KA BUKE MUA O KA ʻOIHANA ALIʻI 7 - Ka Baibala Hemolele

1 Nā keiki a ʻIsakara, 6 a Beniamina, 13 a Napetali, 14 a Manase, 20 a ʻEperaima, i pepehi ʻia kekahi poʻe e ko Gata, 30 nā keiki a ʻAsera.

MOKUNA VII.

¹ ¶ Eia nā keiki kāne a ʻIsakara: ʻo Tola, ʻo Pua, ʻo Iasuba, a ʻo Simerona, ʻehā.

² A ʻo nā keiki kāne a Tola: ʻo ʻUzi, ʻo Repaia, ʻo Ieriʻela, ʻo Iahemai, ʻo Iibesama, a ʻo Semuʻela, nā luna o ka ʻohana a ko lākou makua kāne, a Tola; he poʻe kānaka koa ma ko lākou hanauna; a ua helu ʻia lākou i ka wā iā Dāvida, he iwakāluakumamālua tausani, a me nā haneri keu ʻeono.

³ A ʻo ke keiki a ʻUzi: ʻo ʻIzerahia; a ʻo nā keiki a ʻIzerahia: ʻo Mikaʻela, ʻo ʻObadia, ʻo Ioʻela, ʻo ʻIsia, ʻelima; he poʻe luna lākou a pau.

⁴ A me lākou pū, ma ko lākou mau hanauna, a ma muli o ka ʻohana a ko lākou mau mākua, nā poʻe koa no ke kaua, he kanakolukumamāono tausani; no ka mea, he nui nā wāhine a lākou, a me nā keiki.

⁵ A ʻo ko lākou poʻe hoahānau i waena o nā ʻohana a pau a ʻIsakara, he poʻe kānaka koa ikaika lākou, a i helu ʻia lākou a pau ma ko lākou mau hanauna, he kanawalukumamāhiku tausani.

⁶ ¶ Na Beniamina ʻo Bela, ʻo Bekera, a ʻo Iediaʻela, ʻekolu.

⁷ ʻO nā keiki kāne a Bela: ʻo ʻEzebona, ʻo ʻUzi, ʻo ʻUziʻela, ʻo Ierimota, a ʻo ʻIri, ʻelima; nā luna o ka ʻohana a ko lākou makua kāne, he poʻe koa ikaika; ua helu ʻia ma ko lākou mau hanauna, he iwakāluakumamālua tausani, a me ke kanakolukumamāhā.

⁸ ʻO nā keiki kāne a Bekera: ʻo Zemira, ʻo Ioasa, ʻo ʻEliezera, ʻo ʻElioenai, ʻo ʻOmeri, ʻo Ierimota, ʻo ʻAbiia, ʻo ʻAnatota, a ʻo ʻAlameta. ʻO lākou nei a pau nā keiki kāne a Bekera.

⁹ A ʻo ka helu ʻana o lākou ma muli o ko lākou kūʻauhau, ma ko lākou mau hanauna, nā luna o ka ʻohana a ko lākou poʻe kūpuna, he poʻe koa ikaika, he iwakālua tausani a me nā haneri keu ʻelua.

¹⁰ ʻO ke keiki kāne hoʻi a Iediaʻela: ʻo Bilehana; a ʻo nā keiki kāne a Bilehana: ʻo Ieusa, ʻo Beniamina, ʻo ʻEhuda, ʻo Kenaʻana, ʻo Zetana, ʻo Taresisa, a ʻo ʻAhisahara.

¹¹ ʻO kēia poʻe a pau nā keiki a Iediaʻela; ma nā poʻo o ko lākou mau kūpuna, he poʻe kānaka koa ikaika, he ʻumikumamāhiku tausani a me nā haneri keu ʻelua, ua mākaukau e hele aku i ke kaua e kaua aku.

¹² ʻO Supima hoʻi, a ʻo Hupima, nā keiki a ʻIra lāua ʻo Husima, nā keiki a ʻAhera.

¹³ ¶ ʻO nā keiki kāne a Napetali: ʻo Iaziʻela, ʻo Guni, ʻo Iezera, ʻo Saluma; nā keiki a Bileha.

¹⁴ ¶ ʻO nā keiki kāne a Manase: ʻo ʻAseriʻela, ʻo ia kā kāna wahine i hānau ai; (na kāna haiā wahine na ka ʻArama i hānau ʻo Makira, ʻo ka makua kāne o Gileada.

¹⁵ Lawe aʻela ʻo Makira i ke kaikuahine o Hupima a me Supima i wahine nāna, a ʻo Maʻaka ka inoa o ko lāua kaikuahine); a Zelopehada ka inoa o ka lua; a he mau kaikamāhine na Zelopehada.

¹⁶ Na Maʻaka na ka wahine a Makira i hānau he keiki kāne, a kapa ihola ia i kona inoa ʻo Peresa; a ʻo Seresa ka inoa o kona kaikaina; a ʻo ʻUlama lāua ʻo Rakema, nā keiki kāne āna.

