KA BUKE MUA O KA ʻOIHANA ALIʻI 4 - Ka Baibala Hemolele

1 Na nā mamo a Iuda, ma ka moʻo iā Hezerona mā. 4 Nā mamo a ʻAsura. 9 ʻO Iabeza me kāna pule. 11 Nā mamo a Sela. 21 No nā keiki a Simeona. 39 Lilo iā lākou ʻo Gedora o kā ʻAmeleka.

MOKUNA IV.

¹ ¶ Eia nā keiki kāne a Iuda: ʻo Pereza, ʻo Hezerona, ʻo Karemi, ʻo Hura, a ʻo Sobala.

² Na Reaia na ke keiki a Sobala ʻo Iahata, a na Iahata ʻo ʻAhumai lāua ʻo Lahada. ʻO lākou nā ʻohana o kā Zorari.

³ ʻO lākou nei, na ka makua kāne o ʻEtama: ʻo Iezereʻela, ʻo ʻIsema, a ʻo ʻIdebasa: a ʻo Hazeleleponi ka inoa o ko lākou kaikuahine.

⁴ A ʻo Penuʻela ka makua kāne o Gedora, a ʻo ʻEzera ka makua kāne a Husa. ʻO lāua nā keiki kāne a Hura, a ka hānau mua na ʻEperata, na ka makua kāne o Betelehema.

⁵ Na ʻAsura na ka makua kāne o Tekoa he mau wāhine ʻelua: ʻo Hela, a ʻo Naʻara.

⁶ Na Naʻara i hānau nāna ʻo ʻAhuzama, ʻo Hepera, ʻo Temeni a ʻo Haʻahasetari. ʻO lākou nā keiki kāne na Naʻara.

⁷ ʻO nā keiki kāne a Hela: ʻo Zereta, ʻo Iezoara, a ʻo ʻEtenana.

⁸ Na Koza ʻo ʻAnuba, a ʻo Zobeba, a me nā ʻohana a ʻAhahela ke keiki kāne a Haruma.

⁹ Ua ʻoi aku ka maikaʻi o Iabeza i mua o ko nā hoahānau ona; a kapa ihola kona makuahine iā ia ʻo Iabeza, me ka ʻī ʻana, “No ka mea, hoʻohānau ihola au iā ia me ka ʻeha.”

¹⁰ A kāhea akula ʻo Iabeza i ke Akua o kā ʻIseraʻela, me ka ʻī ʻana, “Inā ʻoe e hoʻopōmaikaʻi mai iaʻu, a e hoʻoneʻe aku i kuʻu palena ʻāina, a me aʻu pū hoʻi kou lima, a e mālama mai ʻoe iaʻu i ka hewa, i hōʻeha ʻole mai ia iaʻu!” A hāʻawi maila ke Akua i kāna mea i noi aku ai.

¹¹ ¶ Na Keluba ka hoahānau o Sua nāna ʻo Mehira, ʻo ia ka makua kāne o ʻEsetona.

¹² Na ʻEsetona ʻo Bete Rapa, ʻo Pasea, a ʻo Tehina ka makua kāne o ʻIre Nahasa. ʻO lākou nā kānaka o Reka.

¹³ ¶ ʻO nā keiki kāne a Kenaza: ʻo ʻOteniʻela a ʻo Seraia; ʻo ke keiki kāne a ʻOteniʻela: ʻo Hatata.

¹⁴ Na Meonotai ʻo ʻOpera; na Seraia ʻo Ioaba ka makua kāne o ko ke awāwa ʻo Karasima; no ka mea, he poʻe paʻahana lākou.

¹⁵ ʻO nā keiki a Kaleba a ke keiki a Iepune: ʻo ʻIru, ʻo ʻEla, a ʻo Naʻama; a ʻo ke keiki kāne a ʻEla, ʻo ia ʻo Kenaza.

¹⁶ ʻO nā keiki kāne a Iehaleleʻela: ʻo Zipa, ʻo Zipaha, ʻo Tiria, a ʻo ʻAsareʻela.

¹⁷ ʻO nā keiki kāne a ʻEzera: ʻo Ietera, ʻo Mereda, ʻo ʻEpera, a ʻo Ialona; a nāna nō i hānau ʻo Miriama, ʻo Samai, a ʻo ʻIseba ka makua kāne o ʻEsetemoa.

¹⁸ A na kāna wahine, na Iehudiia i hānau ʻo Iereda ka makua kāne o Gedora, a ʻo Hebera ka makua kāne o Soko, a ʻo Iekutiʻela ka makua kāne o Zanoa. ʻO lākou nā keiki kāne a Bitia a ke kaikamahine a Paraʻo i lawe ʻia e Mereda.

¹⁹ A ʻo nā keiki kāne a Hodia ke kaikuahine o Nahama ka makua kāne o Keila no Garemi, a ʻo ʻEsetemoa no Maʻakata.

