷ he ʻokoʻa kā lākou poʻe kauā kāne a me kā lākou poʻe kauā wahine, ʻehiku tausani lākou, ʻekolu haneri a me kanakolukumamāhiku; a ʻo ka poʻe kāne mele a me ka poʻe wāhine mele o lākou, ʻelua haneri a me kanahākumamālima.

⁶⁸ ʻO nā lio o lākou, ʻehiku haneri a me kanakolukumamāono; a ʻo nā hoki o lākou, ʻelua haneri a me kanahākumamālima,

⁶⁹ ʻo nā kāmelo, ʻehā haneri a me kanakolukumamālima; a ʻo nā miula ʻeono tausani ʻehiku haneri a me ka iwakālua.

⁷⁰ ¶ A hāʻawi maila kekahi poʻe koʻikoʻi o nā mākua no ka hana. Hāʻawi maila ke kiaʻāina ma ka waihona mea laʻa i hoʻokahi tausani derama gula, i nā ipu he kanalima a me nā lole komo no nā kāhuna ʻelima haneri a me kanakolu.

⁷¹ A hāʻawi maila kekahi poʻe koʻikoʻi o nā mākua ma ka waihona mea laʻa no ka hana, i nā derama gula he iwakālua tausani, a me nā mane kālā ʻelua tausani, a me nā haneri ʻelua.

⁷² A ʻo kā ka poʻe kānaka i koe i hāʻawi mai ai, ʻo nā derama gula he iwakālua tausani a me nā mane kālā ʻelua tausani, a me nā lole komo no nā kāhuna, he kanaonokumamāhiku.

⁷³ ¶ A ʻo nā kāhuna, a me nā Levi, a me nā kiaʻi puka, a me ka poʻe mele, a me kekahi o nā kānaka, a me ka poʻe Netini, a me kā ʻIseraʻela a pau, noho ihola lākou ma ko lākou mau kūlanakauhale; a hiki mai ka hiku o ka malama, aia nō kā ʻIseraʻela i loko o ko lākou mau kūlanakauhale.