Уэрэд 124 - ХъыбарыфӀыр. ЩӀэдзапӀэр. Уэрэд ЛъапӀэхэр

124-нэ Уэрэд Зиусхьэныр Израил и хъумакӀуэщ

УдэкӀуеиным и уэрэд

¹ Зиусхьэным щыгугъыр Цион Ӏуащхьэу, и пӀэ имыкӀыу, игъащӀэкӀэ итынум хуэдэщ.

² Ерусалим лъэныкъуэ псомкӀи Ӏуащхьэхэм къызэраухъуреижым хуэдэу, Зиусхьэныр и цӀыху лъэпкъым, иджы щегъэжьагъэу игъащӀэкӀэ, лъэныкъуэ псомкӀи къыбгъэдэтынущ.

³ Сыту жыпӀэмэ цӀыху бзаджэхэм я тепщэныгъэ башыр щыпкъагъэ зиӀэ цӀыхухэм я хэкум ищхьэкӀэ Зиусхьэным иригъэтынукъым, щыпкъагъэ зиӀэхэм я Ӏэхэр мыхъумыщӀагъэхэм хуамышиин щхьэкӀэ.

⁴ ФӀы яхуэщӀэ, Зиусхьэн, зигу фӀыуэ, зигу щыпкъэу щытхэм.

⁵ Ауэ зи гъуэгу ӀуантӀэшантӀэм, бзаджагъэ зылэжьхэм ящӀыгъуу, яхуэфащэ Ӏыхьэ ялъигъэсынущ; мамырыгъэ иреӀэ Израилым.