Уэрэд 98 - ХъыбарыфӀыр. ЩӀэдзапӀэр. Уэрэд ЛъапӀэхэр

98-нэ Уэрэд Тхьэуэ Пащтыхьхэм Я Щхьэр

¹ Зиусхьэным тепщэныгъэр иӀыгъщи, цӀыху лъэпкъхэр ирегулэз! мелыӀычхэм ящхьэкӀэ и тахътэ Ар тесщи, щӀыгур иретхытх!

² Зиусхьэныр Цион щыинщ, цӀыху лъэпкъ псоми Ар лъагэу къащхьэщытщ.

³ Уи цӀэ ин дыдэу шынагъуэм щӀыхь хурещӀ! ЛъапӀэ дыдэщ Ар.

⁴ ЛъэкӀыныгъэшхуэ зиӀэ Пащтыхьу тэрэзыныгъэр зи щӀасэ, Уэ захуагъэр бгъэпсащ: Захуагъэмрэ щыпкъагъэмрэ Израилым щыбгъэуващ.

⁵ ВгъэлъапӀэ Зиусхьэныр, ди Тхьэр, щхьэщэ щыфщӀ и тахътэм и пащхьэ: ЛъапӀэщ Ар!

⁶ Мусэрэ Хьэрунрэ и дин пашэхэм ящыщащ, Самуили – елъэӀуахэм. МакъышхуэкӀэ елъэӀуащ Зиусхьэным, Ахэр зэхихащ Абы.

⁷ Пшэ гуэрэным хэту, Ар къепсэлъащ абыхэм; Абы и псалъэ гъуазэхэри щӀапхъэу игъэувахэри ягъэзэщӀащ абыхэм.

⁸ Зиусхьэну ди Тхьэ! Уэ зэхэпхащ абыхэм я лъэӀу: яхуэзыгъэгъу Тхьэуэ ураӀащ Уэ, итӀани я бзаджэщӀагъэхэмкӀэ бгъэпшынэжащ.

⁹ Зиусхьэну ди Тхьэм и щӀыхьыр фӀэт, Абы щхьэщэ щыхуэфщӀ и бгы лъапӀэм – лъапӀэщ Зиусхьэну ди Тхьэр!