KA BUKE MUA O KA ʻOIHANA ALIʻI 25 - Ka Baibala Hemolele

1 Nā inoa a me nā ʻoihana a ka poʻe mele a me ka poʻe hoʻokani. 8 Puʻunaue ʻia lākou ma nā papa he iwakāluakumamāhā.

MOKUNA XXV.

¹ ¶ Eia hoʻi kekahi, hoʻokaʻawale aʻela ʻo Dāvida a me nā luna kaua i nā keiki kāne a ʻAsapa me kā Hemana a me kā Iedutuna, no ka ʻoihana; na lākou e wānana mai me nā lira, nā pesaleteria, a me nā kimebala; a eia ka poʻe lawehana e like me kā lākou hana ʻana:

² No nā keiki kāne a ʻAsapa: ʻo Zakura, ʻo Iosepa, ʻo Netania, a ʻo ʻAsarela, nā keiki kāne a ʻAsapa, ma lalo nō o nā lima o ʻAsapa, nāna i wānana mai, e like me ke kauoha a ke aliʻi.

³ No Iedutuna, ʻo nā keiki kāne a Iedutuna: ʻo Gedalia, ʻo Zeri, ʻo Iesaia, ʻo Hasabia, a ʻo Matitia, ʻeono, ma lalo o nā lima o ko lākou makua kāne ʻo Iedutuna, nāna i wānana mai me ka lira, e hoʻoaloha aku a e hoʻoleʻa iā Iēhova.

⁴ No Hemana, ʻo nā keiki kāne a Hemana: ʻo Bukia, ʻo Matania, ʻo ʻUziʻela, ʻo Sebuʻela, ʻo Ierimota, ʻo Hanania, ʻo Hanani, ʻo ʻEliata, ʻo Gidaleti, ʻo Romameti-ʻEzera, ʻo Iosebekasa, ʻo Maloti, ʻo Hotira a ʻo Mahaziota.

⁵ ʻO lākou nei a pau nā keiki kāne a Hemana, a ke kāula o ke aliʻi ma nā mea o ke Akua, e hoʻokiʻekiʻe aʻe i ka pū. A hāʻawi maila ke Akua i nā keiki kāne he ʻumikumamāhā, a me nā kaikamāhine ʻekolu na Hemana.

⁶ ʻO kēia poʻe a pau, ma lalo o nā lima o ko lākou makua kāne no ka mele i loko o ka hale o Iēhova, me nā kimebala, nā pesaleteria, a me nā lira, no ka ʻoihana ma ka hale o ke Akua, e like me ke kauoha a ke aliʻi iā ʻAsapa, iā Iedutuna, a me Hemana.

⁷ A ʻo ka huina o lākou a pau, me ko lākou poʻe hoahānau, i aʻo ʻia i nā mele no Iēhova, ʻo ka poʻe akamai a pau, he ʻalua haneri me ke kanawalukumamāwalu.

⁸ A puʻu ihola lākou, ʻo kekahi papa e kū pono ana i kekahi papa, ʻo nā mea nui a me nā mea ʻuʻuku, ʻo ke kumu a me ka haumāna.

⁹ ¶ A puka maila ka puʻu mua no ʻAsapa iā Iosepa, ʻo ka lua iā Gedalia, ʻo ia me nā hoahānau ona a me nā keiki kāne, he ʻumikumamālua;

¹⁰ ʻo ke kolu iā Zakura; ʻo nā keiki kāne āna a me kona mau hoahānau, he ʻumikumamālua;

¹¹ ʻo ka hā iā ʻIzeri; ʻo nā keiki kāne āna, a me kona mau hoahānau, he ʻumikumamālua;

¹² ʻo ka lima iā Netania; ʻo nā keiki kāne āna, a me kona mau hoahānau, he ʻumikumamālua;

¹³ ʻo ke ono iā Bukia; ʻo nā keiki kāne āna, a me kona mau hoahānau, he ʻumikumamālua;

¹⁴ ʻo ka hiku iā Iesarela; ʻo kāna mau keiki kāne, a me nā hoahānau ona, he ʻumikumamālua;

¹⁵ ʻo ka walu iā Iesaia; ʻo kāna mau keiki kāne, a me nā hoahānau ona, he ʻumikumamālua;

¹⁶ ʻo ka iwa iā Matania; ʻo kāna mau keiki kāne, a me nā hoahānau ona, he ʻumikumamālua;

¹⁷ ʻo ka ʻumi iā Simei, ʻo kāna mau keiki kāne, a me nā hoahānau ona, he ʻumikumamālua;

¹⁸ ʻo ka ʻumikumamākahi iā ʻAzareʻela; ʻo kāna mau keiki kāne a me nā hoahānau ona, he ʻumikumamālua;

¹⁹ ʻo ka ʻumikumamālua iā Hasabia; ʻo kāna mau keiki kāne, a me nā hoahānau ona, he ʻumikumamālua;

²⁰ ʻo ka ʻumikumamākolu iā Subaʻela; ʻo kāna mau keiki kāne, a me nā hoahānau ona, he ʻumikumamālua;

²¹ ʻo ka ʻumikumamāhā iā Matitia; ʻo kāna mau keiki kāne, a me nā hoahānau ona, he ʻumikumamālua;

²² ʻo ka ʻumikumamālima iā Ieremota; ʻo kāna mau keiki kāne a me nā hoahānau ona, he ʻumikumamālua;

²³ ʻo ka ʻumikumamāono iā Hanania; ʻo kāna mau keiki kāne a me nā hoahānau ona, he ʻumikumamālua;

²⁴ ʻo ka ʻumikumamāhiku iā Iosebekasa; ʻo kāna mau keiki kāne, a me nā hoahānau ona, he ʻumikumamālua;

²⁵ ʻo ka ʻumikumamāwalu iā Hanani; ʻo kāna mau keiki kāne, a me kona mau hoahānau, he ʻumikumamālua;

²⁶ ʻo ka ʻumikumamāiwa iā Maloti; ʻo kāna mau keiki kāne, a me nā hoahānau ona, he ʻumikumamālua;

²⁷ ʻo ka iwakālua iā ʻEliata; ʻo kāna mau keiki kāne, a me nā hoahānau ona, he ʻumikumamālua;

²⁸ ʻo ka iwakāluakumamākahi iā Hotira; ʻo kāna mau keiki kāne a me nā hoahānau ona, he ʻumikumamālua;

²⁹ ʻo ka iwakāluakumamālua iā Gidaleti; ʻo kāna mau keiki kāne a me nā hoahānau ona, he ʻumikumamālua;

³⁰ ʻo ka iwakāluakumamākolu iā Mahaziota; ʻo kāna mau keiki kāne, a me nā hoahānau ona, he ʻumikumamālua;

³¹ ʻo ka iwakāluakumamāhā iā Romameti-ʻEzera; ʻo kāna mau keiki kāne, a me nā hoahānau ona, he ʻumikumamālua.