Уэрэд 53 - ХъыбарыфӀыр. ЩӀэдзапӀэр. Уэрэд ЛъапӀэхэр

53-нэ Уэрэд Бийхэм уащиухъумэнкӀэ тхьэлъэӀу

¹ УэрэдыӀуэхэм пшынауэхэмрэ я пашэм папщӀэ Бзэпс зэрылъ ӀэмэпсымэхэмкӀэ ягъэӀу

² Зиф цӀыхухэр къакӀуэу, «Дэнэ Даут зыщигъэпщкӀуар?» жаӀэу Шаул къыщеупщӀым, Даут иуса акъылыфӀагъэ уэрэдыр.

³ Ди Тхьэ! Уи цӀэкӀэ сыкъегъэл, уи гуащӀэкӀэ сызэрыхейр ӀупщӀ щӀы.

⁴ Ди Тхьэ! Си тхьэлъэӀур къызэхэх! Си псалъэм уи тхьэкӀумэ къыхуэгъазэ.

⁵ Сыту жыпӀэмэ зыкъыспаӀэтащ напэншэхэм, си псэм къощэ цӀыху залымхэр; абыхэм Тхьэр ӀэщӀыб ящӀащ.

⁶ Аращ, Тхьэр сэ си дэӀэпыкъуэгъущ; Зиусхьэныр щӀэгъэкъуэн къысхуохъу.

⁷ Си бийхэм я щӀэпхъаджагъэр яригъэпшыныжынщ. Уи щыпкъагъэкӀэ гъэкӀуэд ахэр.

⁸ Сэ къурмэн пхуэсщӀынщ си гуапэу, Уи цӀэм щӀыхь хуэсщӀынщ, Зиусхьэн, сыту жыпӀэмэ ар фӀыщ.

⁹ Сыту жыпӀэмэ си тхьэмыщкӀагъэ псоми Уэ сыкъыхэпшыжащ, си бийхэр хэгъэщӀауэ слъэгъуащ.