Уэрэд 69 - ХъыбарыфӀыр. ЩӀэдзапӀэр. Уэрэд ЛъапӀэхэр

69-нэ Уэрэд ДэӀэпыкъуэгъум хуагъэхьа тхьэлъэӀу

¹ УэрэдыӀуэхэмрэ пшынауэхэмрэ я пашэм папщӀэ. Даут и уэрэд. Тхьэм игу зыкъэдгъэкӀыжын папщӀэ

² Уа, ди Тхьэ, сыхэшыж, Зиусхьэн, къепсынщӀэкӀ дэӀэпыкъуэгъу укъысхуэхъуну.

³ Я напэ трырекӀ, емыкӀуи кърехь си псэм къещэхэм! Мыгъуагъэ къызэхъулӀэн зыфӀэигъуэхэр я напэ текӀауэ зэщӀрекӀуэж!

⁴ «Дэгъуэщ! Дэгъуэщ!» къызжаӀэурэ къысщыдышхыхэр я напэ текӀауэ зэщӀрекӀуэж.

⁵ ИрегуфӀэж, ягу кърырехьэж, зыкъыпхуэзыгъазэ псоми! Уи фӀыгъэкӀэ къызэрелынум щхьэкӀэ фӀыщӀэ зыщӀхэм зэпымыууэ жраӀэ: «Ин дыдэщ Тхьэр!»

⁶ Сэ сытхьэмыщкӀэщ, сыфакъырщ. Уэращ си дэӀэпыкъуэгъур, сыхэзышынур. ПсынщӀэӀуэу си деж къакӀуэ, ди Тхьэ. Зиусхьэн! Зумыгъэгувэ.