Уэрэд 57 - ХъыбарыфӀыр. ЩӀэдзапӀэр. Уэрэд ЛъапӀэхэр

57-нэ Уэрэд Дунейм и хьэкумыщӀэхэм хеящӀэ яхуэхъунур

¹ УэрэдыӀуэхэмрэ пшынауэхэмрэ я пашэм папщӀэ. «СумыгъэкӀуэд» макъамэр щӀэлъу ягъэӀу. Даут и уэрэд

² Фэ, зиусхьэн лъэщхэ, Щыпкъагъэм тету къэфӀэта Ӏуэхухэр, хьэкумри захуагъэкӀэ ятефщӀыхьа цӀыхум я бынхэм?

³ Хьэуэ, щывохъумэ фэ фигухэм мызахуагъэр хабзэншагъэр фи ӀэхэмкӀи яхувогуэщ.

⁴ Къыщалъхуам щегъэжьауэ, цӀыху бзаджэхэр мэгъуащэ; анэм и ныбэ къыщикӀам щегъэжьауэ, пцӀы яупс, щоуэ.

⁵ Абыхэм я щхъухьыр блэ щхъухьым хуэдэщ, ущхъухьэкӀуэм и уэрэди,

⁶ я нэхъ ущхъухьэкӀуэ Ӏэзэм и макъи зэхэзымых блэ дэгуу зи тхьэкӀумэ зэхуэзыщӀам хуэдэщ.

⁷ Ди Тхьэ! Абыхэм я дзэхэр я жьэм жьэдэкъутыхь; къутэ, Зиусхьэн, аслъан жьэпкъхэр!

⁸ ИрекӀуэд псы блэжым хуэдэу; щашэшӀкӀэ зыпыщӀыкӀа шабзэшэм хуэдэ ирехъу.

⁹ ИрекӀуэд псым хэкӀуэдэжа хьэмлашкӀуэм ещхьу; бзылъхугъэм фӀэкӀуэдыжа сабийуэ дыгъэр зымылъэгъуам хуэдэу.

¹⁰ МафӀэр шыуаным къемыӀэ щӀыкӀэ бэрэжьейуэ пэралъхьагъащӀэри ныкъуэсу жьыбгъэм зэбгрырех.

¹¹ Тхьэм хуэщыпкъэр, Тхьэм зэригъэпшынэр щилъагъукӀэ, къэгуфӀэнщ; цӀыху бзаджэм илъкӀэ итхьэщӀынщ абы и лъакъуэхэр.

¹² ЖаӀэнщ цӀыхухэм: «Тхьэм хуэщыпкъэм щыпкъэ дыдэу егъуэт ӀыхьэфӀ! ЩыӀэщ щӀыгум хьэкум щызыщӀэ Тхьэ!»