KA BUKE MUA O KA ʻOIHANA ALIʻI 9 - Ka Baibala Hemolele

1 Nā maka mua i noho ma ka ʻāina a ma Ierusalema ma hope o ka lawe ʻana i Babulona. 10 Nā kāhuna a me kā Levi. 35 Ka ʻohana a Saula.

MOKUNA IX.

¹ ¶ Pēlā ʻo kā ʻIseraʻela a pau i helu ʻia ai ma nā hanauna; aia hoʻi, ua kākau ʻia lākou i loko o ka buke a nā aliʻi o kā ʻIseraʻela a ʻo kā Iuda, ka poʻe i lawe ʻia aku i Babulona no nā lawehala o lākou.

² ¶ A ʻo nā kānaka mua i noho ma ko lākou mau wahi noho i nā kūlanakauhale o lākou, ʻo lākou kā ʻIseraʻela, ʻo nā kāhuna, a ʻo nā Levi, a me ka poʻe Netini.

³ A ma Ierusalema i noho ai kekahi poʻe mamo a Iuda, a ʻo kekahi poʻe mamo a Beniamina, a ʻo kekahi poʻe mamo a ʻEperaima lāua ʻo Manase:

⁴ ʻo ʻUtai ke keiki a ʻAmihuda, ke keiki a ʻOmeri, ke keiki a ʻImeri, ke keiki a Bani, no nā mamo a Pereza ke keiki a Iuda.

⁵ A no ka poʻe Siloni: ʻo ʻAsaia ka hānau mua, a me kāna mau keiki kāne.

⁶ A no nā mamo a Zera: ʻo Ieuʻela, a ʻo ko lākou poʻe hoahānau, ʻeono haneri a me kanaiwa.

⁷ A no nā mamo a Beniamina: ʻo Salu ke keiki a Mesulama, ke keiki a Hodavia, ke keiki a Hasenua,

⁸ a ʻo ʻIbeneia ke keiki a Ierohama, a ʻo ʻEla ke keiki a ʻUzi, ke keiki a Mikeri, a ʻo Mesulama ke keiki a Sepatia, ke keiki a Reuʻela, ke keiki a ʻIbeniia;

⁹ a ʻo ko lākou poʻe hoahānau, ma ko lākou mau hanauna, he ʻeiwa haneri a me ke kanalimakumamāono. He poʻe luna ʻohana lākou nei a pau, ma ka ʻohana o ko lākou mau mākua kāne.

¹⁰ ¶ A no nā kāhuna: ʻo Iedaia, ʻo Iehoiariba, a ʻo Iakina.

¹¹ A ʻo ʻAzaria ke keiki a Hilekia, ke keiki a Mesulama, ke keiki a Zadoka, ke keiki a Meraiota, ke keiki a ʻAhituba, a ka luna no ka hale o ke Akua;

¹² a ʻo ʻAdaia ke keiki a Ierohama, ke keiki a Pasura, ke keiki a Malekiia; a ʻo Masia ke keiki a ʻAdiʻela, ke keiki a Iahezera, ke keiki a Mesulama, ke keiki a Mesilemita, ke keiki a ʻImera;

¹³ a ʻo ko lākou poʻe hoahānau, nā luna ʻohana o ko lākou mau mākua, hoʻokahi tausani me nā haneri ʻehiku a me ke kanaono; he poʻe kānaka ikaika loa e hana i ka hana o ka hale o ke Akua.

¹⁴ ¶ A no kā Levi: ʻo Semaia ke keiki a Hasuba, ke keiki a ʻAzerikama, ke keiki a Hasabia, no nā mamo a Merari;

¹⁵ a ʻo Bakebaka, ʻo Heresa, ʻo Galala, ʻo Matania ke keiki a Mika, ke keiki a Zikeri, ke keiki a ʻAsapa;

¹⁶ a ʻo ʻObadia ke keiki a Semaia, ke keiki a Galala, ke keiki a Iedutuna; a ʻo Berekia ke keiki a ʻAsa, ke keiki a ʻElekana, ka mea i noho ma nā kūlanahale o ka Netopata.

¹⁷ ¶ A ʻo ka poʻe kiaʻi puka: ʻo Saluma, ʻo ʻAkuba, ʻo Talemona, ʻo ʻAhimana, a me ko lākou poʻe hoahānau; a ʻo Saluma ka luna.

¹⁸ Ma mua, noho lākou ma ka ʻĪpuka o ke Aliʻi, ma ka ʻaoʻao hikina; he poʻe kiaʻi puka lākou i waena o nā poʻe mamo a Levi.

¹⁹ A ʻo Saluma ke keiki a Kore, ke keiki a ʻEbiasapa, ke keiki a Kora, a ʻo kona poʻe hoahānau, no ka ʻohana o kona makua kāne, ko Kora, ma luna lākou o ka ʻoihana hoʻomana, nā kiaʻi puka hoʻi o ka halelewa; a ʻo ko lākou poʻe makua kāne ma luna o ke anaina kanaka o Iēhova, he poʻe mālama lākou i kahi komo.

²⁰ A ʻo Pinehasa ke keiki a ʻEleazara ka luna o lākou, i ka manawa ma mua, a me ia pū nō ʻo Iēhova.

