Уэрэд 115 - ХъыбарыфӀыр. ЩӀэдзапӀэр. Уэрэд ЛъапӀэхэр

115-нэ Уэрэд

¹ Си фӀэщхъуныгъэм сытекӀакъым сэ, гухэщӀышхуэ сиӀэу жысӀами.

² Гузэвэгъуэм сыхэту жысӀэгъащ: «ЦӀыхум ущыгугъыныр пщӀэншэщ».

³ Зиусхьэным фӀыуэ къысхуищӀа псоми пэкӀуэу сыт Абы хуэсщӀэжынур?

⁴ Санэпс зэрыт Ӏэгубжьэр Зиусхьэным хуэсӀэтынщ сыкъызэрыригъэлам папщӀэ.

⁵ Зиусхьэным и цӀыху псоми я пащхьэ ситу, псалъэу Абы естар згъэпэжынщ.

⁶ Хуэщыпкъэ цӀыхухэм лӀэныгъэр къалъыӀэсыныр ЗиусхьэнымкӀэ лъапӀэ.

⁷ Зиусхьэн! Уэ срыуиӀурыщӀэщ си анэ зэрыуиӀурыщӀауэ. Ӏэхъулъэхъухэр Уэ степхащ.

⁸ ЩӀыхьыр къурмэныпхъэуэ Уэ пхуэсщӀынщ, Зиусхьэным селъэӀунщ сэ.

⁹ Зиусхьэным и цӀыху псоми я пащхьэ ситу, псалъэу Абы естар згъэпэжынщ,

¹⁰ Зиусхьэным и унэшхуэм и пщӀантӀэм сыдэту, Ерусалим и гупэ сыщыӀэу! Зиусхьэным щӀыхь хуэфщӀ.