KA BUKE A IOSUA 21 - Ka Baibala Hemolele

1 Nā kūlanakauhale i hāʻawi ʻia no kā Levi. 43 Ua hoʻomaha maila ʻo Iēhova i kā ʻIseraʻela.

MOKUNA XXI.

¹ ¶ A laila hoʻokokoke aʻela ka poʻe koʻikoʻi o nā mākua o kā Levi iā ʻEleazara ke kahuna, a iā Iosua ke keiki a Nuna, a i ka poʻe koʻikoʻi o nā mākua o nā ʻohana a kā ʻIseraʻela.

² A ʻōlelo akula iā lākou ma Silo ma ka ʻāina ʻo Kanaʻana, ʻī akula, “Ua kauoha mai ʻo Iēhova ma ka lima o Mose e hāʻawi mai iā mākou i nā kūlanakauhale kahi e noho ai, a me nā wahi e pili ana no ko mākou poʻe holoholona.”

³ A laila, hāʻawi aʻela ka poʻe mamo a ʻIseraʻela na kā Levi i kekahi o ko lākou ʻāina hoʻoili e like me ke kauoha a Iēhova, i kēia mau kūlanakauhale me nā wahi e pili ana.

⁴ Ua puka mai ka hailona no nā ʻōhua a ka poʻe Kohata; a lilo i ka poʻe mamo a ʻAʻarona, ke kahuna, no kā Levi, he ʻumikumamākolu kūlanakaukale ma waena o ka ʻohana a Iuda, a me ka ʻohana a Simeona, a me ka ʻohana a Beniamina ma ka hailona.

⁵ Aia i ke koena o ka poʻe Kohata ma ka hailona ʻana, he ʻumi kūlanakauhale, ma waena o ka ʻohana a ʻEperaima, a me ka ʻohana a Dana, a me ka ʻohana hapa a Manase.

⁶ Aia i ka poʻe mamo a Geresona, ma ka hailona ʻana, ma waena o nā hale o ka ʻohana a ʻIsakara, a me ka ʻohana a ʻAsera, a me ka ʻohana a Napetali, a me ka ʻohana hapa a Manase ma Basana, he ʻumikumamākolu kūlanakauhale.

⁷ Aia i ka poʻe mamo a Merari ma ko lākou poʻe ʻōhua, ma ka hailona ʻana ma waena o ka ʻohana a Reubena, a no ka ʻohana a Gada, a no ka ʻohana a Zebuluna; he ʻumikumamālua nā kūlanakauhale.

⁸ Ua hāʻawi aʻela ka poʻe mamo a ʻIseraʻela i kā Levi poʻe ma ka hailona ʻana i kēia mau kūlanakauhale a me nā wahi e pili ana, e like me kā Iēhova i kauoha mai ai ma ka lima o Mose.

⁹ ¶ Ua hāʻawi aʻela lākou no loko aʻe o ka ʻohana a Iuda, a no loko mai o ka ʻohana a Simeona, i kēia mau kūlanakauhale i palapala ʻia ma ka inoa,

¹⁰ nā mea i lilo i ka poʻe mamo a ʻAʻarona, no ko ka hale o Kohata no kā Levi; no ka mea, no lākou ka hailona mua ʻana.

¹¹ Ua hāʻawi aʻela iā lākou, i ke kūlanakauhale ʻo ʻAreba, ka makua o ʻAnaka, ʻo Heberona ia ma ka mauna o Iuda, a me nā wahi e pili ana i laila a puni.

¹² Akā, ʻo nā kula e pili ana i ke kūlanakauhale a me kona mau kauhale, ua hāʻawi ʻia iā Kaleba ke keiki a Iepune i ʻāina hoʻoili nona.

¹³ ¶ Hāʻawi nō hoʻi lākou i ka poʻe mamo a ʻAʻarona ke kahuna ia Heberona, a me kona wahi e pili ana i puʻuhonua no ka poʻe pepehi, a me Libena kekahi a me kona wahi e pili ana,

¹⁴ ʻo Iatira a me kona wahi e pili ana, ʻo ʻEsetemoa a me kona wahi e pili ana,

¹⁵ ʻo Holona a me kona wahi e pili ana, ʻo Debira, a me kona wahi e pili ana,

¹⁶ ʻo ʻAina a me kona wahi e pili ana, ʻo Iuta a me kona wahi e pili ana, ʻo Bete Semesa a me kona wahi e pili ana. ʻEiwa kūlanakauhale no loko mai o kēia mau ʻohana ʻelua.

¹⁷ A no loko mai o ka ʻohana a Beniamina, ʻo Gibeona a me kona wahi e pili ana, ʻo Geba a me kona wahi e pili ana,

¹⁸ ʻo ʻAnetota a me kona wahi e pili ana, ʻo ʻAlemona a me kona wahi e pili ana. ʻEhā mau kūlanakauhale.

¹⁹ ʻO nā kūlanakauhale a pau o nā keiki a ʻAʻarona ke kahuna: he ʻumikumamākolu kūlanakauhale, a me ko lākou mau wahi e pili ana.

²⁰ ¶ A i ko ka hale o nā keiki a Kohata, ka poʻe Levi i koe iho no nā keiki a Kohata, no lākou nā kūlanakauhale no loko mai o ka ʻohana a ʻEperaima.

