KA BUKE MUA O KA ʻOIHANA ALIʻI 6 - Ka Baibala Hemolele

1 Nā keiki kāne a Levi. 4 Nā moʻopuna a ʻEleazara a hiki i ka lawe ʻana i Babulona. 16 Ka ʻohana a Levi. 20 Nā keiki a Geresoma, a Kohata a me Merari. 49 Ka ʻoihana a ʻAʻarona a me nā keiki āna. 54 Nā kūlanakauhale a ka poʻe kāhuna a me kā Levi.

MOKUNA VI.

¹ ¶ Eia nā keiki kāne a Levi: ʻo Geresoma, ʻo Kohata, a ʻo Merari.

² ʻO nā keiki kāne a Kohata: ʻo ʻAmerama, ʻo ʻIzehara, ʻo Heberona, a ʻo ʻUziʻela.

³ A ʻo nā keiki a ʻAmerama: ʻo ʻAʻarona, ʻo Mose, a ʻo Miriama. ʻO nā keiki kāne hoʻi a ʻAʻarona: ʻo Nadaba, ʻo ʻAbihu, ʻo ʻEleazara, a ʻo ʻItamara.

⁴ Na ʻEleazara ʻo Pinehasa, na Pinehasa ʻo ʻAbisua,

⁵ na ʻAbisua ʻo Buki, na Buki ʻo ʻUzi,

⁶ na ʻUzi ʻo Zerahia, na Zerahia ʻo Meraiota,

⁷ na Meraiota ʻo ʻAmaria, na ʻAmaria ʻo ʻAhituba,

⁸ na ʻAhituba ʻo Zadoka, na Zadoka ʻo ʻAhimaʻaza,

⁹ na ʻAhimaʻaza ʻo ʻAzaria, na ʻAzaria ʻo Iohanana,

¹⁰ na Iohanana ʻo ʻAzaria, (ka mea iā ia ka ʻoihana kahuna ma ka luakini a Solomona i hana ai i Ierusalema);

¹¹ na ʻAzaria ʻo ʻAmaria, na ʻAmaria ʻo ʻAhituba,

¹² na ʻAhituba ʻo Zadoka, na Zadoka ʻo Saluma,

¹³ na Saluma ʻo Hilekia, na Hilekia ʻo ʻAzaria,

¹⁴ na ʻAzaria ʻo Seraia, na Seraia ʻo Iehozadaka.

¹⁵ A hele akula ʻo Iehozadaka, i ka wā a Iēhova i lawe pio aku ai i kā Iuda, a me ko Ierusalema ma ka lima o Nebukaneza.

¹⁶ ¶ Eia nā keiki kāne a Levi: ʻo Geresoma, ʻo Kohata, a ʻo Merari.

¹⁷ Eia nā inoa o nā keiki o Geresoma: ʻo Libeni, a ʻo Simei.

¹⁸ A ʻo nā keiki kāne a Kohata: ʻo ʻAmerama, ʻo ʻIzihara, ʻo Heberona, a ʻo ʻUziʻela.

¹⁹ ʻO nā keiki kāne a Merari: ʻo Meheli, a ʻo Musi. ʻO lākou nā ʻohana a ka poʻe Levi, ma muli o ko lākou mau kūpuna.

²⁰ Na Geresoma: ʻo Libeni kāna keiki, ʻo Iahata kāna keiki, ʻo Zima kāna keiki,

²¹ ʻo Ioa kāna keiki, ʻo ʻIdo kāna keiki, ʻo Zera kāna keiki, ʻo Ieaterai kāna keiki.

²² ʻO nā keiki kāne a Kohata: ʻo ʻAminadaba kāna keiki, ʻo Kora kāna keiki, ʻo ʻAsira kāna keiki,

²³ ʻo ʻElekana kāna keiki, ʻo ʻEbiasapa kāna keiki, ʻo ʻAsira kāna keiki,

²⁴ ʻo Tahata kāna keiki, ʻo ʻUriʻela kāna keiki, ʻo ʻUzia kāna keiki, ʻo Saula kāna keiki.

²⁵ A ʻo nā keiki kāne a ʻElekana: ʻo ʻAmasai, a ʻo ʻAhimota;

²⁶ ʻo lāua kā ʻElekana; ʻo nā keiki kāne a ʻElekana: ʻo Zopai kāna keiki, ʻo Nahata kāna keiki,

²⁷ ʻo ʻEliaba kāna keiki, ʻo Ierohama kāna keiki, ʻo ʻElekana kāna keiki.

²⁸ ʻO nā keiki kāne a Samuʻela: ʻo Vaseni ka makahiapo, a ʻo ʻAbiia.

