Уэрэд 120 - ХъыбарыфӀыр. ЩӀэдзапӀэр. Уэрэд ЛъапӀэхэр

120-нэ Уэрэд Зиусхьэну ди хъумакӀуэр

УдэкӀуеиным и уэрэд

¹ Ӏуащхьэхэм я дежкӀэ си нэплъэгъуэр согъазэ. Дэнэ къикӀыну си дэӀэпыкъуэгъур?

² Зиусхьэным деж къокӀ си дэӀэпыкъуэгъур – уафэмрэ щӀылъэмрэ къэзыгъэщӀам деж.

³ Уигъэлъэпэрэпэнукъым Абы, щхьэукъуэнукъым укъэзыхъумэр.

⁴ Щыпкъэщ, щхьэукъуэркъым, хэжаеркъым Израилым и хъумакӀуэр.

⁵ Зиусхьэныр уи хъумакӀуэщ; Зиусхьэныр уи жьауэщ, уи Ӏэ ижьым щыт уи жьаущ.

⁶ Махуэм и ягъэ къуигъэкӀынкъым дыгъэм, жэщым и ягъэ – мазэм.

⁷ Зиусхьэным ущихъумэнщ сыт хуэдэ бзаджагъэми; уи псэр къихъумэнщ Зиусхьэным.

⁸ ЗекӀуэ укӀуами, къэбгъэзэжами, иджы щегъэжьауэ игъащӀэкӀэ укъихъумэнщ Зиусхьэным.