Уэрэд 3 - ХъыбарыфӀыр. ЩӀэдзапӀэр. Уэрэд ЛъапӀэхэр

3-нэ Уэрэд Зэман шынагъуэм Тхьэм ущыгугъыныр

¹ Езым и къуэ Абшалом къыщыӀэщӀэкӀыжам щыгъуэ. Даут иуса уэрэд

² Зиусхьэн! Сыту куэд зэрыгъэхъуа си бийхэр! Сагъэбийуэ, куэдым зыкъыспаӀэт.

³ Сэ къыстепсэлъыхьу, куэдым жаӀэ: «Утыкум ар Тхьэм къринащ».

⁴ Ауэ Уэращ, Зиусхьэн, мэӀуу сыкъэзыхъумэр, текӀуэныгъэр сэзыгъэгъуэту, си щхьэр лъагэу сэзыгъэӀэтыр.

⁵ Зиусхьэным соджэ, Цион Ӏуащхьэ лъапӀэм тету, Абы сызэхех.

⁶ Сигу псэхуауэ согъуэлъри сожей, сыкъотэджыж, сыту жыпӀэмэ си щӀэгъэкъуэнщ Зиусхьэныр.

⁷ Абы къыхэкӀкӀэ сащышынэркъым дэнэкӀи къикӀыурэ сэ сызыгъэбий цӀыху мин бжыгъэхэм.

⁸ Сыкъэлъагъу, Зиусхьэн! СымыкӀуэдыну сыкъегъэл, си Тхьэ! Бийуэ сиӀэ псоми я нэкӀур яхущӀыбоуд, цӀыху бзаджэхэм я дзэхэр яхубогъэщащэ.

⁹ Зиусхьэныращ текӀуэныгъэ къыдэзыгъэхьыр. Уи нэфӀ щрехуэ Уи лъэпкъым.