²⁹ ʻO nā keiki a Merari: ʻo Maheli, ʻo Libeni kāna keiki, ʻo Simei kāna keiki, ʻo ʻUza kāna keiki,

³⁰ ʻo Simea kāna keiki, ʻo Hagia kāna keiki, a ʻo ʻAsaia kāna keiki.

³¹ ¶ ʻO lākou ka poʻe a Dāvida i hoʻonoho ai ma luna o ka ʻoihana hoʻoleʻa ma ka hale o Iēhova, ma hope mai o ka manawa i kau mālie ai ka pahu berita.

³² A hoʻokauā akula lākou i mua o kahi i kū ai ka halelewa anaina, me ka hoʻoleʻa ʻana, a hiki i ka manawa a Solomona i hana ai ka hale o Iēhova i Ierusalema; a laila kū ihola lākou i kā lākou ʻoihana ma ko lākou mau papa.

³³ Eia ka poʻe nāna i kū me kā lākou poʻe keiki. ʻO nā keiki a kā Kohata: ʻo Hemana he mea hoʻoleʻa, ke keiki a Ioʻela, ke keiki a Samuʻela,

³⁴ ke keiki a ʻElekana, ke keiki a Iehorama, ke keiki a ʻEliʻela, ke keiki a Toa,

³⁵ ke keiki a Zupa, ke keiki a ʻElekana, ke keiki a Mahata, ke keiki a ʻAmasai,

³⁶ ke keiki a ʻElekana, ke keiki a Ioʻela, ke keiki a ʻAzaria, ke keiki a Zepania,

³⁷ ke keiki a Tahata, ke keiki a ʻAsira, ke keiki a ʻEbiasapa, ke keiki a Kora,

³⁸ ke keiki a ʻIzahara, ke keiki a Kohata, ke keiki a Levi, ke keiki a ʻIseraʻela.

³⁹ A ʻo kona hoahānau ʻo ʻAsapa, ka mea i kū ma kona lima ʻākau, ʻo ʻAsapa ke keiki a Berakia, ke keiki a Simea,

⁴⁰ ke keiki a Mikaʻela, ke keiki a Baʻaseia, ke keiki a Malekia,

⁴¹ ke keiki a ʻEteni, ke keiki a Zera, ke keiki a ʻAdaia,

⁴² ke keiki a ʻEtana, ke keiki a Zima, ke keiki a Simei,

⁴³ ke keiki a Iahata, ke keiki a Geresoma, ke keiki a Levi.

⁴⁴ A ma ka lima hema ko lākou poʻe hoahānau, nā mamo a Merari. ʻO ʻEtana ke keiki a Kisi, ke keiki a ʻAbedia, ke keiki a Maluka,

⁴⁵ ke keiki a Hasabia, ke keiki a ʻAmazia, ke keiki a Hilekia,

⁴⁶ ke keiki a ʻAmezi, ke keiki a Bani, ke keiki a Samera,

⁴⁷ ke keiki a Maheli, ke keiki a Musi, ke keiki a Merari, ke keiki a Levi.

⁴⁸ Ua hoʻonoho ʻia hoʻi ko lākou poʻe hoahānau o kā Levi i kēlā hana kēia hana a pau o ka halelewa, ka hale o ke Akua.

⁴⁹ ¶ Akā, ʻo ʻAʻarona a me kāna mau keiki, mōhai akula lākou ma luna o ke kuahu no ka mōhai kuni, a ma luna o ke kuahu no ka mea ʻala, a no ka hana a pau o ke Keʻena Kapu, a e mōhai kalahala no kā ʻIseraʻela, e like me nā mea a pau a Mose ke kauā na ke Akua i kauoha ai.

⁵⁰ Aia nā keiki kāne a ʻAʻarona: ʻo ʻEleazara kāna keiki, ʻo Pinehasa kāna keiki, ʻo ʻAbisua kāna keiki,

⁵¹ ʻo Buki kāna keiki, ʻo ʻUzi kāna keiki, ʻo Zerahia kāna keiki,

⁵² ʻo Meraiota kāna keiki, ʻo ʻAmaria kāna keiki, ʻo ʻAhituba kāna keiki,

⁵³ ʻo Zadoka kāna keiki, ʻo ʻAhimaʻaza kāna keiki.

⁵⁴ ¶ Eia ko lākou mau wahi noho, ma ko lākou mau halelewa, i loko o ko lākou mau ʻāina, ko nā mamo a ʻAʻarona, ko nā ʻohana a Kohata; no ka mea, no lākou ka haʻawina.

⁵⁵ A hāʻawi akula lākou iā Heberona no lākou, ma ka ʻāina o kā Iuda, a me nā kula o ia wahi a puni.

⁵⁶ Akā, ʻo nā ʻāina mahi ʻai o ke kūlanakauhale, a me nā kauhale i laila, hāʻawi akula lākou ia mau mea no Kaleba ke keiki a Iepune.

