Уэрэд 62 - ХъыбарыфӀыр. ЩӀэдзапӀэр. Уэрэд ЛъапӀэхэр

62-нэ Уэрэд Тхьэм ухуэзэшыныр

¹ Иудэ къум нэщӀым щыӀэу, Даут жиӀа уэрэд

² Уэращ Тхьэр! Уэращ си Тхьэр, сыплъохъу, сигукӀи си псэкӀи сыпхуозэш; щӀыгу нэщӀым, щӀыгу гъущӀам сыщыӀэу, щӀыгу псыншэм сыщыӀэу си пкъыр пхуопабгъэ.

³ Уи унэ лъапӀэм ущыслъэгъуащ, уи гуащӀэрэ уи щӀыхьрэ слъэгъуащ.

⁴ Уи лъагъуныгъэ мыкӀуэдыжыр гъащӀэм нэхърэ нэхъыфӀщи, щӀыхь пхуэсщӀынщ.

⁵ ЩӀыхь пхуэсщӀынщ сыпсэуху, сынолъэӀуурэ, си Ӏэхэр сӀэтынущ.

⁶ Шхын ӀэфӀым арэзы сыкъищӀауэ, уи щӀыхьыр гуфӀэгъуэшхуэкӀэ сӀуэтэнщ.

⁷ ПӀэм сыхэлъу сигу укъокӀыж, жэщ къэрэгъулым я зэманым сыногупсыс,

⁸ сыту жыпӀэмэ удэӀэпыкъуэгъущ Уэ сэркӀэ, уи дамэ щӀагъым я жьаум гуфӀэгъуэ уэрэд щыжызоӀэ.

⁹ Си псэр пкӀэрыпщӀащ Уэ. Уи Ӏэ ижьым сэ сиӀыгъщ.

¹⁰ Сэ си псэм къещэхэр ирекӀуэ хьэдрыхэ.

¹¹ Джатэ жанкӀэ иреукӀ ахэр, хьэӀуцыдзхэм пэщӀрехуэ.

¹² Ауэ пащтыхьыр Тхьэм щыгуфӀыкӀынщ, хэтуи ирехъу, Тхьэм и цӀэкӀэ тхьэрыӀуэ зыщӀыр гуфӀэжынщ; сыту жыпӀэмэ пцӀы зыупсхэм я жьэр Тхьэм зэхуищӀыжынщ.