KA BUKE MUA A MOSE, I KAPA ʻIA KINOHI 10 - Ka Baibala Hemolele

1 He kūʻauhau no Noa. 2 Nā mamo a Iapeta. 6 Ke kūʻauhau no Hama. 8 Nimeroda ke aliʻi mua. 21 Ke kūʻauhau no Sema.

MOKUNA X.

¹ ¶ Eia ka moʻoʻōlelo no nā keiki kāne a Noa: ʻo Sema, ʻo Hama, a ʻo Iapeta; ua hānau na lākou nā keiki kāne ma hope o ke kai a Kahinaliʻi.

² ¶ ʻO nā keiki kāne a Iapeta: ʻo Gomera, ʻo Magoga, ʻo Madai, ʻo Iavana, ʻo Tubala, ʻo Meseka, a ʻo Tirasa.

³ ʻO nā keiki kāne a Gomera: ʻo Asekenaza, ʻo Ripata, a ʻo Togarema.

⁴ ʻO nā keiki kāne a Iavana: ʻo ʻElia, ʻo Taresisa, ʻo Kitima, a ʻo Dodanima.

⁵ Ua puʻunaue ʻia nā ʻāina kahakai o nā lāhui kanaka e lākou nei ma ko lākou mau ʻāina, ʻo kēlā mea a ʻo kēia mea e like me kāna ʻōlelo, ma muli o kā lākou mau ʻohana, ma nā lāhui kanaka o lākou.

⁶ ¶ ʻO nā keiki a Hama: ʻo Kusa, ʻo Migeraima, ʻo Puta, a ʻo Kanaʻana.

⁷ ʻO nā keiki kāne a Kusa: ʻo Seba, ʻo Havila, ʻo Sabeta, ʻo Raʻama, a ʻo Sabeteka; a ʻo nā keiki kāne a Raʻama: ʻo Seba, a ʻo Dedana.

⁸ Na Kusa ʻo Nimeroda; hoʻomaka ihola ia e hoʻolanakila ma ka honua nei.

⁹ He kanaka koa ia i ka hahai holoholona i mua o Iēhova; no laila i ʻōlelo ʻia ai, “E like me Nimeroda ka mea koa loa, ka hahai holoholona i mua o Iēhova.”

¹⁰ ʻO ka hoʻomaka ʻana o kona aupuni, ʻo ia ʻo Babela, ʻo ʻAraka, ʻo ʻAkada, a ʻo Kalene, ma ka ʻāina ʻo Sinara.

¹¹ Ma ia ʻāina aku i hele aku ai ʻo ʻAsura, a kūkulu ihola iā Nineva, a me ke kūlanakauhale ʻo Rehobota a me Kala,

¹² a me Resena ma waena o Nineva a ʻo Kala; he kūlanakauhale nui nō ia.

¹³ Na Mizeraima kā Luda, me kā ʻAnama, me kā Lehaba, me kā Naputuha,

¹⁴ me kā Paterima, me kā Kaseluhima, (na lākou mai kā Pilisetia,) a me kā Kapetora.

¹⁵ ¶ Na Kanaʻana mai ʻo Sidona, kāna hiapo, a ʻo Heta;

¹⁶ a ʻo kā Iebusa, a ʻo kā ʻAmora, a ʻo kā Giregasa;

¹⁷ a ʻo kā Heva, a ʻo kā ʻAreka, a ʻo kā Sinite;

¹⁸ a ʻo kā ʻArevada, a ʻo kā Zemara, a ʻo kā Hamata; a ma hope iho ua hoʻolaha ʻia aku nā ʻohana a ka poʻe Kanaʻana.

¹⁹ A ʻo ka mokuna ʻāina o kā Kanaʻana, mai Sidona ia, i kona hele ʻana mai i Gerara, a hiki i Gaza; i kou hele ʻana aku i Sodoma me Gomora, a me ʻAdema, a me Geboima, a hiki i Lasa.

²⁰ ʻO ia nā keiki kāne a Hama, ma muli o kā lākou mau ʻohana, ma muli hoʻi o kā lākou mau ʻōlelo, ma nā ʻāina o lākou, a ma nā lāhui kanaka o lākou.

²¹ ¶ Na Sema hoʻi, na ka makua kāne o ka poʻe keiki a pau a ʻEbera, na ke kaikaina a Iapeta ka hoahānau mua, ua hānau nō hoʻi nā keiki nāna.

²² ʻO nā keiki a Sema: ʻo ʻElama, ʻo ʻAsura, ʻo ʻArepakada, ʻo Luda, a ʻo ʻArama.

²³ ʻO nā keiki kāne a ʻArama: ʻo ʻUza, ʻo Kula, a ʻo Getera, a ʻo Masa.

²⁴ Na ʻArepakada ʻo Sala, na Sala hoʻi ʻo ʻEbera.

²⁵ Ua hānau na ʻEbera nā keiki kāne ʻelua: ʻo Pelega ka inoa o kekahi; no ka mea, ua mahele ʻia ka honua i kona mau lā; a ʻo Ioketana ka inoa o kona kaikaina.

²⁶ Na Ioketana ʻo ʻAlemodada, ʻo Selepa, a Hazamaveta, ʻo Iera,

²⁷ ʻo Hadorama, ʻo ʻUzala, ʻo Dikela,

²⁸ ʻo ʻObala, ʻo ʻAbimaʻela, ʻo Seba,

²⁹ ʻo ʻOpira, ʻo Havila, a ʻo Iobaba; ʻo lākou nei a pau nā keiki kāne a Ioketana.

³⁰ A ʻo ko lākou wahi noho ai, mai Mesa aku nō ia, i kou hele ʻana a hiki i Separa, i kekahi mauna o ka hikina.

³¹ ʻO ia nā keiki kāne a Sema, ma muli o kā lākou mau ʻohana, ma muli hoʻi o kā lākou mau ʻōlelo, ma ko lākou mau ʻāina, a me ko lākou mau lāhui kanaka.

³² ¶ ʻO ia nā ʻohana a nā keiki kāne a Noa, e like me ko lākou mau hanauna, ma ko lākou mau lāhui kanaka; ma o lākou nei ua mahele ʻia nā lāhui kanaka ma ka honua ma hope mai o ke kai a Kahinaliʻi.