²¹ A ʻo Zekaria ke keiki a Meselemia ke kiaʻi puka ma ka puka o ka halelewa anaina.

²² ʻO kēia poʻe a pau i wae ʻia he poʻe kiaʻi puka, ʻelua haneri a me ka ʻumikumamālua. Ua helu ʻia lākou ma ko lākou hanauna, i loko o ko lākou mau kūlanahale; ʻo ka poʻe a Dāvida lāua ʻo Samuʻela ke kāula i hoʻonoho ai ma kā lākou ʻoihana.

²³ Pēlā nō iā lākou a me nā keiki a lākou ke kiaʻi ʻana o nā ʻīpuka o ka hale o Iēhova, ʻo ka halelewa, ma nā papa.

²⁴ Ma nā ʻaoʻao ʻehā i noho ai nā kiaʻi puka: ma ka hikina, ma ke komohana, ma ke kūkulu ʻākau, a ma ke kūkulu hema.

²⁵ A hala aʻela nā lā ʻehiku, hele maila nā hoahānau o lākou, mai nā kūlanahale o lākou mai, i kēlā manawa i kēia manawa me lākou.

²⁶ No ka mea, ʻo kēia poʻe Levi, ʻo nā luna kiaʻi puka ʻehā, i noho ma kā lākou ʻoihana, a ma luna o nā hale ahu waiwai a me nā waihona kālā o ka hale o ke Akua.

²⁷ A moe ihola lākou a puni i ka hale o ke Akua; no ka mea, ma luna o lākou ke kiaʻi ʻana, a iā lākou hoʻi ka wehe ʻana o ka hale ia kakahiaka aʻe ia kakahiaka aʻe.

²⁸ ¶ A i kekahi poʻe o lākou ka mālama ʻana i nā ipu mea lawelawe, i lawe mai ai lākou ia mau mea i loko, a e lawe aku hoʻi lākou ia mau mea i waho, ma ka helu ʻana.

²⁹ Ua hoʻonoho ʻia hoʻi kekahi poʻe o lākou e kiaʻi i nā ipu, a me nā mea paʻahana a pau o ka luakini, i ka palaoa, i ka waina, me ka ʻaila, me ka libano, a me ka mea ʻala.

³⁰ A na kekahi poʻe keiki a nā kāhuna i hana i ka mea poni ʻala.

³¹ A ʻo Matitia o kā Levi, ʻo ka hiapo a Saluma ka Kora, iā ia ke kauoha ma luna o nā mea i hana ʻia ma loko o nā pā.

³² A ʻo kekahi poʻe hoahānau o lākou, ʻo nā keiki a kā Kohata, ma luna lākou o ka berena hōʻike, e hoʻomākaukau ia mea no kēlā Sābati kēia Sābati.

³³ ¶ ʻO kēia ka poʻe mele, nā poʻokela o nā mākua o nā Levi, i noho hana ʻole ma nā keʻena; no ka mea, ua mau lākou ma ia hana i ka pō a me ke ao.

³⁴ ʻO kēia poʻe luna ʻohana o nā Levi, he poʻe poʻokela ma ko lākou mau hanauna; a noho iho lākou ma Ierusalema.

³⁵ ¶ A ma Gibeona i noho ai ka makua kāne o Gibeona, ʻo Iehiʻela, a ʻo Maʻaka ka inoa o kāna wahine.

³⁶ ʻO ʻAbedona kāna keiki hiapo, a laila ʻo Zura, ʻo Kisa, ʻo Baʻala, ʻo Nera, ʻo Nadaba,

³⁷ ʻo Gedora, ʻo ʻAhio, ʻo Zekaria a ʻo Mikelota.

³⁸ Na Mikelota ʻo Simeama; a noho ihola hoʻi lākou i Ierusalema me ko lākou poʻe hoahānau, i kahi kūpono aku i ko lākou poʻe hoahānau.

³⁹ Na Nera ʻo Kisa, na Kisa ʻo Saula, na Saula ʻo Ionatana, ʻo Malikisua, ʻo ʻAbinadaba, a ʻo ʻEse-Baʻala.

⁴⁰ A ʻo Meri-Baʻala ke keiki kāne a Ionatana; na Meri-Baʻala ʻo Mika.

⁴¹ ʻO nā keiki kāne a Mika: ʻo Pitono, ʻo Meleka, ʻo Taherea, a ʻo ʻAhaza.

⁴² Na ʻAhaza ʻo Iara, na Iara ʻo ʻAlemeta, ʻo ʻAzemaveta, ʻo Zimeri; a na Zimeri ʻo Moza,

⁴³ na Moza ʻo Binea; a ʻo Repaia kāna keiki, ʻo ʻEleasa kāna keiki, a ʻo ʻAzela kāna keiki.

⁴⁴ Na ʻAzela nā keiki kāne ʻeono; eia ko lākou mau inoa: ʻo ʻAzerikama, ʻo Bokeru, ʻo ʻIsemaʻela, ʻo Searia, ʻo ʻObadia, a ʻo Hanana; ʻo lākou nā keiki kāne a ʻAzela.