Уэрэд 12 - ХъыбарыфӀыр. ЩӀэдзапӀэр. Уэрэд ЛъапӀэхэр

12-нэ Уэрэд ДэӀэпыкъуэгъум хуагъэхьа тхьэлъэӀу

¹ УэрэдыӀуэхэмрэ пшынауэхэмрэ я пашэм папщӀэ. Даут и уэрэд

² Сыт хуэдизрэ, Зиусхьэн, сыпщыгъупщэпауэ сыкъэбгъэнэну, уи нэгу сыт хуэдизрэ сщыбгъэпщкӀуну?

³ Си гупсысэхэм сыт хуэдизрэ сагъэгумэщӀэну, жэщми махуэми гукъеуэм сыхэтыну? Си бийр си щыгу сыт хуэдизрэ итыну?

⁴ Къызэплъи, жэуап къызэт, Зиусхьэн, си Тхьэ! Си нэхэр къэгъаплъэ, лӀэныгъэм и жейм сыхыумыгъэлъафэ.

⁵ Си бийм къызжиӀэн лъремыкӀ: «Сэ абы сытекӀуащ». Сылъэпэрапэмэ, къыспэувхэр иремыгуфӀэ.

⁶ Уи лъагъуныгъэ мыкӀуэдыжым сыщогугъ сэ; сымыкӀуэдыну Уэ сыкъызэребгъэлынур си гуфӀэгъуэщ; си Зиусхьэну фӀыкӀэ къысхущытым сэ щӀыхь уэрэд хужысӀэнщ.