Уэрэд 147 - ХъыбарыфӀыр. ЩӀэдзапӀэр. Уэрэд ЛъапӀэхэр

147-нэ Уэрэд КъигъэщӀа псоми щӀыхь хуащӀ Зиусхьэным

¹ Зиусхьэным щӀыхь хуэщӀ, Ерусалим; щӀыхь хуэщӀ, Цион, уи Тхьэм.

² Сыту жыпӀэмэ уи куэбжьэ блыпкъхэр Абы егъэбыдэ, и нэфӀ къащохуэ уи къуэ къыбдэпсэухэм;

³ уи псэупӀэм мамырыгъэр щегъэбыдэ; гуэдзыфӀкӀэ уегъашхэ,

⁴ и унафэ щӀылъэм къытреутӀыпщхьэ; псынщӀэу зеубгъу Абы и псалъэм.

⁵ Цы увым хуэдэу уэсыр къет; жэпыр яжьэу кърепхъых.

⁶ Тыкъыр-тыкъыру уэр кърепхъых; Абы къищӀ щӀыӀэр хэт зыхуэшэчынур?

⁷ И псалъэ къиутӀыпщынщи, псори къэвыжынщ; жьыр къригъэпщэнщи, псыхэр къежэхэнщ.

⁸ Абы и псалъэ Екъуб къыжреӀэ, игъэува хабзэхэр, и хьэкумхэр – Израил.

⁹ Апхуэдэ хуищӀакъым Абы нэгъуэщӀ цӀыху лъэпкъ гуэрым. Абы и хьэкумхэри – ящӀэркъым абыхэм. ЩӀыхьыр ейщ Зиусхьэным!