KA BUKE MUA O KA ʻOIHANA ALIʻI 1 - Ka Baibala Hemolele

1 He kūʻauhau maiā ʻAdamu a iā Noa. 5 Maiā Noa a iā ʻAberahama. 28 Nā keiki a ʻAberahama, a Ketura, a ʻIsemaʻela, a ʻIsaʻaka, a ʻEsau.

MOKUNA I.

¹ ¶ ʻO ʻAdamu, ʻo Seta, ʻo ʻEnosa,

² ʻo Kainana, ʻo Mahalaleʻela, ʻo Iereda,

³ ʻo ʻEnoka, ʻo Metusala, ʻo Lameka,

⁴ ʻo Noa, ʻo Sema, ʻo Hama, a ʻo Iapeta.

⁵ ¶ Eia nā keiki kāne a Iapeta: ʻo Gomera, ʻo Magoga, ʻo Madai, ʻo Iavana, ʻo Tubala, ʻo Meseka, a ʻo Tirasa.

⁶ A ʻo nā keiki kāne a Gomera: ʻo ʻAsekenaza, ʻo Ripata, a ʻo Togarema.

⁷ A ʻo nā keiki kāne a Iavana: ʻo ʻElisa, ʻo Tarehisa, ʻo Kitima, a ʻo Dodanima.

⁸ ¶ Eia nā keiki kāne a Hama: ʻo Kusa, ʻo Mizeraima, ʻo Puta, a ʻo Kanaʻana.

⁹ A ʻo nā keiki kāne a Kusa: ʻo Seba, ʻo Havila, ʻo Sabeta, ʻo Raʻama, a ʻo Sabeteka. A ʻo nā keiki kāne a Raʻama: ʻo Seba, a ʻo Dedana.

¹⁰ Na Kusa ʻo Nimeroda: ʻo ia kai lilo i mea ikaika ma luna o ka honua.

¹¹ Na Mizeraima ʻo kā Luda, ʻo kā ʻAnama, ʻo kā Lehaba, ʻo kā Napetuha,

¹² ʻo kā Paterusa, ʻo kā Kaselusa, (nāna mai ko Pilisetia,) a ʻo kā Kapetora.

¹³ ¶ Na Kanaʻana ʻo Zidona kāna hiapo, a ʻo Heta,

¹⁴ a ʻo kā Iebusa, a ʻo kā ʻAmora, a ʻo kā Giregasa,

¹⁵ a ʻo kā Heva, a ʻo kā ʻAreki, a me kā Sini,

¹⁶ a ʻo kā ʻArevada, a ʻo kā Zemari, a ʻo kā Hamati.

¹⁷ ¶ Eia nā keiki kāne a Sema: ʻo ʻElama, ʻo ʻAsura, ʻo ʻArepakada, ʻo Luda, ʻo ʻArama, ʻo ʻUza, ʻo Hula, ʻo Getera, a ʻo Meseka.

¹⁸ Na ʻArepakada ʻo Sala, na Sela ʻo ʻEbera.

¹⁹ Na ʻEbera i hānau nā keiki kāne ʻelua: ʻo Pelega ka inoa o kekahi; no ka mea, ua mokuhia ka honua i kona manawa; a ʻo Ioketana ka inoa o kona kaikaina.

²⁰ Na Ioketana ʻo ʻAlemodada, a ʻo Selepa, ʻo Hazemaveta, a ʻo Iera,

²¹ ʻo Hadorama hoʻi, ʻo ʻUzala, a ʻo Dikela,

²² a ʻo ʻEbala, ʻo ʻAbimaʻela a me Seba,

²³ ʻo ʻOpira, ʻo Havila, a ʻo Iobaba. ʻO lākou nei a pau nā keiki kāne a Ioketana.

²⁴ ¶ ʻO Sema, ʻo ʻArepakada, ʻo Sala,

²⁵ ʻo ʻEbera, ʻo Pelega, ʻo Reu,

²⁶ ʻo Seruga, ʻo Nahora, ʻo Tera,

²⁷ ʻo ʻAberama, ʻo ia hoʻi ʻo ʻAberahama.

²⁸ ¶ Eia nā keiki kāne a ʻAberahama: ʻo ʻIsaʻaka a me ʻIsemaʻela.

²⁹ Eia nā hanauna o lākou: ʻo ka makahiapo a ʻIsemaʻela, ʻo ia ʻo Nebaiota; a laila ʻo Kedara, ʻo ʻAdebeʻela, ʻo Mibesama,

³⁰ ʻo Misama, ʻo Duma, ʻo Masa, ʻo Hadada, a ʻo Tema,

³¹ ʻo Ietura, ʻo Napisa, a ʻo Kedema; ʻo ia nā keiki kāne a ʻIsemaʻela.

