KA BUKE A NEHEMIA 11 - Ka Baibala Hemolele

1 ʻO nā inoa o ka poʻe kānaka noho ma Ierusalema.

MOKUNA XI.

¹ ¶ Noho ihola nā luna o ka poʻe kānaka i loko o Ierusalema; a ʻo ke koena o ka poʻe kānaka, hailona ihola lākou e lawe i hoʻokahi no loko mai o ka ʻumi e noho i loko o Ierusalema ke kūlanakauhale laʻa, a ʻo nā mea ʻeiwa i loko o nā kūlanakauhale ʻē aʻe.

² Hoʻomaikaʻi akula ka poʻe kānaka i nā kānaka a pau i hāʻawi ʻoluʻolu iā lākou iho e noho i loko o Ierusalema.

³ ¶ Eia ka poʻe koʻikoʻi o ka ʻāina, ka poʻe i noho i loko o Ierusalema; akā, i loko o nā kūlanakauhale o Iuda, noho ihola kēlā kanaka kēia kanaka ma kahi i hoʻīli ʻia nona i loko o ko lākou mau kūlanakauhale: ʻo kā ʻIseraʻela, ʻo nā kāhuna, a me nā Levi, a me ka poʻe Netini a me nā mamo a nā kauā a Solomona.

⁴ Noho ihola i loko o Ierusalema kekahi poʻe o nā mamo a Iuda, a me nā mamo a Beniamina. ʻO nā mamo a Iuda: ʻo ʻAtaia ke keiki a ʻUzia, ke keiki a Zekaria, ke keiki a ʻAmaria, ke keiki a Sepatia, ke keiki a Mahalaleʻela, ʻo nā mamo a Pereza;

⁵ a ʻo Maʻaseia ke keiki a Baruka, ke keiki a Kola-Hoze, ke keiki a Hazaia, ke keiki a ʻAdaia, ke keiki a Ioiariba, ke keiki a Zekaria, ke keiki a Siloni.

⁶ ʻO nā mamo a pau a Pereza i noho i loko o Ierusalema, ʻehā haneri a me kanaonokumamāwalu kānaka koa.

⁷ ¶ Eia ka poʻe mamo a Beniamina: ʻo Salu ke keiki a Mesulama, ke keiki a Ioeda, ke keiki a Pedaia, ke keiki a Kolaia, ke keiki a Maʻaseia, ke keiki a ʻItiʻela, ke keiki a Iesaia.

⁸ A ma hope ona Gabai, Salai, ʻeiwa haneri a me ka iwakāluakumamāwalu.

⁹ A ʻo Ioʻela ke keiki a Zikeri ka luna ma luna o lākou; a ʻo Iuda ke keiki a Senua ka mea ma luna o ka mokuna ʻalua o ke kūlanakauhale.

¹⁰ ¶ ʻO kekahi poʻe o nā kāhuna: ʻo Iedaia ke keiki a Ioiariba, ʻo Iakina;

¹¹ ʻo Seraia ke keiki a Hilekia, ke keiki a Mesulama, ke keiki a Zadoka, ke keiki a Meraiota, ke keiki a ʻAhituba, ka luna o ka hale o ke Akua.

¹² A ʻo ko lākou poʻe hoahānau ka poʻe nāna i hana i ka hana o ka hale, ʻewalu haneri a me ka iwakāluakumamālua; a me ʻAdaia, ke keiki a Ierohama, ke keiki a Pelalia, ke keiki a ʻAmezi, ke keiki a Zekaria, ke keiki a Pasura, ke keiki a Malekia,

¹³ a me kona mau hoahānau, ka poʻe koʻikoʻi o nā mākua, ʻelua haneri a me kanahākumamālua; a me ʻAmasai ke keiki a ʻAzareʻela, ke keiki a ʻAhezai, ke keiki a Mesilemota, ke keiki a ʻImera,

¹⁴ a me ko lākou mau hoahānau, he poʻe koa ikaika, hoʻokahi haneri a me ka iwakāluakumamāwalu; a ʻo ka luna ma luna o lākou ʻo Zabediʻela, kekahi o ka poʻe koʻikoʻi.

