Уэрэд 139 - ХъыбарыфӀыр. ЩӀэдзапӀэр. Уэрэд ЛъапӀэхэр

139-нэ Уэрэд Тхьэм укъихъумэным и тхьэлъэӀу

УэрэдыӀуэхэм я пашэм папщӀэ. Даут и уэрэд

¹ ЦӀыху бзаджэхэм сащыхъумэ, Зиусхьэн; сащыхъумэ залымыгъэ зезыхьэ цӀыхухэм.

² Абыхэм ягукӀэ бзаджагъэ къагупсыс; махуэ къэс зэщыхьэнхэу, цӀыхухэр зэщӀагъаплъэ.

³ Я бзэгур ягъэжан, блэ хуэдэ; блэм и щхъухьыр я бзэгум хэлъщ.

⁴ СаӀэщӀумыгъахуэ, Зиусхьэн, бзаджащӀэхэм, залымыгъэ зезыхьэу, сыщагъэуэн зигу илъхэм сащыхъумэ.

⁵ ЗыкъызыфӀэщӀыжхэм убыдыпӀэхэр схуагъэпщкӀуащ, хъыхэр къысхуагъэӀэгъуащ, гъуэгу Ӏуфэхэм лъэхъу щрадзащ абыхэм.

⁶ Зиусхьэным жесӀащ сэ: «Уэ узи-Тхьэщ»; къызэхэх, Зиусхьэн, си тхьэлъэӀу макъ!

⁷ Зиусхьэн, си Зиусхьэн, си хъумакӀуэ лъэщ! Тажым хуэдэу, сыкъэпхъумащ зауэм щыгъуэ.

⁸ ЗыщӀэхъуэпсыр йомыт цӀыху бзаджэм, Зиусхьэн; гухэлъ бзаджэу ищӀар къыдумыгъэхъу, зыкъыфӀэщӀыжынущи.

⁹ Сыкъэзыувыхьахэм я щхьэ къаӀэтащи, я бзэгум и Ӏеягъэр езыхэм ятрехуэж.

¹⁰ Ятрехуэ абыхэм мафӀэ дэпхэр, мафӀэм хрехуэ, щыхупӀэ куухэм ирехуэх, къыдэмыкӀыжынхэу.

¹¹ Бзэгузехьэм и Ӏуэху щӀыгум къыщыдремыхъу; залымыгъэ зезыхьэр и бзаджагъэм трекӀуэдэж.

¹² СощӀэ, хэутэн ящӀахэр Зиусхьэным и хьэкум иухеинщ, тхьэмыщкӀэхэм папщӀэ захуагъэр Абы игъэпсынщ.

¹³ Щрет апхуэдэу! Щыпкъагъэ зигу илъхэм щӀыхь хуащӀынщ уи цӀэм; гупцӀанэхэр щыпсэунщ уи пащхьэ.