KA BUKE MUA O KA ʻOIHANA ALIʻI 2 - Ka Baibala Hemolele

1 Nā keiki a ʻIseraʻela, 3 a Iuda, 13 a Iese, 18 a Kaleba, a Hezerona, 21 a Ierameʻela. 25 Nā mamo a Sesana. 50 Nā ʻohana a kā Keni.

MOKUNA II.

¹ ¶ Eia nā keiki kāne a ʻIseraʻela: ʻo Reubena, ʻo Simeona, ʻo Levi, ʻo Iuda, ʻo ʻIsakara, a ʻo Zebuluna,

² ʻo Dana, ʻo Iosepa, a ʻo Beniamina, ʻo Napetali, ʻo Gada, a ʻo ʻAsera.

³ ¶ ʻO nā keiki kāne a Iuda: ʻo ʻEra, ʻo ʻOnana, a ʻo Sela; ua hānau nāna ia mau mea ʻekolu na ke kaikamahine a Sua no Kanaʻana. A ua hewa ʻo ʻEra ka hānau mua a Iuda i mua o nā maka o Iēhova; a pepehi maila ʻo ia iā ia.

⁴ Na Tamara na kāna hūnōna wahine i hānau nāna ʻo Pereza lāua ʻo Zara. ʻO nā keiki kāne a pau a Iuda, ʻelima lākou.

⁵ ¶ ʻO nā keiki kāne a Pereza: ʻo Hezerona a ʻo Hamula.

⁶ ʻO nā keiki kāne a Zara: ʻo Zimeri, ʻo ʻEtana, ʻo Hemana, ʻo Kalekola, a ʻo Dara; he ʻelima o lākou a pau.

⁷ ʻO nā keiki a Karemi: ʻo ʻAkana, ka mea hoʻopilikia i kā ʻIseraʻela, nāna i lawehala i ka mea i laʻa.

⁸ ʻO ke keiki kāne a ʻEtana: ʻo ʻAzaria.

⁹ ¶ ʻO nā keiki kāne hoʻi a Hezerona, i hānau nāna: ʻo Ierameʻela, ʻo Rama, a ʻo Kelubai.

¹⁰ Na Rama ʻo ʻAminadaba, na ʻAminadaba ʻo Nahasona, ka luna o nā mamo a Iuda;

¹¹ na Nahasona ʻo Salemona, na Salemona ʻo Boaza,

¹² na Boaza ʻo ʻObeda, na ʻObeda ʻo Iese.

¹³ Na Iese ʻo ʻEliaba kāna hānau mua, ʻo ʻAbinadaba hoʻi ka lua, a ʻo Sima ke kolu,

¹⁴ ʻo Netaneʻela ka hā, ʻo Radai ka lima,

¹⁵ ʻo ʻOzema ke ono, ʻo Dāvida ka hiku.

¹⁶ ʻO ko lākou mau kaikuāhine: ʻo Zeruia a ʻo ʻAbigaila. A ʻo nā keiki kāne a Zeruia, ʻekolu lākou: ʻo ʻAbisai, ʻo Ioaba, a ʻo ʻAsahela.

¹⁷ Na ʻAbigaila i hānau ʻo ʻAmasa; a ʻo ka makua kāne o ʻAmasa, ʻo ia ʻo Ietera no kā ʻIsemaʻela.

¹⁸ ¶ Na Kaleba na ke keiki a Hezerona, na lāua ʻo ʻAzuba kāna wahine a me Ieriota; eia nā keiki kāne āna: ʻo Iesera, ʻo Sobaba, a ʻo ʻAredona.

¹⁹ A make iho ʻo ʻAzuba, lawe aʻela ʻo Kaleba nāna iā ʻEperata, a hānau maila ʻo ia iā Hura nāna.

²⁰ Na Hura ʻo ʻUri, a na ʻUri ʻo Bezeleʻela.

²¹ ¶ A ma hope iho, komo akula ʻo Hezerona i loko i ke kaikamahine a Makira a ka makua kāne o Gileada, a lawe aʻela ʻo ia iā ia i kona makahiki he kanaono, a hānau maila nāna ʻo Seguba.

²² Na Seguba ʻo Iaira, iā ia nā kūlanakauhale he iwakāluakumamālua ma ka ʻāina ʻo Gileada.

²³ A lawe aʻela ʻo ia iā Gesura a me ʻArama a me nā kūlanakauhale ʻo Iaira mai o lākou aku, a me Kenata a me nā kūlanakauhale o laila, nā kūlanakauhale he kanaono; no nā keiki kāne a Makira a ka makua kāne o Gileada kēia mau wahi a pau.

²⁴ A ma hope iho o ka make ʻana o Hezerona ma Kaleba ʻEperata, a laila hānau maila ʻo ʻAbiia ka wahine a Hezerona iā ʻAsura nāna, ʻo ka makua kāne ia o Tekoa.

²⁵ ¶ Eia nā keiki kāne a Ieramula a ka makahiapo a Hezerona: ʻo Rama ka hānau mua, ʻo Buna, ʻo ʻOrena, ʻo ʻOzema, ʻo ʻAhiia.

²⁶ Na Ierameʻela kekahi wahine ʻē aʻe, ʻo ʻAtara kona inoa; ʻo ia ka makuahine o ʻOnama.