⁵⁷ A hāʻawi akula lākou i nā kūlanakauhale o kā Iuda no nā mamo a ʻAʻarona, ʻo Heberona ka puʻuhonua, ʻo Libena me nā kula i laila, ʻo Iatira, a ʻo ʻEsetemoa me ko lākou mau kula,

⁵⁸ ʻo Hilena me kona kula, ʻo Debira a me kona kula,

⁵⁹ ʻo ʻAsana a me kona kula, a ʻo Bete Semesa a me kona kula;

⁶⁰ a ma ko ka ʻohana a Beniamina: ʻo Geba me kona kula, ʻo ʻAlemeta me kona kula, a ʻo ʻAnatota me kona kula. ʻO nā kūlanakauhale a pau ma ko lākou mau ʻohana he ʻumikumamākolu nā kūlanakauhale.

⁶¹ ¶ No nā mamo a Kohata i koe o ka ʻohana ma ia lāhui kanaka, i kaʻa no lākou he ʻumi mau kūlanakauhale o ka ʻohana hapa, ʻo ia ka ʻohana hapa a Manase.

⁶² A no ka poʻe mamo a Geresoma, ma kā lākou mau ʻohana, he ʻumikumamākolu nā kūlanakauhale o ka ʻohana a ʻIsakara, a ʻo ka ʻohana a ʻAsera, a ʻo ka ʻohana a Napetali, a ʻo ka ʻohana a Manase i Basana.

⁶³ A kaʻa aku nō nā mamo a Merari, ma kā lākou mau ʻohana, he ʻumikumamālua nā kūlanakauhale o ka ʻohana a Reubena, a ʻo ka ʻohana a Gada, a ʻo ka ʻohana a Zebuluna.

⁶⁴ Na ka poʻe mamo a ʻIseraʻela i hāʻawi aku no kā Levi ia mau kūlanakauhale a me ko lākou mau kula.

⁶⁵ A hāʻawi akula lākou ma ka puʻu ʻana ia mau kūlanakauhale i kapa ʻia ma nā inoa, no loko o ka ʻohana o nā mamo a Iuda, a no loko o ka ʻohana o nā mamo a Simeona, a no loko o ka ʻohana o nā mamo a Beniamina.

⁶⁶ ¶ A i kekahi mau ʻohana o nā mamo a Kohata, iā lākou nā kūlanakauhale o nā mokuna o lākou ma ko ka ʻohana a ʻEperaima.

⁶⁷ A hāʻawi akula lākou i nā kūlanakauhale puʻuhonua, ʻo Sekema ma ka mauna ʻEperaima me kona kula, a ʻo Gezera hoʻi me kona kula,

⁶⁸ a ʻo Iokemeama me kona kula, a ʻo Bete Horona me kona kula,

⁶⁹ a ʻo ʻAialona me kona kula, a ʻo Gata Rimona me kona kula.

⁷⁰ A no loko o ka ʻohana hapa a Manase: ʻo ʻAnera me kona kula, a ʻo ʻIbeleama me kona kula, no ke koena o ka ʻohana mamo a Kohata.

⁷¹ ¶ A no nā mamo a Geresoma: ʻo Golana i Basana me kona kula, a ʻo ʻAsetarota me kona kula, no loko o ko ka ʻohana hapa a Manase.

⁷² A no loko o ko ka ʻohana o ʻIsakara: ʻo Kedesa me kona kula, ʻo Daberata me kona kula,

⁷³ ʻo Ramota me kona kula, a ʻo ʻAnema me kona kula.

⁷⁴ A no loko o ko ka ʻohana a ʻAsera: ʻo Masala me kona kula, a ʻo ʻAbedona me kona kula,

⁷⁵ ʻo Hukoka me kona kula, a ʻo Rehoba me kona kula.

⁷⁶ A no loko o ko ka ʻohana a Napetali: ʻo Kedesa i Galilaia me kona kula, a ʻo Hamona me kona kula, a ʻo Kiriataima me kona kula.

⁷⁷ ¶ A no ke koena o nā mamo a Merari, no loko o ka ʻohana a Zebuluna: ʻo Rimona me kona kula, a ʻo Tabora me kona kula.

⁷⁸ A ma kēlā kapa o Ioredane e kū pono ana i Ieriko, ma ka ʻaoʻao hikina o Ioredane, no loko o ko ka ʻohana a Reubena: ʻo Bezera ma ka wao akua me kona kula, a ʻo Iahaza me kona kula,

⁷⁹ ʻo Kedemota hoʻi me kona kula, a ʻo Mepaʻata me kona kula.

⁸⁰ No loko hoʻi o ko ka ʻohana a Gada: ʻo Ramota i Gileada me kona kula, a ʻo Mahanaima me kona kula,

⁸¹ a ʻo Hesebona me kona kula, a ʻo Iazera me kona kula.