Уэрэд 81 - ХъыбарыфӀыр. ЩӀэдзапӀэр. Уэрэд ЛъапӀэхэр

81-нэ Уэрэд Тхьэуэ псоми ящхьэ щыӀэр

Асаф и уэрэд

¹ Тхьэхэм я зэӀущӀэм щыӀэу, Тхьэр и тахътэм тесщ, уафэм щыӀэу, хуэлажьэхэм я пащхьэ хьэкум щещӀэ:

² «Сыт хуэдизкӀэ щыпкъагъэншэу хьэкум зефхьэну, цӀыху бзаджэхэм яхуэвгъэкӀуатэурэ фщӀыну?

³ ТхьэмыщкӀэм, ибэм я хьэкъ ефт; Егъэзыгъэм, екӀэкӀуам, мылъкуншэм захуагъэ ядызефхьэ;

⁴ ТхьэмыщкӀэр, мылъкуншэр хэфшыжи, цӀыху бзаджэхэм къаӀэщӀэфхыж.

⁵ ЯщӀэркъым, къагурыӀуэркъым, кӀыфӀым хэтхэщ, щӀыгу лъащӀэхэр мэхъей.

⁶ Сэ жысӀащ – фэ фытхьэщ, Псоми Я Нэхъ Лъагэм и къуэхэри – фэ псори;

⁷ АрщхьэкӀэ фэ, цӀыхухэм хуэдэу, фылӀэнущ, ФыкӀуэдынущ пщы псоми яхуэдэу».

⁸ Егъажьэ, ди Тхьэ, щӀыгум хьэкум тещӀыхь, сыту жыпӀэмэ цӀыху лъэпкъ псори Уэращ зейр.