Уэрэд 129 - ХъыбарыфӀыр. ЩӀэдзапӀэр. Уэрэд ЛъапӀэхэр

129-нэ Уэрэд ГуэныхьыщӀэ цӀыхум и тхьэлъэӀу

¹ Гукъеуэм я кууупӀэм сыхэту, Уэ сыноджэ, Зиусхьэн.

² Зиусхьэн! Къызэхэх си макъыр. Си лъэӀу псалъэхэм я макъым уи тхьэкӀумэхэр къыхуресакъ.

³ Уэ, Зиусхьэн, бзаджагъэхэр плъытэмэ, хэт, Зиусхьэн, умыгъэкъуаншэу къэнэнур?

⁴ Ауэ Уэ яхубогъэгъу, фӀэлӀыкӀ къыпхуаӀэн папщӀэ.

⁵ Зиусхьэным сыхуэзэшу сожьэ, си гугъапӀэщ Абы и псалъэр;

⁶ Къэрэгъулыр пщэджыжьым зэрыпэплъэм нэхърэ, нэхъ сожьэ Зиусхьэным, пэжщ, къэрэгъулыр пщэджыжьым зэрыпэплъэм нэхърэ.

⁷ Щрегугъ Израилыр Зиусхьэным; лъагъуныгъэ мыкӀуэдыжыр Зиусхьэным ейщи, Абы гуащӀэшхуэ иӀэщ ухишыжыну.

⁸ Езыращ мыхъумыщӀагъэу иӀэ псоми Израилыр къаӀэщӀэзыхыжынур.