Уэрэд 27 - ХъыбарыфӀыр. ЩӀэдзапӀэр. Уэрэд ЛъапӀэхэр

27-нэ Уэрэд Тхьэм зиущэхумэ

Даут и уэрэд

¹ Сыноджэ, Зиусхьэн: си абрэмывэм макъыншэ зумыщӀ, зыбущэхуу къызжумыӀэмэ, хьэдрыхэ ехыжхэм яхуэдэ сыхъунщ.

² Къызэхэх си лъэӀу макъ, сыноджэ щыхъукӀэ, си Ӏэхэр, уи унэшхуэ лъапӀэм хуэсшийурэ, къэсӀэт щыхъукӀэ.

³ Ер зылэжьа бзаджащӀэхэм садумыгъэкӀуэд, гъунэгъухэм яхэт щыхъукӀэ, ахэр мамырыгъэм топсэлъыхь, ауэ я гум бзаджагъэр илъщ.

⁴ Ялэжьам елъытауэ ядэпсэу, яхуэфащэмкӀэ етэж абыхэм; я бзаджэщӀагъэ егъэпшыныж, я ӀэщӀагъэ пегъуэкӀ егъэгъуэтыж.

⁵ Зиусхьэныр зэрызекӀуэм, абы я нэӀэ и ӀэщӀагъэм теткъыми, зэхикъутэнщи, къигъэщӀыжынкъым ахэр.

⁶ ЩӀыхьыр зейр Зиусхьэнырщ, сыту жыпӀэмэ си лъэӀу макъ Абы зэхихащ.

⁷ Зиусхьэным гуащӀэ къызет, мэӀу къысхуохъу; сыщогугъ Абы сигукӀэ, сэ Ар къыздощӀ, си гур Абы къегъэжан; абы папщӀэ си уэрэдкӀэ щӀыхь хузощӀ Абы.

⁸ Зиусхьэныр и цӀыху лъэпкъым гуащӀэ къезытщ, къыхиха пащтыхьым и хъумапӀэщ, и быдапӀэщ.

⁹ Уи цӀыху лъэпкъыр къегъэл мыкӀуэду, Ӏэхъуэ хуэхъу, хуэгумэщӀ игъащӀэкӀэ уи ӀыхьэфӀ хъу цӀыху лъэпкъым!