KA BUKE MUA A MOSE, I KAPA ʻIA KINOHI 36 - Ka Baibala Hemolele

1 Nā wāhine a ʻEsau. 6 Kona hele ma Seira. 9 Kāna mau keiki, 15 a me kāna mau mamo. 31 Nā aliʻi o ʻEdoma.

MOKUNA XXXVI.

¹ ¶ Eia ka moʻoʻōlelo no ʻEsau, ʻo ia ʻo ʻEdoma.

² ¶ Lawe aʻela ʻo ʻEsau i kāna mau wāhine no nā kaikamāhine o Kanaʻana: ʻo ʻAda, ke kaikamahine a ʻElona ka Heta, a me ʻAholibama ke kaikamahine a ʻAna, ke kaikamahine a Zibeona ka Heva;

³ a ʻo Basemata ke kaikamahine a ʻIsemaʻela, a ʻo ke kaikuahine o Nebaiota.

⁴ Na ʻAda mai i hānau ʻo ʻElipaza na ʻEsau; a na Basemata i hānau ʻo Reuʻela.

⁵ Na ʻAholibama i hānau ʻo Ieusa, ʻo Iaʻalama, a ʻo Kora; ʻo lākou nā keiki kāne a ʻEsau, i hānau nāna ma ka ʻāina ʻo Kanaʻana.

⁶ Lālau akula ʻo ʻEsau i kāna mau wāhine, me kāna mau keiki kāne, a me kāna mau kaikamāhine, a me nā kānaka a pau o kona hale, i nā holoholona liʻiliʻi, a me nā holoholona nui, a me kona waiwai a pau i loaʻa iā ia ma ka ʻāina ʻo Kanaʻana; a hele akula ma ka ʻāina ʻē, mai ka maka aku o kona kaikaina ʻo Iakoba.

⁷ ʻAʻole i hiki iā lāua ke noho pū, no ka nui loa o ko lāua waiwai; ʻaʻole i pono i ka ʻāina, kahi a lāua i noho malihini ai ke mālama iā lāua, no nā holoholona a lāua.

⁸ A noho akula ʻo ʻEsau ma Mauna Seira; a ʻo ʻEsau, ʻo ia nō ʻo ʻEdoma.

⁹ Eia nā hanauna o ʻEsau, ʻo ke kupuna no kā ʻEdoma, ma Mauna Seira.

¹⁰ ¶ Eia nā inoa o nā keiki kāne a ʻEsau: ʻo ʻElipaza, ke keiki a ʻAda, a ka wahine na ʻEsau; ʻo Reuʻela ke keiki a Basemata a ka wahine na ʻEsau.

¹¹ ʻO nā keiki kāne a ʻElipaza: ʻo Temana, ʻo ʻOmara, ʻo Zepo, ʻo Gatama, a ʻo Kenaza.

¹² A ʻo Timena ka haiā wahine na ʻElipaza na ke keiki a ʻEsau; a nāna mai i hānau ʻo ʻAmeleka na ʻElipaza; ʻo lākou nā keiki kāne a ʻAda, a ka wahine na ʻEsau.

¹³ Eia nā keiki kāne a Reuʻela: ʻo Nahata, ʻo Zera, ʻo Sama, a ʻo Miza; ʻo lākou nā keiki kāne a Basemata a ka wahine a ʻEsau.

¹⁴ Eia nā keiki kāne a ʻAholibama, a ke kaikamahine a ʻAna, ke kaikamahine a Zibeona, ka wahine a ʻEsau; a nāna i hānau mai: ʻo Ieusa, ʻo Iaʻalama, a ʻo Kora na ʻEsau.

¹⁵ ¶ ʻO lākou nei nā mākualiʻi o nā moʻopuna a ʻEsau; ʻo nā keiki kāne a ʻElipaza a ka makahiapo na ʻEsau, ʻo Temana he makualiʻi, ʻo ʻOmara he makualiʻi, ʻo Zepo he makualiʻi, ʻo Kenaza he makualiʻi,

¹⁶ ʻo Kora he makualiʻi, ʻo Gatama he makualiʻi, a ʻo ʻAmeleka he makualiʻi; ʻo lākou nā mākualiʻi na ʻElipaza ma ka ʻāina ʻo ʻEdoma; ʻo lākou hoʻi nā keiki kāne a ʻAda.

¹⁷ Eia nā keiki kāne a Reuʻela a ke keiki kāne a ʻEsau: ʻo Nahata he makualiʻi, ʻo Zera he makualiʻi, ʻo Sama, he makualiʻi, a ʻo Miza he makualiʻi; ʻo lākou nā mākualiʻi na Reuʻela, ma ka ʻāina ʻo ʻEdoma; ʻo lākou nā moʻopuna a Basemata, a ka wahine a ʻEsau.

¹⁸ Eia nā keiki kāne a ʻAholibama, a ka wahine na ʻEsau: ʻo Ieusa he makualiʻi, ʻo Iaʻalama he makualiʻi, a ʻo Kora he makualiʻi; ʻo lākou nā mākualiʻi na ʻAholibama, ke kaikamahine a ʻAna, a ka wahine a ʻEsau.