³² Eia nā keiki kāne a Ketura, a ka haiā wahine a ʻAberahama; hānau aʻela ʻo ia iā Zimerana, iā Iokesana, iā Medana, iā Midiana, iā ʻIsebaka, a me Sua. A eia nā keiki kāne a Iokesana, ʻo Seba a ʻo Dedana.

³³ Eia nā keiki kāne a Midiana: ʻo ʻEpa, ʻo ʻEbera, ʻo Henoka, ʻo ʻAbida, a ʻo ʻEledaʻa. ʻO lākou nei a pau nā keiki kāne a Ketura.

³⁴ Na ʻAberahama ʻo ʻIsaʻaka. ʻO nā keiki kāne a ʻIsaʻaka, ʻo ia ʻo ʻEsau a ʻo ʻIseraʻela.

³⁵ Eia nā keiki kāne a ʻEsau: ʻo ʻElipaza, ʻo Reuʻela, ʻo Ieusa, ʻo Iaʻalama, a ʻo Kora.

³⁶ Eia nā keiki kāne a ʻElipaza: ʻo Temana, ʻo ʻOmara, ʻo Zepi, ʻo Gatama, ʻo Kenaza, ʻo Timena, a ʻo ʻAmeleka.

³⁷ Eia nā keiki kāne a Reuʻela: ʻo Nahata, ʻo Zera, ʻo Sama, a ʻo Miza.

³⁸ A eia nā keiki kāne a Seira: ʻo Lotana, ʻo Sobala, ʻo Zibeona, ʻo ʻAna, ʻo Disehona, ʻo ʻEzara, a ʻo Disana.

³⁹ Eia nā keiki kāne a Lotana: ʻo Hori, a ʻo Homama: a ʻo Timena ke kaikuahine o Lotana.

⁴⁰ ʻO nā keiki kāne a Sobala: ʻo ʻAliana, ʻo Manahata, ʻo ʻEbala, ʻo Sepi, a ʻo ʻOnama. ʻO nā keiki kāne a Zibeona: ʻo ʻAia a ʻo ʻAna.

⁴¹ ʻO ke keiki kāne a ʻAna: ʻo Disona. A ʻo nā keiki kāne a Disona: ʻo ʻAmerama, ʻo ʻEsebana, ʻo ʻIterana, a ʻo Kerana.

⁴² Eia nā keiki kāne a ʻEzera: ʻo Bilehana, ʻo Zavana, a ʻo Iakana. ʻO nā keiki kāne a Disana: ʻo ʻUza, a ʻo ʻArana.

⁴³ ¶ Eia hoʻi nā aliʻi i noho aliʻi ai ma ka ʻāina ma ʻEdoma, ma mua aku o ka noho aliʻi ʻana o kekahi aliʻi ma luna o nā mamo a ʻIseraʻela: ʻo Bela ke keiki a Beora; a ʻo Dinehaba ka inoa o kona kūlanakauhale.

⁴⁴ A make iho ʻo Bela, a laila aliʻi ihola ʻo Iobaba ke keiki a Zera no Bozera, ma kona hakahaka.

⁴⁵ A make iho ʻo Iobaba, aliʻi ihola ʻo Husama no ka ʻāina o kā Temani, ma kona hakahaka.

⁴⁶ A make iho ʻo Husama, aliʻi ihola ma kona hakahaka ʻo Hadada ke keiki kāne a Bedada, nāna i pepehi i ka Midiana ma ke kula ʻo Moaba; a ʻo ʻAvita ka inoa o kona kūlanakauhale.

⁴⁷ A make iho ʻo Hadada, aliʻi aʻela ʻo Samela, no Masereka, ma kona hakahaka.

⁴⁸ A make iho ʻo Samela, aliʻi aʻela ma kona hakahaka ʻo Saula, no Rehobota ma ka Muliwai.

⁴⁹ A make iho ʻo Saula, aliʻi aʻela ma kona hakahaka ʻo Baʻala-Hanana, ke keiki a ʻAkebora.

⁵⁰ A make iho ʻo Baʻala-Hanana, aliʻi aʻela ʻo Hadada ma kona hakahaka; a ʻo Pai ka inoa o kona kūlanakauhale; a ʻo Mehetabela ka inoa o kāna wahine, ʻo ia ke kaikamahine a Matereda, ke kaikamahine a Mezahaba.

⁵¹ Make ihola ʻo Hadada. Eia nā mākualiʻi o ʻEdoma: ʻo Timena he makualiʻi, ʻo ʻAlia he makualiʻi, ʻo Ieteta he makualiʻi,

⁵² ʻo ʻAholibama he makualiʻi, ʻo ʻEla he makualiʻi, ʻo Pinona he makualiʻi,

⁵³ ʻo Kenaza he makualiʻi, ʻo Temana he makualiʻi, ʻo Mibeza he makualiʻi,

⁵⁴ ʻo Magediʻela he makualiʻi, ʻo ʻIrama he makualiʻi. ʻO lākou nei nā mākualiʻi no ʻEdoma.