²¹ No ka mea, ua hāʻawi ʻia nō lākou ʻo Sekema a me kona wahi e pili ana, me ka mauna ʻo ʻEperaima, i puʻuhonua no ka mea pepehi kanaka; ʻo Gezera hoʻi a me kona wahi e pili ana,

²² ʻo Kibezaima a me kona wahi e pili ana, a me Bete Horona a me kona wahi e pili ana; ʻehā kūlanakauhale.

²³ A no ka ʻohana a Dana, ʻo ʻEleteka a me kona wahi e pili ana, a me Gibetona a me kona wahi e pili ana,

²⁴ ʻo ʻAialona a me kona wahi e pili ana, ʻo Gata Rimona a me kona wahi e pili ana: ʻehā kūlanakauhale.

²⁵ A no ka ʻohana hapa a Manase, ʻo Tanaka a me kona wahi e pili ana, ʻo Gata Rimona kekahi a me kona wahi e pili ana: ʻelua kūlanakauhale.

²⁶ ʻO nā kūlanakauhale a pau, he ʻumi nō, a me ko lākou mau wahi e pili ana no nā ʻōhua a nā keiki i koe a Kohata.

²⁷ ¶ A no nā keiki a Geresona no kā Levi poʻe no loko mai o ka ʻohana hapa a Manase, ʻo Golana, ma Basana, a me kona wahi e pili ana, i kūlanakauhale puʻuhonua no ka pepehi kanaka, a me Beʻesetera a me nā wahi e pili ana: ʻelua kūlanakauhale.

²⁸ A no loko mai o ka ʻohana a ʻIsakara, ʻo Kisona a me kona wahi e pili ana, ʻo Dabare, a me kona wahi e pili ana,

²⁹ ʻo Iaremuta a me kona wahi e pili ana, ʻo ʻEne Ganima a me kona wahi e pili ana: ʻehā kūlanakauhale.

³⁰ A no loko mai o ka ʻohana a ʻAsera, ʻo Miseala a me kona wahi e pili ana, ʻo ʻAbedona, a me kona wahi e pili ana,

³¹ ʻo Helekata a me kona wahi e pili ana, ʻo Rehoba a me kona wahi e pili ana: ʻehā kūlanakauhale.

³² A no loko mai o ka ʻohana a Napetali, ʻo Kedesa ma Galilaia, a me kona wahi e pili ana, i kūlanakauhale puʻuhonua no ka mea pepehi kanaka, ʻo Hamota Dora a me kona wahi e pili ana, ʻo Karetana a me kona wahi e pili ana: ʻekolu kūlanakauhale.

³³ ʻO nā kūlanakauhale a pau o ka poʻe Geresona ma ko lākou hale, he ʻumikumamākolu kūlanakauhale a me ko lākou mau wahi e pili ana.

³⁴ ¶ No nā hale o ka poʻe mamo a Merari, ʻo ka poʻe Levi i koe no loko mai o ka ʻohana a Zebuluna, ʻo Iokeneama me kona wahi e pili ana, ʻo Kareta, a me kona wahi e pili ana,

³⁵ ʻo Dimena a me kona wahi e pili ana, ʻo Nahalala hoʻi a me kona wahi e pili ana: ʻehā kūlanakauhale.

³⁶ A no loko mai o ka ʻohana a Reubena, ʻo Bezera a me kona wahi e pili ana, ʻo Iahaza a me kona wahi e pili ana,

³⁷ ʻo Kedemota a me kona wahi e pili ana, ʻo Mepaʻata a me kona wahi e pili ana: ʻehā kūlanakauhale.

³⁸ A no loko mai o ka ʻohana a Gada, ʻo Ramota ma Gileada a me kona wahi e pili ana, i kūlanakauhale puʻuhonua no ka mea pepehi kanaka; ʻo Mahanaima hoʻi a me kona wahi e pili ana,

³⁹ ʻo Hesebona a me kona wahi e pili ana, ʻo Iazera a me kona wahi e pili ana: ʻehā kūlanakauhale.

⁴⁰ ʻO ia nā kūlanakauhale a pau no ka poʻe keiki a Merari ma ko lākou mau hale, ʻo ka poʻe i koe no nā hale o kā Levi, na lākou, ma ka hailona, he ʻumi kūlanakauhale a me kumamālua.

⁴¹ ¶ ʻO nā kūlanakauhale a pau o ka poʻe Levi no loko mai o ka ʻāina hoʻoili o ka poʻe mamo a ʻIseraʻela: he kanahā kūlanakauhale, a me kumamāwalu, a me ko lākou mau wahi e pili ana.

⁴² ʻO kēia mau kūlanakauhale aia nō lākou me ko lākou mau wahi e pili ana a puni. Pēlā kēia mau kūlanakauhale a pau.

⁴³ ¶ A ua hāʻawi mai ʻo Iēhova i kā ʻIseraʻela i ka ʻāina a pau āna i hoʻohiki ai e hāʻawi i ko lākou poʻe mākua, a ua lilo ia no lākou, a ua noho lākou ma laila.

⁴⁴ Ua hoʻomaha maila ʻo Iēhova iā lākou a puni, e like me nā mea a pau āna i hoʻohiki ai i ko lākou poʻe mākua; ʻaʻole kekahi kanaka o ko lākou poʻe ʻenemi e hiki ai ke kū i mua o lākou; no ka mea, ua hāʻawi maila ʻo Iēhova i ko lākou poʻe ʻenemi a pau i loko o ko lākou mau lima.

⁴⁵ ʻAʻole hāʻule kekahi mea o nā mea maikaʻi a Iēhova i ʻōlelo mai ai i ka hale o kā ʻIseraʻela. Ua pau i ka hoʻokō ʻia mai.