Уэрэд 136 - ХъыбарыфӀыр. ЩӀэдзапӀэр. Уэрэд ЛъапӀэхэр

136-нэ Уэрэд Хамэ хэку кърахуам и уэрэд

Даут и уэрэд

¹ Бавилэн хэкум и псы Ӏуфэхэм, Цион къалэр дигу къыщыкӀыжым, дыщыгъуащ дэ, абдеж дыщысу.

² Абдеж къыщыкӀ пхъэщабэхэм дэ фӀэддзащ ди пшынэ дыкъуакъуэхэр.

³ Гъэр дызыщӀахэм – уэрэд яжетӀэну, егъэзыгъэу дызыгъэпсэухэр дгъэгуфӀэнхэу къыджаӀащ: «КъыджефӀэ Цион уэрэдхэм щыщ».

⁴ Зиусхьэным и уэрэд хамэ щӀыгум сыт щхьэкӀэ дэ щыжытӀэну?

⁵ Ерусалим, усщыгъупщэмэ, си Ӏэ ижьыр прегъукӀ.

⁶ Си бзэгур си джийм иреубыд, сигу уимылъынумэ, Ерусалим я нэхъ гуфӀэгъуэу сымылъытэнумэ.

⁷ Ерусалим щаубыда махуэм эдом цӀыхухэм абы иращӀар уигу игъэлъ, Зиусхьэн. «Зэхэвгъэщащэ, зэхэфкъутэ лъабжьэм нэсу» жаӀэурэ.

⁸ Бабилэн зыхъунщӀа! Уэ къыдэпщӀам хуэфащэр уэзыгъэпшыныжынур насыпыфӀэщ!

⁹ НасыпыфӀэщ, уэ уи сабийхэр ищтэу, зыукӀынухэр, мывэм ириудэкӀыурэ!