²⁰ A ʻo nā keiki kāne a Simona, ʻo ʻAmenona, a ʻo Rina, ʻo Bene-Hanana a ʻo Tilona. A ʻo nā keiki kāne a ʻIsehi; ʻo Zoheta, a ʻo Bene-Zoheta.

²¹ Eia nā keiki kāne a Sela a ke keiki a Iuda, ʻo ʻEra ka makua kāne o Leka, a ʻo Laʻada ka makua kāne o Maresa, a me nā ʻohana o ka hale o lākou i hana i ka lole ʻie nani, no ka hale o ʻAsebea,

²² a ʻo Iokima, a ʻo nā kānaka o Kozeba, a ʻo Ioasa, a ʻo Sarapa, iā ia ke aliʻi ʻana o kā Moaba, a ʻo Iasubi-Lehema. A he mau mea kahiko kēia.

²³ ʻO lākou nā potera, a me ka poʻe i noho i waena o nā mea kanu a ʻo nā ulu lāʻau; i laila lākou i noho ai ma muli o ke aliʻi no kāna hana.

²⁴ ¶ Eia nā keiki kāne a Simeona: ʻo Nemuʻela, ʻo Iamina, ʻo Iariba, ʻo Zera, a ʻo Saula;

²⁵ ʻo Saluma kāna keiki, ʻo Mibesama kāna keiki, ʻo Misema kāna keiki.

²⁶ ʻO nā keiki kāne a Misema: ʻo Hamuʻela kāna keiki, ʻo Zakura kāna keiki, ʻo Simei kāna keiki.

²⁷ He ʻumikumamāono nā keiki kāne a Simei a me nā kaikamāhine ʻeono; ʻaʻole naʻe he nui nā keiki a kona mau hoahānau, ʻaʻole hoʻi i hoʻomāhuahua aʻe nā ʻohana a lākou a pau e like me nā keiki a Iuda.

²⁸ A noho ihola lākou i Beʻereseba a i Molada, a i Hazara Suala,

²⁹ a i Bileha, a i ʻEzema, a i Tolada,

³⁰ a i Betuʻela, a i Horema, a i Zikelaga,

³¹ a i Beta Marekabota, a i Hazara Susa, a i Bete Birei, a i Saʻaraima. ʻO ia nā kūlanakauhale o lākou a hiki i ke au iā Dāvida.

³² A ʻo ko lākou mau kauhale: ʻo ʻEtama, ʻo ʻAina, ʻo Rimona, ʻo Tokena, a ʻo ʻAsana, ʻelima nā kūlanakauhale;

³³ a me nā kauhale a pau a puni ia mau kūlanakauhale a hiki i Baʻala. ʻO ia nā wahi noho o lākou, a me ko lākou anaina kanaka;

³⁴ a ʻo Mesobaba, ʻo Iameleka, a ʻo Ioseha ke keiki a ʻAmazia,

³⁵ a ʻo Ioʻela, a ʻo Iehu ke keiki a Iosibia, ke keiki a Seraia, ke keiki a ʻAsiʻela.

³⁶ A ʻo ʻElioenai, ʻo Iaʻakoba, ʻo Iesohaia, ʻo ʻAsaia, ʻo ʻAdiʻela, ʻo Iesimiʻela, a ʻo Benaia.

³⁷ ʻO Ziza ke keiki a Sipi, ke keiki a ʻAlona, ke keiki a Iedaia, ke keiki a Simeri, ke keiki a Semaia;

³⁸ ʻo kēia poʻe i kapa ʻia ma ko lākou inoa, he poʻe aliʻi lākou i loko o ko lākou mau ʻohana; a māhuahua nui aʻela ka ʻohana a ko lākou mau mākua.

³⁹ A hele akula lākou ma ke komo ʻana o Gedora, ma ka ʻaoʻao hikina o ke awāwa, e ʻimi ana i wahi e hānai ai i nā holoholona no lākou.

⁴⁰ A loaʻa ihola iā lākou kahi hānai momona a maikaʻi, a he ākea ka ʻāina, a he maluhia me ka ʻoluʻolu; no ka mea, ua noho kahiko kā Hama ma laila.

⁴¹ A hele akula kēia poʻe i kākau ʻia ma ka inoa, i ka wā o Hezekia ke aliʻi o kā Iuda, a hahau ihola i ko lākou mau halelewa, a me nā hale i loaʻa i laila, a hōkai loa iā lākou a hiki i kēia manawa, a noho ihola ma ko lākou wahi; no ka mea, he wahi hānai ia no ko lākou holoholona.

⁴² A ʻo kekahi poʻe o lākou, ʻo nā mamo a Simeona, he ʻelima haneri kānaka i hele aku i ka Mauna Seira: ʻo Pelatia, ʻo Nearia, ʻo Repaia, a ʻo ʻUziʻela, nā keiki a ʻIsi, ko lākou mau luna koa.

⁴³ A pepehi akula lākou i ke koena o kā ʻAmeleka i pakele, a noho ihola i laila a hiki i kēia manawa.