Уэрэд 86 - ХъыбарыфӀыр. ЩӀэдзапӀэр. Уэрэд ЛъапӀэхэр

86-нэ Уэрэд Ерусалим и щӀыхь

¹ Корах и къуэхэм папщӀэ. Уэрэд

² Зиусхьэным и къалэр Ӏуащхьэ лъапӀэм тригъэуващ. Екъуб и псэупӀэ псоми нэхърэ, Цион и къалэбжэхэр нэхъыфӀу елъагъу Зиусхьэным.

³ Хъыбар дэгъуэщ уэр папщӀэ яӀуатэр, Тхьэм и къалэ!

⁴ СыкъэзыщӀэ лъэпкъхэм я гугъу щысщӀкӀэ, Мысыри Бабэлэни яхэтщ, филишт цӀыхухэри, цор цӀыхухэри, эфиоп цӀыхухэри – ахэр псори Ерусалим къыщыхъуауэ ялъытэнщ.

⁵ Цион къалэм папщӀэ Тхьэм жиӀэнщ: «Мыбы хуэдэр икӀи мыбы хуэдэ цӀыхур абы къыщыхъуащ, сыту жыпӀэмэ Псоми Я Нэхъ Лъагэр арщ а къалэр зыгъэбыдэнур».

⁶ ЦӀыху лъэпкъыр къащыхитхыкӀкӀэ, Зиусхьэным итхынщ: «Мыбы хуэдэр абы къыщыхъуащ».

⁷ Уэрэд жызыӀэхэми къафэхэми зэдащтэу жаӀэ: «ФӀыгъуэ псори къызыпкърыкӀыр Цион къалэр арщ».