²⁷ ʻO nā keiki kāne a Rama a kā Ieramula makahiapo: ʻo Maʻaza, ʻo Iamina, a ʻo ʻEkera.

²⁸ A ʻo Samai lāua ʻo Iada nā keiki kāne a ʻOnama. ʻO nā keiki kāne a Samai: ʻo Nadaba a ʻo ʻAbisura.

²⁹ A ʻo ʻAbihaila ka inoa o ka wahine a ʻAbisura; a hānau maila ʻo ia nāna iā ʻAbana a me Molida.

³⁰ ʻO nā keiki kāne a Nadaba: ʻo Seleda, a ʻo ʻApaima; a make keiki ʻole ʻo Seleda.

³¹ ʻO ke keiki kāne a ʻApaima: ʻo ʻIsi. A ʻo ke keiki kāne a ʻIsi: ʻo Sesana. A ʻo ke keiki kāne a Sesana: ʻo ʻAhelai.

³² A ʻo nā keiki kāne a Iada a ke kaikaina o Samai: ʻo Ietura a ʻo Ionatana; a make keiki ʻole ʻo Ietura.

³³ A ʻo nā keiki kāne a Ionatana: ʻo Peleta a ʻo Zaza. ʻO lāua nā keiki a Ierahemeʻela.

³⁴ ʻAʻohe keiki kāne a Sesana, he mau kaikamāhine nō naʻe. A he kauā kāne iā Sesana, he ʻAigupita, ʻo Iareha kona inoa.

³⁵ A hāʻawi akula ʻo Sesana i kāna kaikamahine i wahine na Iareha na kāna kauā, a hānau maila ia nāna ʻo ʻAtai.

³⁶ Na ʻAtai ʻo Natana, na Natana ʻo Zabada,

³⁷ na Zabada ʻo ʻEpelala, na ʻEpelala ʻo ʻObeda,

³⁸ na ʻObeda ʻo Iehu, na Iehu ʻo ʻAzaria,

³⁹ na ʻAzaria ʻo Heleza, na Heleza ʻo ʻEleasa,

⁴⁰ na ʻEleasa ʻo Sisamai, na Sisamai ʻo Saluma,

⁴¹ na Saluma ʻo Iekamia, na Iekamia ʻo ʻElisama.

⁴² ¶ A ʻo nā keiki kāne a Kaleba a ke kaikaina o Ierahemeʻela: ʻo Mesa kona makahiapo, ʻo ia ka makua kāne o Zipa; a ʻo nā keiki kāne a Maresa ka makua kāne o Heberona.

⁴³ A ʻo nā keiki kāne a Heberona: ʻo Kora, ʻo Tapua, ʻo Rekema a ʻo Sema.

⁴⁴ Na Sema ʻo Rahama ka makua kāne o Iorekoama; na Rekema hoʻi ʻo Samai.

⁴⁵ A ʻo ke keiki kāne a Samai: ʻo Maona; a ʻo Maona ka makua kāne o Betezura.

⁴⁶ Na ʻEpa, na ka haiā wahine a Kaleba i hānau ʻo Harana, ʻo Moza, a ʻo Gazeze; a na Harana ʻo Gazeze.

⁴⁷ ʻO nā keiki kāne a Iadai: ʻo Regema, ʻo Iotama, ʻo Gesana, ʻo Peleta, ʻo ʻEpa, a ʻo Saʻapa.

⁴⁸ Na Maʻaka, na ka haiā wahine a Kaleba i hānau ʻo Sebera a ʻo Tirana.

⁴⁹ Nāna hoʻi i hānau ʻo Saʻapa ka makua kāne o Mademana, a ʻo Seva ka makua kāne o Makebena, a ʻo ka makua kāne o Gibea; a ʻo ʻAkesa ke kaikamahine a Kaleba.

⁵⁰ Eia nā keiki kāne a Kaleba ke keiki a Hura, a ka makahiapo a ʻEperata; ʻo Sobala ka makua kāne o Kiriata Iearima;

⁵¹ ʻo Salema ka makua kāne o Betelehema, ʻo Hareta ka makua kāne o Bete Gadera.

⁵² Iā Sobala hoʻi ka makua kāne o Kiriata Iearima nā keiki kāne: ʻo Haroka, a ʻo Hatesihamenuti.

⁵³ Eia nā ʻohana a Kiriata Iearima: ka poʻe ʻIteri, ka poʻe Puhi, ka poʻe Sumati, a me ka poʻe Miserai; na lākou i puka mai ai ka poʻe Zareati, a me ka poʻe ʻEsetauli.

⁵⁴ ʻO nā keiki kāne a Salema: ʻo Betelehema, a me ka poʻe Netopati, ʻo ʻAtarota o Beta Ioaba, ʻo Hatesihamenuti, a ʻo ka poʻe Zori.

⁵⁵ A ʻo nā ʻohana o ka poʻe kākau ʻōlelo i noho ma Iabeza, ka poʻe Tireti, ka poʻe Simeati, a ʻo ka poʻe Sukati. ʻO lākou ka poʻe Keni i puka mai mai Hemata mai, ka makua kāne o ka ʻohana o Rekaba.