¹⁵ ¶ A ʻo kekahi poʻe o nā Levi: ʻo Semaia ke keiki a Hasuba, ke keiki a ʻAzerikama, ke keiki a Hasabia, ke keiki a Buni;

¹⁶ a me Sabetai a me Iozabada, nā mea ma luna o ka hana ma waho no ka hale o ke Akua, kekahi o ka poʻe koʻikoʻi o kā Levi;

¹⁷ a me Matania ke keiki a Mika, ke keiki a Zabedi, ke keiki a ʻAsapa, ka luna puana o ka mele ma ka pule ʻana; a me Bakebukia ma lalo iki aʻe o kona poʻe hoahānau, a me ʻAbeda, ke keiki a Samua, ke keiki a Galala, ke keiki a Iedutuna.

¹⁸ ʻO nā Levi a pau i loko o ke kūlanakauhale hoʻāno, ʻelua haneri a me kanawalukumamāhā.

¹⁹ ¶ A ʻo nā kiaʻi puka, ʻo ʻAkuba, ʻo Talemona a me ko lāua mau hoahānau, ka poʻe i kiaʻi i nā puka, hoʻokahi haneri a me kanahikukumamālua.

²⁰ A ʻo ke koena o kā ʻIseraʻela, ka poʻe kāhuna, nā Levi, i loko nō lākou o nā kūlanakauhale a pau o Iuda, kēlā kanaka kēia kanaka ma kahi i hoʻīli ʻia nona.

²¹ Noho ihola ka poʻe Netini i loko o ʻOpela; a ma luna o ka poʻe Netini, ʻo Ziha a me Gisepa.

²² ¶ A ʻo ka luna o nā Levi i loko o Ierusalema, ʻo ʻUzi ke keiki a Bani, ke keiki a Hasabia, ke keiki a Matania, ke keiki a Mika. No loko mai o ka poʻe mamo a ʻAsapa, ka poʻe mele ma ka hana ʻana i loko o ka hale o ke Akua.

²³ No ka mea, kauoha aʻela ke aliʻi iā lākou i hāʻawi ʻia i ka poʻe mele kekahi ʻoihana i kēlā lā i kēia lā.

²⁴ A ʻo Petahia ke keiki a Mesezabeʻela, kekahi o nā mamo a Zera ke keiki a Iuda, ma ko ke aliʻi ʻaoʻao nō ia, i nā mea a pau i pili i nā kānaka.

²⁵ ¶ No nā kauhale ma ko lākou mau ʻāina; noho ihola kekahi poʻe mamo a Iuda ma Kiriata ʻAreba a me nā kauhale e pili pū ana me ia, a ma Dibona a me nā kauhale e pili pū ana me ia, a ma Iekabezeʻela a me nā kauhale e pili pū ana me ia,

²⁶ a ma Iesua, a ma Molada, a ma Beta Peleta,

²⁷ a ma Hazara Suala, a ma Beʻeraseba, a me nā kauhale e pili pū ana me ia;

²⁸ a ma Zikelaga, a ma Mekona, a me nā kauhale e pili pū ana me ia;

²⁹ a ma ʻEne Rimona a ma Zarea, a ma Iaremuta,

³⁰ Zanoa, ʻAdulama, a me nā kauhale e pili pū ana me lākou, ma Lakisa, a me nā ʻāina e pili pū ana me ia, ma ʻAzeka, a me nā kauhale e pili pū ana me ia. Noho ihola lākou mai Beʻeraseba aku a i ke awāwa ʻo Hinoma.

³¹ A ʻo nā mamo a Beniamina, mai Geba aku a ma Mikemasa a me ʻAia, a me Betela, a me nā kauhale e pili pū ana me ia;

³² ma ʻAnatota, Noba, ʻAnania;

³³ Hazora, Lama, Gitaima;

³⁴ Hadida, Zeboima, Nebalata;

³⁵ Loda, a me ʻOno, ke Awāwa o ka Poʻe Kāhuna Hana.

³⁶ A ʻo ka poʻe no nā Levi, ua mahele ʻia lākou ma Iuda a ma Beniamina.