Уэрэд 121 - ХъыбарыфӀыр. ЩӀэдзапӀэр. Уэрэд ЛъапӀэхэр

121-нэ Уэрэд Ерусалим папщӀэ тхьэлъэӀу

УдэкӀуеиным и уэрэд. Даут и уэрэд

¹ «Зиусхьэным и унэшхуэм дывгъакӀуэ» къыщызжаӀэм, сыгуфӀащ сэ.

² Мис ди лъакъуэхэр, Ерусалим, уи куэбжэхэм Ӏутщ.

³ Ерусалим къалэр ухуащ, зыуэ зэхэщӀыхьа хуэдэ.

⁴ Лъакъуэхэр дохьэ абы – Зиусхьэным и лӀакъуэхэр: Израилым хуагъэува хабзэмкӀэ Абы и цӀэм шӀыхь хуащӀыну.

⁵ Хьэкум щащӀыну тахътэхэр щагъэуващ абы, Даут и лӀакъуэ тахътэхэр.

⁶ Ерусалим и мамырыгъэкӀэ фыхуэлъаӀуэ: «Уэ фӀыуэ укъэзылъагъухэр фӀыуэ ирепсэу.

⁷ Уи дэпкъ кӀуэцӀым – мамырыгъэ, уи пщы сэрейхэм шынагъуэншагъэ щреӀэ».

⁸ Си къуэшхэм, си благъэ цӀыхухэм я хьэтыркӀэ Ерусалим жызоӀэ: «Мамырыгъэ угъуэт!»

⁹ Зиусхьэным, ди Тхьэм и унэшхуэм и хьэтыркӀэ сыпхуолъаӀуэ фӀы къыбдэхъуну.