Уэрэд 59 - ХъыбарыфӀыр. ЩӀэдзапӀэр. Уэрэд ЛъапӀэхэр

59-нэ Уэрэд Тхьэм гугъуехьым укъыхишыжыным теуха тхьэлъэӀу

¹ УэрэдыӀуэхэмрэ пшынауэхэмрэ я пашэм папщӀэ. «Шушан-Эдут» макъамэр щӀэлъу ягъэӀу. Яджын папщӀэ Даут иуса уэрэд

2 Месопотамие хэкумрэ Цовэ къалэмрэ ящыщ арамей цӀыхухэм Даут езауэ щыхъум, къэкӀуэжрэ пэт КӀей Шыугъэм деж эдом цӀыху мин пщыкӀутӀ Иоаб пащтыхьым щыщиукӀым, Даут иуса уэрэд

² Месопотамие хэкумрэ Цовэ къалэмрэ ящыщ арамей цӀыхухэм Даут езауэ щыхъум, къэкӀуэжрэ пэт КӀей Шыугъэм деж эдом цӀыху мин пщыкӀутӀ Иоаб пащтыхьым щыщиукӀым, Даут иуса уэрэд

³ Уэ, ди Тхьэ! Дебгъэзащ дэ, дызэхэпкъутащ, укъытхуэгубжьащ: зыкъытхуэгъазэ.

⁴ Бгъэсысащ Уэ щӀыгур, зэхэпкъутащ, зэщыудауэ абы иӀэхэр зэфӀэгъэувэж, сыту жыпӀэмэ ар мэхъей.

⁵ Уи цӀыху лъэпкъым гугъуехь ебгъэшэчащ, дыщхьэщызыху санэ дебгъэфащ.

⁶ ФӀэлӀыкӀ къыпхуизыӀэхэм къахуэӀэт бэракъыр шабзэшэр къатемыхуэн папщӀэ;

⁷ Уэ фӀыуэ плъагъухэр гугъуехьым хэкӀыжын папщӀэ; Уи Ӏэ ижьымкӀэ сыкъегъэли, сызэхэх.

⁸ И унэ лъапӀэм Тхьэм щыжиӀащ: «ФыгуфӀэ, Шихэм згуэшынщ, Суккот кӀейри тезгуэшэнщ.

⁹ Гилеад, Мэнашэ сысейщ, Эфраим – си тажщ, Иудэ – си дыщэ къащӀэщ.

¹⁰ Моаб – зызэрыстхьэщӀ Ӏэгубжьэщ, Эдом – си шырыкъур тезгъэувэнщ, Филишт щӀыгум си макъыр гуфӀэгъуэшхуэкӀэ щысӀэтынщ».

¹¹ Къалэ гъэбыдам хэт сыдэзышэнур? Хэт Эдом сынэзыгъэсынур?

¹² Уэракъэ ӀэщӀыб дызыщӀауэ ди дзэм гъусэ къахуэмыхъур, ди Тхьэ?

¹³ Гугъуехьым дыхэтщ, къыддэӀэпыкъу – пщӀэншэщ цӀыхум ущыгугъыныр.

¹⁴ Тхьэр ди гъусэмэ, текӀуэныгъэр дыдейщ. Ар ятекӀуэнщ ди бийхэм.