Уэрэд 19 - ХъыбарыфӀыр. ЩӀэдзапӀэр. Уэрэд ЛъапӀэхэр

19-нэ Уэрэд ТекӀуэныгъэм ехьэлӀа тхьэлъэӀу

¹ Пшынауэхэмрэ уэрэдыӀуэхэмрэ я пашэм папщӀэ. Даут и уэрэд

² Махуэ къиным укъызэхрех Зиусхьэным, ди адэжь Екъуб и Тхьэм укърехъумэ.

³ ДэӀэпыкъуныгъэ къурырет Тхьэм и унэшхуэм къригъэкӀыу, Цион Ӏуащхьэм тету щӀэгъэкъуэн къыпхурехъу.

⁴ Игу кърекӀыж тыгъэу хуэпщӀар, уэ бгъэса къурмэныпхъэхэми нэфӀкӀэ кърыреплъ.

⁵ УигукӀэ пфӀэигъуэр къурырет, гухэлъу уиӀэ псори къыбдрегъэхъу.

⁶ Ди бийхэм уазэрытекӀуам папщӀэ макъышхуэкӀэ дрегуфӀэ, ди Тхьэм и цӀэкӀэ дреӀэт бэракъыр. УзыщӀэлъэӀу псори Тхьэм къыпхурещӀэ.

⁷ Иджы къэсщӀащ Езым къыхиха цӀыхум Зиусхьэныр къызэрыдэӀэпыкъунур. И Ӏэ ижьу текӀуэныгъэ къэзыхьым и лъэкӀ инкӀэ уафэ лъапӀэхэм къарыкӀыу жэуап кърет.

⁸ Языныкъуэхэр зыщотхъуж хьэрыгъажэхэмкӀэ, языныкъуэр – шыхэмкӀэ, дэ Зиусхьэну ди Тхьэм и цӀэм щӀыхь худощӀ.

⁹ Ахэр ещӀэнщи, джэлэнщ, ауэ дэ дыкъэтэджыжынщи, лъэ быдэкӀэ дыщытынщ.

¹⁰ Уэ, Зиусхьэн! Пащтыхьым текӀуэныгъэр къыдегъэхь, дызэхэх дыноджэ щыхъукӀэ.