Уэрэд 141 - ХъыбарыфӀыр. ЩӀэдзапӀэр. Уэрэд ЛъапӀэхэр

141-нэ Уэрэд Уэращ си щхьэегъэзыпӀэр

Даут бгъуэнщӀагъым щыжиӀа тхьэлъэӀу

¹ МакъышхуэкӀэ зыхузогъазэ сэ Зиусхьэным, си макъкӀэ солъэӀу Абы;

² къыщысӀуэтащ Абы и пащхьэ си тхьэусыхафэр; нахуэ хуэсщӀащ си гухэщӀыр.

³ Си псэм хулъэмыкӀыж щыхъукӀэ, уи нэӀэ си гъуэгум къытетщ Уэ. Абыхэм щэхуу си гъуэгум хъы къытрагъэуващ.

⁴ Ижьырабгъу лъэныкъуэмкӀэ соплъэ, ауэ зыми гу къыслъитэркъым сэ; щхьэегъэзыпӀэ сиӀэжкъым, зы цӀыхуми сыкъридзэжыркъым.

⁵ Сыноджэ Уэ, Зиусхьэн, жызоӀэ: «СэркӀэ щхьэегъэзыпӀэу, псэ зыӀутым я дунейм сытетыху, Уэращ сызыхуэныкъуэр».

⁶ Си гухэщӀ макъым къедэӀу, гуащӀаджэ сыхъуащ; сащыхъумэ сыкъезыхуэкӀхэм – сэр нэхърэ нэхъ гуащӀэшхуэщ ахэр.

⁷ Уи цӀэм щӀыхь хуэсщӀын папщӀэ, сыкъишыж хьэпсым. Щыпкъагъэ зиӀэхэр, фӀыгъуэу къысхуэпщӀам щхьэкӀэ, къыщызэруугъуеинущ си деж.