Уэрэд 6 - ХъыбарыфӀыр. ЩӀэдзапӀэр. Уэрэд ЛъапӀэхэр

6-нэ Уэрэд Махуаем и тхьэлъэӀу

¹ УэрэдыӀуэхэмрэ пшынауэхэмрэ я пашэм папщӀэ. ШыкӀэ пшынэкӀэ дежьууэ. Даут и уэрэд

² Зиусхьэн! Губжь лыгъейм ухэту сумыгъэкъуаншэ, ущыгубжькӀэ сумыгъэпшынэ.

³ СыгуащӀаджэщ, Зиусхьэн, уи нэфӀкӀэ къызэплъ; си къупщхьэхэр къэкӀэзызащи, Ӏэзэгъуэ къысхуэхъу, Зиусхьэн.

⁴ Псэуэ схэтыр гумэщӀыгъэм зэлъищтащ; атӀэ Уэ, Зиусхьэн, сыт хуэдизрэ сызэбгъэжьэну?

⁵ Зыкъысхуэгъазэ Уэ, Зиусхьэн, къегъэл си псэр, мыкӀуэду, уи лъагъуныгъэ мыкӀуэдыжкӀэ кӀуэдыпӀэм сишыж.

⁶ Сыту жыпӀэмэ ажал зыгъуэтам игу Уэ укъэкӀыжынукъым: хьэдрыхэ щыӀэу уи щӀыхьыр хэт яхуэзыӀуэтэнур?

⁷ Си щэӀуным сиухащ; си гъуэлъыпӀэм жэщ къэси нэпсыр щызогъажэ, си пӀэр си нэпсымкӀэ соуфэнщӀ.

⁸ Нэщхъеягъуэм ирихащ си нэр, иригъэгъукӀащ, жьы хъуащ си бийхэм я ягъэкӀэ.

⁹ СпэӀэщӀэ зыфщӀ бзаджащӀэхэм – зэхихащ си гъы макъыр Зиусхьэным.

¹⁰ Зэхихащ си лъэӀур Зиусхьэным; си тхьэлъэӀур къабыл ищӀынущ Абы.

¹¹ УкӀытэжынщ си бийхэр псори, зэлъищтэнщ я нэгухэр шынагъуэм; зэщӀагъэкӀуэжынщ ахэр, напӀэзыпӀэм трахынщ я напэр.