¹⁷ A ʻo ke keiki kāne a ʻUlama: ʻo Bedana. ʻO lākou nā keiki a Gileada, ke keiki a Makira, ke keiki a Manase.

¹⁸ Na kona kaikuahine na Hamoleketa i hānau ʻo ʻIsoda, ʻo ʻAbiezera, a ʻo Mahala.

¹⁹ ʻO nā keiki kāne a Semida: ʻo ʻAhiana, ʻo Sekema, ʻo Likehi, a ʻo ʻAniama.

²⁰ ¶ A ʻo nā keiki kāne a ʻEperaima: ʻo Sutela, a ʻo Bereda kāna keiki, a ʻo Tahata kāna keiki, a ʻo ʻElada kāna keiki, a ʻo Tahata kāna keiki,

²¹ ʻo Zabada kāna keiki, ʻo Sutela kāna keiki, a ʻo ʻEzera lāua o ʻEleada, nā mea a ka poʻe kānaka o Gata i hānau ma ia ʻāina i pepehi ai; no ka mea, iho maila lākou e lawe aku i ko lākou poʻe holoholona.

²² Kanikau ihola ʻo ʻEperaima ko lāua makua kāne i nā lā he nui loa, a hele maila kona poʻe hoahānau e hōʻoluʻolu iā ia.

²³ Iā ia i komo aku ai i loko i kāna wahine, hāpai ihola ʻo ia, a hānau maila he keiki kāne, kapa ihola kēlā iā ia ʻo Beria, no ka pōʻino i hiki mai i kāna ʻohana.

²⁴ (A ʻo kāna kaikamahine ʻo Sera, nāna i kūkulu iā Bete Horona Lalo, a me Luna, a me ʻUzene Sera.)

²⁵ A ʻo Repa kāna keiki, a ʻo Resepa hoʻi, ʻo Tela kāna keiki, ʻo Tahana kāna keiki,

²⁶ ʻo Laʻadana kāna keiki, ʻo ʻAmihuda kāna keiki, ʻo ʻElisama kāna keiki,

²⁷ ʻo Nona kāna keiki, ʻo Iehosua kāna keiki.

²⁸ ¶ A ʻo ko lākou mau ʻāina a me nā noho ʻana, ʻo Betela a me ko laila mau kūlanahale; a ma ka hikina, ʻo Naʻarana, a ma ke komohana ʻo Gezera me nā kūlanahale o laila; ʻo Sekema hoʻi, a me ko laila mau kūlanahale, a hiki i Gaza me nā kūlanahale o laila;

²⁹ a ma nā palena o nā mamo a Manase, ʻo Beteseana a me kona mau kūlanahale, ʻo Taʻanaka a me kona mau kūlanahale, ʻo Megido a me kona mau kūlanahale, ʻo Dora a me kona mau kūlanahale. Ma nēia mau wahi i noho ai nā mamo a Iosepa ke keiki a ʻIseraʻela.

³⁰ ¶ Eia nā keiki kāne a ʻAsera: ʻo ʻImena, ʻo ʻIsua, ʻo ʻIsuai, ʻo Beria; a ʻo Sera ko lākou kaikuahine.

³¹ ʻO nā keiki kāne a Beria: ʻo Hebera, a ʻo Malekiʻela ka makua kāne o Birezavita.

³² Na Hebera ʻo Iapeleta, ʻo Somera, ʻo Hotama; a ʻo Sua ko lākou kaikuahine.

³³ ʻO nā keiki kāne a Iapeleta: ʻo Pasaka, ʻo Bimehala, a ʻo ʻAsevata; ʻo lākou nei nā keiki a Iapeleta.

³⁴ A ʻo nā keiki kāne a Samera: ʻo ʻAhi, ʻo Rohega, ʻo Iehuba, a ʻo ʻArama.

³⁵ A ʻo nā keiki kāne o kona hoahānau, ʻo Helema: ʻo Zopeha, ʻo ʻImera, ʻo Selesa, a ʻo ʻAmala.

³⁶ ʻO nā keiki kāne a Zopa: ʻo Sua, a ʻo Harenepera, ʻo Suala, ʻo Beri, a ʻo ʻImera,

³⁷ ʻo Bezera, ʻo Hoda, ʻo Sama, ʻo Silisa, ʻo ʻIterana, a ʻo Beʻera.

³⁸ A ʻo nā keiki kāne a Ietera: ʻo Iepune, ʻo Pisepa, a ʻo ʻAra.

³⁹ A ʻo nā keiki kāne a ʻUla: ʻo ʻAra, ʻo Haniʻela, a ʻo Rezia.

⁴⁰ ʻO lākou nei a pau nā keiki a ʻAsera, nā luna o ka ʻohana o ko lākou makua kāne, nā kānaka koa ikaika i wae ʻia, he poʻe poʻokela o nā luna. A ʻo ko lākou helu ʻana ma ka hanauna o lākou, ka poʻe i mākaukau no ke kaua, a no ka hoʻouka kaua, he iwakāluakumamāono tausani kānaka.