¹⁹ ʻO lākou nā keiki kāne a ʻEsau, ʻo ia ʻo ʻEdoma; ʻo lākou hoʻi nā mākualiʻi o lākou.

²⁰ ¶ Eia nā keiki kāne a Seira ka Hori, i noho ma ia ʻāina: ʻo Lotara, ʻo Sobala, ʻo Zibeona, ʻo ʻAna,

²¹ ʻo Disona, ʻo ʻEzera, a ʻo Disana; ʻo lākou nā mākualiʻi o kā Hori, ʻo nā keiki kāne a Seira, ma ka ʻāina ʻo ʻEdoma.

²² ʻO nā keiki a Lotana, ʻo Hori a ʻo Hemama; a ʻo Timena ke kaikuahine o Lotana.

²³ Eia nā keiki kāne a Sobala: ʻAlevana, ʻo Manahata, ʻo ʻEbala, ʻo Sepo, a ʻo ʻOnama.

²⁴ Eia nā keiki kāne a Zibeona: ʻo ʻAia, lāua ʻo ʻAna; ʻo ia nō ua ʻAna lā i loaʻa iā ia nā hoki ma ka wao nahele, iā ia i hānai ai i nā miula o kona makua kāne ʻo Zibeona.

²⁵ Eia nā keiki a ʻAna: ʻo Disona, a ʻo ʻAholibama ke kaikamahine a ʻAna.

²⁶ Eia nā keiki a Disona: ʻo Hemedana, ʻo ʻEsebana, ʻo ʻIterana, a ʻo Kerana.

²⁷ Eia nā keiki a ʻEzera: ʻo Bilehana, ʻo Zaʻavana, a ʻo ʻAkana.

²⁸ Eia nā keiki a Disana: ʻo ʻUza, a ʻo ʻArana.

²⁹ Eia nā mākualiʻi o kā Hori: ʻo Lotana he makualiʻi, ʻo Sobala he makualiʻi, ʻo Zibeona he makualiʻi, a ʻo ʻAna he makualiʻi,

³⁰ ʻo Disona he makualiʻi, ʻo ʻEzera he makualiʻi, a ʻo Disana he makualiʻi; ʻo lākou nā mākualiʻi na kā Hori, no ko lākou poʻe mākualiʻi ma ka ʻāina ʻo Seira.

³¹ ¶ Eia ka poʻe aliʻi i noho aliʻi ai ma ka ʻāina ʻo ʻEdoma ma mua o ka manawa i noho ai kekahi aliʻi ma luna o nā mamo a ʻIseraʻela.

³² ʻO Bela ke keiki kāne a Beora, noho aliʻi aʻela ia ma ʻEdoma; a ʻo Dinehaba ka inoa o kona kūlanakauhale.

³³ A make ihola ʻo Bela, a noho aliʻi aʻela ʻo Iobaba ke keiki kāne a Zera no Bozera ma kona hakahaka.

³⁴ A make ihola ʻo Iobaba, noho aliʻi aʻela ʻo Husama, no ka ʻāina ʻo Temani, ma kona wahi.

³⁵ A make ihola ʻo Husama, ʻo Hadada, ʻo ke keiki a Bedada, nāna i pepehi iā Midiana ma ke kula ʻo Moaba, a noho aliʻi aʻela ia ma kona wahi; a ʻo ʻAvita ka inoa o kona kūlanakauhale.

³⁶ A make ihola ʻo Hadada, noho aliʻi aʻela ʻo Samela no Masereka ma kona wahi.

³⁷ A make ihola ʻo Samela, noho aliʻi aʻela ʻo Saula no Rehobota o ka Muliwai, ma kona wahi.

³⁸ A make ihola ʻo Saula, noho aliʻi aʻela ʻo Baʻala-Hanana, ʻo ke keiki a ʻAkebora ma kona wahi.

³⁹ A make ihola ʻo Baʻala-Hanana ke keiki a ʻAkebora, noho aliʻi aʻela ʻo Hadara ma kona wahi; ʻo Pau ka inoa o kona kūlanakauhale; a ʻo Mehetabela ka inoa o kāna wahine, ʻo ia ke kaikamahine a Matereda, ke kaikamahine a Mezahaba.

⁴⁰ ¶ Eia nā inoa o nā mākualiʻi na ʻEsau, e like me ko lākou mau ʻohana, ma muli o ko lākou mau wahi, ma ko lākou mau inoa: ʻo Timena he makualiʻi, ʻo ʻAleva he makualiʻi, ʻo Ieteta he makualiʻi,

⁴¹ ʻo ʻAholibama he makualiʻi, ʻo ʻEla he makualiʻi, ʻo Pinona he makualiʻi,

⁴² ʻo Kenaza he makualiʻi, ʻo Temana he makualiʻi, ʻo Mibezara he makualiʻi,

⁴³ ʻo Magediʻela he makualiʻi, a ʻo ʻIrama he makualiʻi; ʻo lākou nā mākualiʻi na ʻEdoma, e like me ko lākou mau noho ʻana, ma ka ʻāina i noho ai lākou; ʻo ia ʻo ʻEsau ke kupuna no ko ʻEdoma.