Уэрэд 8 - ХъыбарыфӀыр. ЩӀэдзапӀэр. Уэрэд ЛъапӀэхэр

8-нэ Уэрэд

¹ УэрэдыӀуэхэмрэ пшынауэхэмрэ я пашэм папщӀэ. Гитит пшынэ дыкъуакъуэхэмкӀэ дежьууэ. Даут и уэрэд

² Зиусхьэну ди Тхьэ! Уи цӀэр сыту щылъапӀэ щӀыгум дэнэкӀи, уафэм нэхъ лъагэу уи щӀыхьым зиӀэтащ!

³ Сабийхэми сабий быдзафэхэми я жьэкӀэ щӀыхь зыхуебгъэщӀащ, къыппэувыжхэм ягу къеуэу, уи бийхэмрэ лъыщӀэжакӀуэхэмрэ бгъэувыӀэну.

⁴ Уи ӀэкӀэ пщӀа уи уафэм, мазэу, вагъуэу бгъэувахэм сэ сеплъ щыхъукӀэ,

⁵ сыт цӀыхур зи лӀэужьыгъуэр, уегупсысыну Уэ абы, цӀыху лъэпкъым и къуи, Уэ абы укӀэлъыплъэну?

⁶ Уэ нэхърэ зымащӀэкӀэ нэхъ цӀыкӀуу пщӀащ; хуэбгъэфэщащ щӀыхьышхуэрэ лъытэныгъэшхуэрэ.

⁷ Уи ӀэщӀагъэхэр зэригъэкӀуэну тепщэныгъэр ептащ; щыӀэ псори и лъэгу щӀагъ щӀэбгъэуващ:

⁸ мэлхэри, выхэри, абы хуэдэу губгъуэм ис хьэкӀэкхъуэкӀэхэри,

⁹ къуалэбзухэри, хым хэс бдзэжьейхэри, хым хэс псэущхьэхэри.

¹⁰ Зиусхьэн, ди Тхьэ! сыту щылъапӀэ уи цӀэр щӀыгум дэнэкӀи!